ചിങ്കാരി 9 [Shana] 424

“അതാണ്… അല്ല എന്നെ അകത്തേക്ക് കേറ്റുമോ “അവൻ കളിയായി ചോദിച്ചു

“അയ്യോ ഞാൻ പെട്ടെന്ന് കണ്ടപ്പോൾ .. കേറിവാ. അല്ല അവൾ അറിഞ്ഞില്ലേ ” അതുൽ സംശയത്തോടെ ചോദിച്ചു

“ഞാൻ ഉറപ്പു പറഞ്ഞില്ല.. നോക്കട്ടേന്ന് പറഞ്ഞുള്ളു… അതായിരിക്കും അവൾ പറയാഞ്ഞത്.. അല്ല എഴുന്നേറ്റില്ലേ… ”

ഇല്ല.. ഇന്നലെ കിടന്നപ്പോൾ വൈകി… പിന്നെ യാത്ര ക്ഷീണം ഉണ്ടാവും…. ആരും എഴുന്നേറ്റില്ല….

“ഞാനൊന്ന് ഫ്രഷ് ആയിട്ട് വരാം അളിയാ വെളുപ്പിന് ഡ്രൈവ് ചെയ്യാൻ തുടങ്ങിയതാ… ”

“ചായ കുടിച്ചിട്ട് പൊയ്ക്കോ അളിയാ.. ഒന്ന് കിടന്നു റസ്റ്റ്‌ എടുത്തിട്ട് വന്നമതി ”

“ഏയ്‌ വേണ്ട… കുളിച്ചുകഴിഞ്ഞാൽ ഉഷാറാകും… ഇപ്പോ വരാം ”

“സിദ്ധു മുറിയിലേക്ക് പോയി… അച്ചു അമ്മുവിനെയും കെട്ടിപ്പിടിച്ചു കിടക്കുവാണ്.. അവളുടെ മുഖത്ത് കണ്ണുനീർ ഒലിച്ചിറങ്ങിയ പാട് ഉണങ്ങി കിടപ്പുണ്ട്… സിദ്ധു അവളെ ഉണർത്താതെ ബാത്റൂമിൽ പോയി ഫ്രഷ് ആയി വന്നു. എന്നിട്ട് അവളോട്‌ ചേർന്നുകിടന്നു അവളുടെ നെറുകയിൽ ചുംബിച്ചു.
മുഖത്ത് തണുപ്പ് പടർന്നപ്പോൾ അവൾ പതിയെ മിഴികൾ തുറന്നു…സിദ്ധുവിനെ മുന്നിൽ കണ്ടു വിശ്വാസം വരാതെ ഒന്നുകൂടി മിഴികൾ അടച്ചു തുറന്നു

“എന്താണ് പെണ്ണെ ഞാൻ തന്നാ… ഇങ്ങനെ സൂക്ഷിച്ചു നോക്കണ്ട ”

“സിദ്ധു… നീ എപ്പോ എത്തി.. എന്നോട് പറഞ്ഞില്ലല്ലോ… എന്താ വിളിക്കാഞ്ഞത്.. ചായ കുടിച്ചോ… ”

“ഒന്ന് നിർത്തെന്റെ അച്ചു… ഞാൻ ദേ വന്നു ഫ്രഷ് ആയ ടൈം…. പിന്നെ വിളിച്ചു പറയാഞ്ഞത് നിന്റെ ഉറക്കം കളയണ്ടാന്ന് തോന്നി. നീയിങ്ങനെ സങ്കടപ്പെട്ടിരിക്കുമ്പോൾ ഒറ്റക്കാക്കാൻ തോന്നിയില്ല… ഇന്നലെ ഒത്തിരി കരഞ്ഞല്ലേ… ”

“മ്മ്… ഉറങ്ങാൻ പറ്റുന്നില്ലായിരുന്നു.. വെളുപ്പിന് എപ്പഴോ ആണ് ഉറങ്ങിയത്.. ചായ കുടിച്ചില്ലല്ലോ. ഞാൻ എടുത്തിട്ട് വരാം” അഴിഞ്ഞുകിടന്ന മുടി വരികെട്ടികൊണ്ട് അവൾ പറഞ്ഞു

“സമാധാനം ഉണ്ട് പെണ്ണെ.. നീ പോയി ഫ്രഷ് ആയി വാ.. എന്നിട്ട് ചായ എടുത്താൽ മതി… ഞാനെന്റെ പൊന്നിനെ കെട്ടിപ്പിടിച്ചു കിടക്കട്ടെ ” അമ്മുവിനെ തലോടികൊണ്ട് സിദ്ധു പറഞ്ഞു

“അവളുടെ ഉറക്കം കളഞ്ഞാൽ പൊന്നും വെള്ളിയുമൊക്കെ മാറും… പറഞ്ഞില്ലാന്നു വേണ്ട ”