ചിങ്കാരി 6 [Shana] 541

” നിന്നോടൊക്കെ പറഞ്ഞ എന്നെ തല്ലാൻ ആളില്ലാഞ്ഞിട്ടാ, അനുഭവിക്കുക , അല്ലാതെ വേറെ വഴി ഇല്ലല്ലോ , എന്താന്ന് വെച്ചാൽ ചെയ്തേക്കാം ഒന്ന് വാ പൂട്ടിയേച്ചാൽ മതി ”

” അതാണ് ഞങ്ങളുടെ പുന്നാര ഏട്ടൻ ” അതും പറഞ്ഞു അജി അതുലിനെ കെട്ടിപ്പിടിച്ചു..

“ആ അച്ചൂ ഒരു കാര്യം കൂടെ.. “അതുൽ അവളെ ഗൗരവത്തോടെ നോക്കി..

എന്താ ചേട്ടാ,

“എടി എൻ്റെ കാര്യം വീട്ടിലറിഞ്ഞാൽ നിനക്ക് കുശാലാണ്..”

അച്ചു അമ്പരന്നു.. “അതിന് ഞാൻ എന്താ ചെയ്തേ..”

“അല്ല.. മീരേടെ കാര്യം വീട്ടിൽ അറിഞ്ഞപ്പോൾ നടന്നത് നീ മറന്നോ..”

“അതു കേട്ടതും.. പത്തുലിറ്ററിൻ്റെ കുക്കർ വിസിലടിച്ച ഫീലായിരുന്നു അച്ചുവിൻ്റെത്..”

“ഏട്ടാ “.. അവൾ ഉറക്കെ വിളിച്ചു പോയി.

” അപ്പോൾ നിനക്കും പേടിയുണ്ടല്ലേ.. “അതുൽ പൊട്ടിച്ചിരിച്ചു ഒപ്പം അജിയും..

“ടാ പട്ടികളെ.. “അച്ചു പല്ലുകടിച്ചു..

“നിന്ന് പല്ല് കടിച്ചു പൊട്ടിക്കാണ്ട് പോയെ നീ.. ” വീട്ടിൽ പോയിരിക്ക്..

“തെണ്ടിത്തിരിഞ്ഞു നടക്കുവാണ് രണ്ടും “.. അതും പറഞ്ഞു അതുൽ രണ്ടുപേരെയും വീട്ടിലേക്ക് ഓടിച്ചു വിട്ടു . ദേഷ്യത്തോടെ അവൾ തിരിച്ചു നടന്നു.

അച്ചുവും അജിയും വീട്ടിൽ ചെല്ലുമ്പോൾ എസ് ഐ അച്ചുവിന്റെ തുടർപഠനത്തെ പറ്റി പറഞ്ഞത് രധാമ്മയോട് രാഘവൻ പറഞ്ഞു കൊണ്ടിരിക്കുകയായിരുന്നു.

അത് പറ്റില്ലാന്ന് പറഞ്ഞു രാധാമ്മ ബഹളം വെക്കുകയാണ്. അച്ചു അവരുടെ അടുത്തേക്കു ചെന്നു.