ചിങ്കാരി 9 [Shana] 424

കാറ് നിര്‍ത്തി പുറത്തിറങ്ങിയതും സിദ്ധുവിന്റെ ഫോണിലേക്ക് ഒരു കാള്‍ വന്നു. അച്ഛനാണല്ലോ വിളിക്കുന്നത് എന്നുപറഞ്ഞു അവന്‍ അറ്റന്‍ഡ് ചെയ്തു

“ഹലോ, അച്ഛാ…”

“മോനെ നീ എവിടാടാ..” ആ വയോധികന്റെ ശബ്ദം പതറുന്നുണ്ടായിരുന്നു.

“എന്താ അച്ചാ ശബ്ദം വല്ലാതിരിക്കുന്നേ.. ഞങ്ങള്‍ ദേ പത്തു മിനിറ്റ്.. മോള്‍ക്ക് കുറച്ച് ചോക്ലേറ്റ് വാങ്ങാന്‍ കേറിതാ.. അവള്‍ എവിടെ അച്ഛാ..” സിദ്ധു മോളോട് സംസാരിക്കാനായി തിരക്കി.

“ടാ മോനേ അത്… “അയാള്‍ അവനോട് കാര്യം പറയാന്‍ മടിച്ചു.

“എന്താ അച്ഛാ. അവള് വല്ല കുരുത്തക്കേടും ഒപ്പിച്ചോ…” അവന്‍ ആശങ്കയോടെ ചോദിച്ചു.

‘”ടാ മോനെ..അമ്മുവിനെ കാണുന്നില്ല.. ഞങ്ങള്‍ എല്ലായിടവും നോക്കി…”

“കാണുന്നില്ലന്നോ. അച്ഛാ ദേ കളി പറയരുത്.. അവള്‍ എവിടെ പോകാനാ.. അവിടെ എവിടെയെങ്കിലും ഉണ്ടാകും..”

“ഇല്ല മോനെ.. കുറേ നോക്കി.. അജിയുടെ വീട്ടില്‍ വന്നതായിരുന്നു.. മുറ്റത്ത് കളിക്കുന്നത് കണ്ടിട്ടാ സംസാരിച്ചിരുന്നെ.. ”

“അച്ഛാ ഒന്നുകൂടി നോക്ക്… ഞങ്ങള്‍ ദേ ഇപ്പോ വരാം… ”
അവന്‍ വെപ്രാളപ്പെട്ട് ഫോണ്‍ വെച്ചു

“എന്താ സിദ്ധു അച്ഛനെന്താ പറഞ്ഞെ…. ആരുടെ കാര്യമാ …” അവള്‍ ആകുലതയോടെ ചോദിച്ചു

“ടാ നീ ടെന്‍ഷന്‍ ആവണ്ട. മോളെ അവിടെ നോക്കിയിട്ടു കാണുന്നില്ലെന്ന്…”ഉള്ളിലെ ടെന്‍ഷന്‍ മറച്ചുപിടിച്ചുകൊണ്ട് അവന്‍ പറഞ്ഞു.

“മോള്‍ മോളെ കാണാനില്ലെന്നോ , എന്താ സിദ്ധു പറയുന്നത്… മോളെവിടെ പോയി സിദ്ധു. നമ്മുടെ മോള്‍…. സിദ്ധു എനിക്കിപ്പോ അവളെ കണ്ടേ പറ്റു…”

“ഇല്ലടാ ഒന്നുമില്ല…കരയല്ലേ… അവള്‍ അവിടെ എവിടെയെങ്കിലും ഉണ്ടാവും…”