ചിങ്കാരി 6 [Shana] 541

“ഒക്കെ മാം. “അവള്‍ നിരാശയോടെ അച്ചുവിനു പേപ്പര്‍ കൈയ്മാറി.

“എന്ത് പണ്ടാരം പെണ്ണുമ്പുള്ളയാ ഇത്.. മനസാക്ഷി ഇല്ലാത്ത പിശാച്. “ശ്രുതി പിറുപിറുത്തു.

“എന്താടി നീ ഒറ്റക്കു നിന്നു പിറുപിറുക്കുന്നേ.. “ഒരു പയ്യന്‍ അവളുടെ അടുത്തേയ്ക്കു വന്നു ചോദിച്ചു. അവള്‍ അവനെ നോക്കി.

“ഒന്നു പറയെണ്ടടാ വിവീ…ഞാനാ മറുതയുടെ കാര്യം ഓര്‍ക്കുവാരുന്നു.. അവരുടെ അമ്മൂമ്മേടെ ഒരു നിയമം. ഇത് കോളജ് ആണോ അതോ ജയിലോ.. ഗവണ്‍മെന്റ് എന്‍ജിനിയറിങ്ങ് കോളജ് ആകുമ്പോ കുറച്ച് അലമ്പൊക്കെ കാണില്ലേ.. അതാണ് ഇവിടെ തന്നെ വന്ന് ചേര്‍ന്നത്.”

“ആ സുനീഷ് സാറ് പോയി ഈ പെണ്ണുമ്പുള്ള വരുന്നത് വരെ എന്ത് രസമാരുന്നെടാ. ഇവര് ഒന്നു ചിരിക്കത്തുപോലുമില്ലല്ലോ..
അച്ചു എല്ലാരുടെയും കയ്യില്‍ നിന്ന് പേപ്പര്‍ വാങ്ങി ക്ലാസ് റൂമില്‍ നിന്നും പുറത്തിറങ്ങുന്നത് നോക്കി  പറഞ്ഞു.

“ഇതൊക്കെ വല്ല ബോര്‍ഡിങ്ങ് സ്‌കൂളില്‍ പുസ്തകം മാത്രം തിന്ന് വയറു നിറച്ച എൈറ്റം വല്ലതുമാകുമെടി. “വിവി എന്ന വിവകേ് പറഞ്ഞു.

അവര്‍ നിരാശയോടെ നോക്കി നില്‍ക്കേ പെട്ടന്നാണ് ഒരു കുട്ടി അച്ചുവിനെ വന്നു തട്ടിയത്, ഒന്നു വീഴാന്‍ ആഞ്ഞെങ്കിലും പെട്ടന്നു പിടിച്ചുനിന്നു.

“എവിടെ നോക്കിയാ ഓടുന്നത് “അവളാ കുട്ടിയെ പിടിച്ചു നിര്‍ത്തി. അച്ചു അവളുടെ നോക്കി കണ്ണുരുട്ടി.

“അയ്യോ.. മാം സോറി.. ഞാന്‍ കണ്ടില്ലാരുന്നു. അവിടെ അടി നടക്കുന്നു പേടിച്ചോടിയതാ “ഞാന്‍ അവള്‍ പേടിയോടെ പറഞ്ഞു.

അപ്പോഴേക്കും ഒരു കൂട്ടം കുട്ടികള്‍ ഓടി വന്നു
പലരുടെയും കയ്യില്‍ വടി ഉണ്ടായിരുന്നു. അതു കണ്ട അച്ചു സംഭമെന്താണന്ന് അറിയാന്‍ അടിനടക്കുന്നിടത്തേയ്ക്ക് നടന്നു.

കുറേ കുട്ടികള്‍ ചേരി തിരിഞ്ഞു പരസ്പരം പൊതിരെ തല്ലുന്നുണ്ട്. കുട്ടികളും അധ്യാപകരില്‍ ചിലരുമെല്ലാം അതു നോക്കി ചുറ്റും നില്‍പ്പുണ്ട്. അച്ചുവിന് അതു കണ്ടു ദേഷ്യം വന്നു.

“സ്‌റ്റോപ്പ് ഇറ്റ്… “അച്ചു അലറി.. പെട്ടന്ന് എല്ലാവരും ഇത് എന്താ സംഭവമെന്നറിയാതെ ഞെട്ടി.. അവര്‍ അച്ചുവിനെ നോക്കി. അവര്‍ അവര്‍ക്കു മുന്നിലേയ്ക്കു നടന്നു ചെന്നു.