നിങ്ങടെ സ്വന്തം കാർത്തി എഴുതുന്ന ഒരു കുഞ്ഞു കഥയാണ്.ഇഷ്ടപ്പെട്ടാൽ ലൈക്കും കമന്റും തരുക.ചിന്തിക്കാനായി ഒരു കുഞ്ഞു കഥ അപ്പൊ വായിച്ചു തുടങ്ങിക്കോ💖💖

💔ദൈവം 💔

Daivam | Author :  M.N. Karthikeyan

ആദ്യമായി അവളെ കണ്ടത് ഈ ക്ഷേത്ര മുറ്റത്തു വെച്ചാണ്. ഒരുപാട് നാളിന് ശേഷം നാട്ടിൽ വന്നതാണ്. ഗൾഫിൽ പൊരിവെയിലത്തു മാടിനെപ്പോലെ പണിയെടുക്കുമ്പോഴും ഓരോ മലയാളിയുടെയും ഉള്ളു ജനിച്ചു വീണ കേരള മണ്ണിൽ ആയിരിക്കും.

“തിരികെ ഞാൻ വരുമെന്ന

വാർത്ത കേൾക്കാനായി

ഗ്രാമം കൊതിക്കാറുണ്ടെന്നും

തിരികെ മടങ്ങുവാൻ തീരത്തടുക്കുവാൻ

ഞാനും കൊതിക്കാറുണ്ടെന്നും.”

ഈ വരികൾക്കുള്ളിൽ ഓരോ തവണയും ഞാൻ എന്നെ തന്നെ കാണുന്നു. പെങ്ങന്മാരെ ഒക്കെ കെട്ടിച്ചയച്ചു. ഒരുവിധം എല്ലാം ഒതുങ്ങി. ഞാൻ ദുബായ് മണ്ണിനോട് വിട പറഞ്ഞു നാട്ടിലേക്കു വണ്ടി കയറി.

വയസ്സ് ഒരുപാട് ആയി. ഭാര്യ ഇല്ല . സത്യത്തിൽ അത്രയും തിരക്കിനിടയിൽ പറ്റിയില്ല എന്നതാണ് സത്യം. എന്റെ പേര് രാഹുൽ. പി വി. പുരുഷോത്തമന്റെയും വനജയുടെയും ഓമന പുത്രൻ . അച്ഛന്റെ മരണത്തോടെ പ്രാരാബ്ധങ്ങൾ ഒറ്റക്ക് തലയിൽ കയറ്റേണ്ടി വന്നു.

എട്ടാം ക്ലാസ് വരെയേ പഠിച്ചിട്ടുള്ളൂ. അത് കഴിഞ്ഞു റോഡ് പണിക്കും വാർക്ക പണിക്കും ഒക്കെ പോയി. ചിലപ്പോ വീട്ടിൽ മൂന്നു പേർക്കുള്ള ആഹാരമേ കാണൂ. അമ്മക്കും രണ്ടു പെങ്ങന്മാർക്കും കഴിക്കാൻ കൊടുത്തു ഞാൻ പുറത്തു നിന്നു കഴിച്ചു എന്നു കള്ളം പറയും. പച്ച വെള്ളം കുടിച്ചു വയർ നിറയ്ക്കും.