ഹരിചരിതം 3 [Aadhi] 1393

” ഇല്ല… ജില്ലാ കമ്മിറ്റിയിൽ നിന്നും പറഞ്ഞു എന്ന് മാത്രമേ അറിഞ്ഞുള്ളൂ… ”

എന്താണ് ചെയ്യേണ്ടത് ??? ഒരെത്തും പിടിയും കിട്ടുന്നില്ല.

ഞാൻ കടയിലേക്ക് നോക്കി. ശ്രീ കരയുന്നൊന്നും ഇല്ല. മുഖത്തു നിറയെ ദേഷ്യം ആണ്. അവരൊക്കെ അവളെ ആശ്വസിപ്പിക്കാനൊക്കെ നോക്കുന്നുണ്ട്.

” ഇനിയിപ്പോൾ വേറെ വഴി ഒന്നുമില്ലേ?? “, ഞാൻ ആതിരയെ നോക്കി.

” ഇല്ല ചേട്ടാ… രണ്ടു ദിവസം  കഴിഞ്ഞാൽ ലിസ്റ്റ് ഇടും. പക്ഷെ അതൊക്കെ ആൾറെഡി തീരുമാനം ആയിട്ടുണ്ട്. ”

മ്…, ഞാൻ ഒന്ന് മൂളിയിട്ടു അകത്തേക്ക് ചെന്നു. ശ്രീയെയും വിളിച്ചുകൊണ്ട് ഇറങ്ങി. നേരെ വീട്ടിലേക്ക് വിട്ടു. അവൾ നേരെ പോയി റൂമിൽ കേറി കതകടച്ചു കിടന്നു. രാത്രി ഭക്ഷണം കഴിക്കാനും വന്നില്ല. കാര്യങ്ങൾ ഒക്കെ വീട്ടിൽ ഞാൻ പറഞ്ഞിരുന്നു.ഇത്ര ചെറിയ കാര്യങ്ങൾക്ക് അവൾ എന്തിനാണ് ഇത്ര വാശി കാണിക്കുന്നത്..ചിലപ്പോൾ അവൾക്കത് വലിയ കാര്യം ആയിരിക്കും, എന്തൊക്കെ ആയാലും ചെയർമാൻ എന്ന് പറഞ്ഞാൽ കോളജിന്റെ മുഖം തന്നെ ആണല്ലോ… എന്തൊക്കെയായാലും ഞാനും ഒരു തരത്തിൽ കുറ്റക്കാരൻ ആണ്, എനിക്ക് വേണ്ടിയാണു അവൾ അന്നാ സമരം വിളിച്ചത്… പക്ഷെ ഇതിൽ അവളെ സഹായിക്കാൻ എനിക്കൊന്നും ചെയ്യാൻ കഴിയില്ല. ഞാൻ റൂമിൽ പോയി ഓരോന്ന് ആലോചിച്ചിരുന്നു.. ഉറക്കം വരുന്നില്ല. അവളുടെ റൂമിലെ ലൈറ്റ് ഒക്കെ അണഞ്ഞിട്ടുണ്ട്… എനിക്കവളുടെ അടുത്ത് പോയി ഇരിക്കാൻ തോന്നുന്നുണ്ട്. പക്ഷെ അവൾ റൂം തുറക്കുന്നില്ല.

രാത്രി ഏറെക്കഴിഞ്ഞപ്പോൾ ആരോ തട്ടിവിളിക്കുന്ന പോലെ… ഞാൻ കൈ എത്തിച്ചു ലൈറ്റ് ഇട്ടു. അഭി ആണ്. ഇവളെന്താ ഈ നേരത്തു ഇവിടെ?? കഴിഞ്ഞ കുറെ ദിവസങ്ങൾ ആയിട്ട് ഞാൻ മനഃപൂർവം മുഖം കൊടുക്കാതെ നടക്കുകയായിരുന്നു.

ദേഷ്യം ഒന്നുമില്ല. എന്നാലും സംസാരിക്കാൻ ഒന്നുമില്ലാത്ത പോലെ. അന്നത്തെ ദൃശ്യം മനസ്സിൽ വരുന്നു.

” എന്താ അഭി?? ”

” നീ വന്നേ.. എനിക്ക് കുറച്ചു സംസാരിക്കാൻ ഉണ്ട് ”

” ഇപ്പൊഴൊ?? എന്തായാലും നമുക്ക് നാളെ സംസാരിക്കാം “, തെല്ലൊരു അനിഷ്ടത്തോടെ ഞാൻ പറഞ്ഞു.

” അത് പറ്റില്ല.. ഞാൻ കുറച്ചു ദിവസം ആയി നിന്നോട് ഒന്ന് സംസാരിക്കാൻ വിചാരിക്കുന്നു. പിന്നെ എക്സാം ഒക്കെ ആയതുകൊണ്ടാ… നീ എണീറ്റ് വാ… ഞാൻ ബാൽക്കണിയിൽ കാണും “, അവൾ എണീറ്റ് എന്റെ റൂമിലെ ബാൽക്കണി തുറന്നു പുറത്തേക്ക് പോയി.

ഞാൻ കുറച്ചു നേരം കൂടി അവിടെ തന്നെ കിടന്നു. എനിക്കൊന്നും സംസാരിക്കാനും കേൾക്കാനും ഇല്ല. എന്നാലും വന്നു വിളിച്ചിട്ട് പോവാതിരുന്നാൽ മോശം ആണ്. പതുക്കെ ഡോർ തുറന്നു ഞാനും ഇരുന്നു. അധികം വീതിയില്ലാത്ത സൈഡിലേക്ക് നീണ്ട ബാൽക്കണി ആണ്. നേരെ നോക്കിയാൽ വീടിൻ്റെ മുൻഭാഗവും ഗേറ്റും കാണാം. ഗേറ്റിന്റെ രണ്ടു സൈഡിലും ഉള്ള ലൈറ്റ് തെളിഞ്ഞു കിടക്കുന്നു, റോഡിൽ ഉള്ള സ്‌ട്രീറ്റ്‌ ലൈറ്റുകളും. നല്ല തണുപ്പുണ്ട്.