💔ദൈവം💔 [M.N. കാർത്തികേയൻ] 340

അവളുടെ കുഞ്ഞു മനസ്സിൽ ഉണ്ടായ ആ ചോദ്യത്തിന് എനിക് മറുപടി ഇല്ലായിരുന്നു. ശെരിയാണ് ദൈവത്തിനു എന്തിനാ പൈസ. ആ ചോദ്യം എന്റെ ഉള്ളിൽ മുഴങ്ങി കൊണ്ടിരുന്നു. ദൈവത്തിനു കൊടുക്കുന്ന പൈസ പാവങ്ങൾക്ക് കൊടുത്തിരുന്നു എങ്കിൽ അവരുടെ വിശപ്പ് തീരില്ലായിരുന്നോ. ആരാധനാലായങ്ങൾക്ക് കൊടുത്താൽ കുറച്ചു ആൾക്കാർ കൈ ഇട്ടു വാരി പോകും. കുറച്ചു അവിടെ മോഡി പിടിപ്പിക്കാൻ ചിലവാക്കും. എന്തിനാ സത്യത്തിൽ പൈസ അവിടെ കൊടുക്കുന്നത്.നാലു പേർക്ക് ഗുണം വരുന്ന വല്ലതും ആ പൈസ കൊണ്ടു ചെയ്താൽ ദൈവം നമ്മളെ അനുഗ്രഹിക്കും. കൈക്കൂലി കൊടുത്തു പുള്ളിയെ വശത്താക്കി അനുഗ്രഹം വാങ്ങേണ്ട ആവശ്യം എന്താ.ദൈവത്തിന്റെ ഇടനിലക്കാർ എന്നു അവകാശപ്പെടുന്നവർക്ക് അല്ലാതെ ആ പൈസ കൊണ്ടു പാവങ്ങൾക്ക് എന്താ ഗുണം. ഭണ്ഡാരത്തിൽ പൈസ ഇട്ടു അനുഗ്രഹം ചോദിക്കുന്നവരെക്കാൾ പുള്ളിക്ക് ഇഷ്ടം ആ പൈസ കൊണ്ടു ജനങ്ങൾക്ക് ഗുണം ചെയ്യുന്നവരെ അല്ലെ. അതേ … അതാണ് ശെരി.

“മാമാ… ”

അവളുടെ വിളി എന്നെ ഉണർത്തി.

“ആ….പറയു മോളെ. എന്താ?”

“അത്…. അത്….”

“ഹാ… മടിക്കാതെ പറ”

“എനിക്ക് നല്ല വിശപ്പ് ഉണ്ട്. വല്ലതും വാങ്ങി തരാമോ. ഞാൻ ജോലി ചെയ്തു വീട്ടിക്കോളാം”

അവളുടെ ആ വാക്കുകൾ എന്റെ നെഞ്ചിൽ ഒരു കല്ലു കയറ്റി വെച്ചു. ഒരു ചിരി ആയിരുന്നു എന്റെ മറുപടി. ഒരു ഹോട്ടലിൽ കയറി അവൾക്ക് മതി വരുവോളം ആഹാരം വാങ്ങി കൊടുത്തു.