ചിങ്കാരി 9 [Shana] 424

“മ്മ്… ” ഒന്നു മൂളുക മാത്രം ചെയ്തു അവനോടു കൂടുതല്‍ ചേര്‍ന്നിരുന്നു.

“എന്താടൊ തന്റെ നാക്ക് ആരേലും കട്ടെടുത്തോ.. അല്ലങ്കില്‍ വാ അടക്കാതെ കലപില കൂട്ടുന്ന പെണ്ണാ…..”

അവന്‍ അവളുടെ കവിളിലെ കണ്ണുനീര് തട്ടി കളഞ്ഞുകൊണ്ടു ചോദിച്ചു.

“സിദ്ധു വെറുതെ ഇരിക്ക്…. ഒന്നാമത് എനിക്ക് ഒരു മൂഡില്ലാ. മൈന്‍ഡ് ഒക്കെ എന്തോപോലെ. ഞാന്‍ അവനോട് പറഞ്ഞത് കൂടിപ്പോയോ, അവന് വിഷമം ആയിട്ടുണ്ടാകുമോ….”

അവള്‍ സിദ്ധുവിന്റെ മുഖത്തേയ്ക്കു നോക്കി.

“ഓഹ്…… തുടങ്ങി, ഇതാണ് പെണ്ണേ നിന്റെ കുഴപ്പം. ഒന്നല്ലെങ്കില്‍ ഒന്ന് ആലോചിച്ചിരിക്കും. ഇപ്പോ അവന് വാഷമമായെന്നിരിക്കട്ടെ അതിനിപ്പോ എന്താ അവന്‍ തെറ്റ് ചെയ്തിട്ടല്ലേ. നീ ചുമ്മാ പറഞ്ഞുണ്ടാക്കിയതല്ലല്ലോ…” സിദ്ധു കുറച്ചു ദേഷ്യ ഭാവത്തിൽ അവളോട്‌ പറഞ്ഞു…

“ടാ…. ദേഷ്യപ്പെടല്ലേ, നിനക്കറിയാല്ലോ അവനെ ഞാന്‍ അങ്ങനെ അല്ലേ കണ്ടേക്കുന്നത് എന്ന്… അതുകൊണ്ട്, അവനോട് മിണ്ടില്ലങ്കിലും എന്നും അവനു നല്ലത് വരണമെന്നേ ആഗ്രഹിച്ചിട്ടുള്ളു. അല്ലാതെ..” അച്ചു പരിഭവപ്പെട്ടു.

“എനിക്കറിയാല്ലോ നിന്നെ….. ഇനി ഇതുപറഞ്ഞു സങ്കടപെടണ്ടന്ന് പറഞ്ഞുള്ളു. പെണ്ണേ ആകെ കുറച്ചുസമയമാണ് നമുക്ക് കിട്ടുന്നത് അതിനിടയില്‍ നീ ഇങ്ങനെ സെന്റി അടിച്ചിരിക്കല്ലേ. വന്നിട്ടിതുവരെ മര്യാദക്ക് സംസാരിക്കാന്‍ പോലും പറ്റിയിട്ടില്ല….”

“സോറി ടാ…. ഞാന്‍ നിന്നെ എപ്പോഴും എന്റെ ഓരോ വട്ടുപറഞ്ഞു ബുദ്ധിമുട്ടിക്കുന്നുണ്ടല്ലേ….. മനഃപൂര്‍വ്വമല്ല
നിനക്കറിഞ്ഞുടെ നിന്നോട് പറയാതെ മനസ്സിനൊരു സുഖവും കിട്ടില്ലെന്നേ…” അവള്‍ സങ്കടത്തോടെ പറഞ്ഞു

“എന്റെ ദൈവമേ… ദേ അച്ചു അടി.. വാങ്ങിക്കൂട്ടാ എന്റെകയ്യിന്ന്, ഞാന്‍ നിന്റെ മൂഡ് ചേഞ്ച് ചെയ്യാന്‍ പറഞ്ഞൂന്നേ ഉള്ളൂ അല്ലാതെ.. എല്ലായിടത്തും പുലിക്കുട്ടി… എന്റടുത്തു വരുമ്പോള്‍ മാത്രം നീ പൂച്ചക്കുട്ടി ആവുന്നതെന്തിനാ പെണ്ണേ….” അവന്‍ തലയില്‍ കൈവെച്ചുകൊണ്ട് പറഞ്ഞു

“എന്നെ മനസ്സിലാക്കിയത് നീയല്ലേ സിദ്ധു… എന്റെ കുസൃതികളും പരിഭവങ്ങളും ഇഷ്ടങ്ങളും എല്ലാം നീയല്ലാതെ വേറെ ആരാ സഹിക്കുന്നെ അപ്പോ പിന്നെ നിന്റടുത്തു പുലിക്കുട്ടി ആവാനിഷ്ടമില്ല ടാ… ”