ഹരിചരിതം 3

Haricharitham 3 | Author : Aadhi | Previous Part 

പത്തു ദിവസം പെട്ടെന്നാണ് കടന്നു പോയത്. സാധാരണ വീട്ടിൽ ഉള്ളപ്പോൾ സമയം കളയാൻ ബുദ്ധിമുട്ടുന്ന പോലെ അല്ല, വീട്ടിൽ നിന്നും മാറി നിന്ന് ഇടക്കൊക്കെ വരുമ്പോൾ. വീട്ടിൽ കുറച്ചു ജോലികൾ ഒക്കെ ഉണ്ടായിരുന്നു.. വിശേഷങ്ങൾ പറയാൻ ഉണ്ടായിരുന്നു. കൂട്ടുകാരെ കാണാൻ ഉണ്ടായിരുന്നു.. എല്ലാവർക്കും ഞാൻ വിളിക്കുന്നില്ല, മെസ്സേജ് അയക്കുന്നില്ല എന്ന പരാതി മാത്രം. അവിടുത്തെ കഷ്ടപ്പാട് എനിക്കല്ലേ അറിയൂ.. കൂടാതെ ശ്രീയുടെ കൂടെ നടക്കുന്നത് കൊണ്ട് എനിക്ക് വേറെ ആരെയും മിസ് ചെയ്യുന്നില്ല എന്നത് വേറെ സത്യം.

ഏതായാലും വീട്ടിലെത്തി രണ്ടു മൂന്നു ദിവസങ്ങൾക്കുള്ളിൽ തന്നെ സിറ്റിയിൽ പോയി പർച്ചേസിംഗ് ഒക്കെ നടത്തി. ഓണത്തോടടുക്കുമ്പോൾ തിരക്ക് കൂടുകയേ ഉള്ളൂ… അല്ലെങ്കിൽ തന്നെ ടെക്സ്റൈൽസിൽ ഒന്നും കേറാൻ വയ്യ.. വീട്ടിലും നല്ല സന്തോഷം ആണ്, ഞാൻ കുറെ കാര്യങ്ങൾ സംസാരിക്കുന്നുണ്ട്. മനപ്പൂർവം തന്നെ സസ്‌പെൻഷനും ബാക്കി കാര്യങ്ങളും പറഞ്ഞില്ല. ഓണാഘോഷത്തിന്റെ കാര്യവും ദിവസവും ഉള്ള പോക്കുവരവും തമാശയും ഒക്കെ പറഞ്ഞു. തിരുവോണം കഴിഞ്ഞു അച്ഛന്റെ തറവാട്ടിൽ പോവാം എന്ന് തീരുമാനം ആയി. അതേതായാലും നന്നായി. അവിടെ ആവുമ്പോൾ എന്റെ പ്രായത്തിൽ ഉള്ള കുറച്ചു കസിൻസ് ഒക്കെ ഉണ്ട്. കുറച്ചൊക്കെ കളിയും ചിരിയും ബഹളവും ഇല്ലെങ്കിൽ എന്ത് ആഘോഷം ??

ഗൗരിയെ ഇടക്ക് കാണുമ്പോൾ ഒന്ന് ചിരിക്കും എന്നല്ലാതെ സംസാരിക്കാനുള്ള സമയം കിട്ടിയിരുന്നില്ല. എന്നാലും ഇടക്കുള്ള മെസ്സേജ് അയക്കൽ മുടങ്ങാതെ പോന്നു. അഭിയെ കുറിച്ച് ഇടക്ക് ഓർമ വരുമ്പോൾ മനപ്പൂർവം മറ്റെന്തെങ്കിലും ചിന്തിച്ചു ആ വിഷയം മാറ്റിക്കൊണ്ടിരുന്നു. അവളുടെ മെസ്സേജുകൾക്കും വിളികൾക്കും മ്..ശെരി… എന്നൊക്കെ ഉള്ള മറുപടികൾ അല്ലാതെ എനിക്ക് ഒന്നും  പറയാനോ ചോദിക്കാനോ ഉണ്ടായിരുന്നില്ല. ശ്രീ ദിവസവും വിളിച്ചു ഓരോ വിശേഷങ്ങൾ പറയുന്നത് കൊണ്ട് അഭിയോട് സംസാരിക്കാത്തത് അത്ര പ്രശ്‌നം ആയി എനിക്ക് തോന്നിയില്ല. അവർ എല്ലാവരും വീടൊക്കെ പൂട്ടി രണ്ടു ദിവസം കഴിഞ്ഞാൽ ആന്റിയുടെ വീട്ടിൽ പോവും, അത് കഴിഞ്ഞു അങ്കിളിന്റെ വീട്ടിൽ. അങ്ങനെ കോളേജ് തുറക്കുന്നതിന്റെ തലേന്നേ അവർ തിരിച്ചു വരൂ… ഇതിനിടയിൽ അന്ന് ഓണാഘോഷത്തിനെടുത്ത ഫോട്ടോകൾ അവൾ എനിക്കയച്ചു തന്നു. ചില ഫോട്ടോ ഒക്കെ നല്ല സൂപ്പർ ആയിട്ടുണ്ട്. ഞാനും ശ്രീയും കൂടി മരത്തിന്റെ ചുവട്ടിൽ അവൾ എന്റെ തോളിൽ തല വെച്ചിരിക്കുന്ന ഒരു ഫോട്ടോ ഉണ്ടായിരുന്നു. അവളുടെ കൂടെ ഉള്ള ആരോ എടുത്തതാണ്. അടിപൊളി ഫോട്ടോ. മരത്തിന്റെ പച്ച ബാക് ഗ്രൗണ്ടിൽ ചുവന്ന മാച്ചിങ് ഡ്രസ്സ് ഇട്ട് എന്തോ പറഞ്ഞുകൊണ്ടിരിക്കുന്നു. നല്ലൊരു ഫോട്ടോ..ഞാൻ അതിൽ തന്നെ കുറെ നേരം നോക്കിയിരുന്നു. പിന്നെ അത് എടുത്ത് ശ്രീ എന്നെ വിളിക്കുമ്പോൾ ഉള്ള ഫോട്ടോ ആയി സേവ് ചെയ്തു.

തറവാട്ടിലെ ഓണാഘോഷം ഒക്കെ കഴിഞ്ഞു തിരിച്ചു വന്നു.  വീടിനടുത്തു