ചിങ്കാരി 9 [Shana] 424

“അത് നിന്റടുത്തു… ഇത് ഞാനാണ്.. എന്റെ പ്രിൻസസ് എന്നോട് പിണങ്ങില്ല. ”

“എങ്കിൽ അച്ഛനും മോളും ആയിക്കോ ഞാൻ പോണു… “അച്ചു കെറുവിച്ചു കൊണ്ട് ബാത്റൂമിൽ കയറി

“ഇങ്ങനൊരു കുശുമ്പി… “സിദ്ധു അതും പറഞ്ഞു അമ്മുവിനെ കെട്ടിപിടിച്ചു.. സിദ്ധുവിന്റെ ഉള്ളിൽ പല കണക്കുകൂട്ടലും നടക്കുന്നുണ്ടായിരുന്നു

അച്ചു ചായയുമായി വന്നപ്പോൾ സിദ്ധു അമ്മുവിനെ ഉണർത്തി ഫ്രഷ് ആക്കിയിരുന്നു… അച്ഛന്റെയും മോളുടെയും കളികൾ കുറച്ചുനേരം നോക്കിനിന്നിട്ട് അവൾ അടുക്കളയിലേക്ക് പോയി…

സിദ്ധു മോളുമായി പുറത്തിറങ്ങി.. മീരയുടെ മക്കളെ കണ്ടപ്പോൾ അവൾ അച്ഛയെഅവരെ കാണിച്ചുകൊടുത്ത് ഓരോന്നും പറയുവായിരുന്നു.. അന്നേരം അതുൽ അവിടെ വന്നു അമ്മുവിനെ പാറുവിനടുത്തേക്ക് വിട്ടു എന്നിട്ട് സിദ്ധുവിനോട് അച്ചുവിന്റെയും അജിയുടെയും കാര്യം സംസാരിച്ചു. രണ്ടുപേരും കൂടി പലതും പ്ലാൻ ചെയ്തു.. ഇതൊന്നുമറിയാതെ അച്ചു അടുക്കളയിൽ സെലിനും മീരക്കുമൊപ്പം പണിയിലായിരുന്നു.

ഭക്ഷണം കഴിച്ചു എല്ലാരും കൂടി മക്കളുടെ കളികണ്ടിരിക്കുവായിരുന്നു.. അമ്മുവും പാറുവും കഥ പറയുന്നത് കണ്ടാൽ ആർക്കും ചിരിവരും അമ്മു അച്ചു പട്ടാളമാണ് തോക്കുണ്ട് എന്നുള്ള കഥകൾ പൊടിപ്പും തൊങ്ങലും ചേർത്ത് പാറുവിനോട് വിളമ്പുന്നുണ്ട്. പാറു വലിയ സംഭവം പോലെ കേട്ടിരിക്കുന്നു

“അച്ചു നമുക്കൊന്ന് പുറത്തുപോയിട്ട് വരാം… “സിദ്ധു അച്ചുവിനോടായി ചോദിച്ചു

അവൾക്ക് സന്തോഷം ആയി… കുറച്ചു സമയം അവനുമൊത്ത് ചിലവഴിക്കാൻ അവളും ആഗ്രഹിച്ചിരുന്നു.. ഇന്നലെ മുതൽ ആകെ ഒരു വീർപ്പുമുട്ടൽ ആണ്. അതൊന്ന് ഒഴുക്കിക്കളയണമെങ്കിൽ സിദ്ധുവിനോട് മനസുതുറന്നു കുറച്ചുസമയം സംസാരിച്ചാൽ മതി. അവൾ സന്തോഷത്തോടെ റെഡി ആയി .

അമ്മുവിനെ വിളിച്ചപ്പോൾ ചേച്ചിമാരുടെ കൂടെ കളിക്കുവാനെന്നുപറഞ്ഞു അവൾ വന്നില്ല… അമ്മയോട് അവളെ നോക്കാനേൽപ്പിച്ചു സിദ്ധുവിനൊപ്പം അച്ചു പാര്‍ക്കിലേക്ക് പോന്നു … മനസ്സിലെ സങ്കര്‍ഷങ്ങള്‍ക്ക് ഒരയവ് വരുത്തണമെന്നു കരുതിയാണ് പാര്‍ക്കിലേയ്ക്കു പോകാമെന്നു പറഞ്ഞത്.. ഈ നാട്ടലേയ്ക്കു വന്നതു മുതല്‍ ഉള്ള് നീറിപ്പുകയുകയാണ്.
ചിന്തകളില്‍ മുഴുകിയിരുന്ന അച്ചുവിനെ സിദ്ധു തട്ടി വിളിച്ചു.

“അച്ചു നീ എന്താ കണ്ണു തുറന്നിരുന്നു സ്വപനം കാണുവാണോ.” സിദ്ധു അവളുടെ കവിളില്‍ വലിച്ചുകൊണ്ടു ചോദിച്ചു.

“സിദ്ധു ഇവിടെ വന്നതുമുതൽ എല്ലാം കൂടി ആകെ വട്ടുപിടിക്കുവാ.. അജി അവന്‍.. എനിക്കിനി അവന്റെ മുന്നല്‍ നില്‍ക്കാന്‍ വയ്യെടാ. ” അവൾ പറഞ്ഞതു കേട്ടു സിദ്ധു ചിരിച്ചു.

“അതൊക്കെ ശരിയാക്കാം നമ്മള്‍ക്ക്.. തല്‍ക്കാലം നീ പുറത്തേക്കിറങ്ങ്.” അവൻ അവളുടെ കൈയ്യിലെ പിടി മുറുക്കി കൊണ്ടു പറഞ്ഞു.