💔ദൈവം💔 [M.N. കാർത്തികേയൻ] 340

പോക്കറ്റിൽ നിന്നും ഒരു 200 രൂപ നോട്ട് എടുത്തു കൊടുത്തു ഞാൻ പറഞ്ഞു

“അവൾ എടുത്ത അഞ്ചു രൂപക്ക് പകരം ഇത് ദൈവത്തിനു കൊടുത്തോ.”

ഒരു പുച്ഛത്തോടെ ഞാൻ അവളെയും കൊണ്ട് തിരിഞ്ഞു നടന്നു.

” എന്താ മോൾടെ പേര്…. ”

“എന്റെ പേര് ശ്രീക്കുട്ടി.”

“എന്തിനാ മോൾ ആ പൈസ എടുത്തത്”

“വിശന്നിട്ടാ മാമാ.. ഇന്ന് ഒന്നും കഴിച്ചില്ല”

“അതെന്താ വീട്ടിൽ ഒന്നും വെച്ചില്ലേ”

“ഇല്ല…”

“അതെന്താ അമ്മക്ക് സുഖമില്ലേ”

“‘അമ്മ മരിച്ചു പോയി. ഞാൻ ചിറ്റയുടെ വീട്ടിൽ ആയിരുന്നു. അവരുടെ മകന് വെച്ചിരുന്ന ആഹാരം കഴിച്ചതിനു അവർ എന്നെ തല്ലി. ദേ കണ്ടോ”

അവൾ കയ്യിലെ പാട് എന്നെ കാണിച്ചു.

“ഒട്ടും സഹിക്ക വയ്യാതെ ആയപ്പോൾ ഞാൻ അവിടുന്നു ഇറങ്ങി ഓടിയതാ.രാവിലെ ഒരുപാട് വിശന്നപ്പോൾ ആണ് ഞാൻ തറയിൽ കിടന്ന പൈസ എടുത്തത്. അങ്ങനെയാണ് അയാൾ എന്നെ അടിച്ചത്.”

“മോളെ അത് ദൈവത്തിന്റെ പൈസ ആണ്. എടുത്തു കൂട. ദോഷം കിട്ടും”

“ദൈവത്തിനു എന്തിനാ മാമാ പൈസ.”