ചിങ്കാരി 10 [Shana] [CLIMAX] 526

മയങ്ങി സീറ്റിൽ കിടന്ന അമ്മുവിനെ കൈകളില്‍ കോരി അയാള്‍ അകത്തേക്ക് നടന്നു. വാഹനം ഓടിച്ചിരുന്ന ആജാനബാഹു ആയ ഒരാള്‍ഡോർതുറന്നു ഇറങ്ങി ഒന്നാമനെ അനുഗമിച്ചു. അകത്തു കടന്നതും നിലത്തു ചുരുണ്ടു കിടന്ന പഴകിദ്രവിച്ച പായയില്‍ അവളെ കിടത്തി. ചുറ്റിലും ഒഴിഞ്ഞ ചില്ലുകുപ്പികളും സിഗരറ്റ് കുറ്റികളും കിടപ്പുണ്ട്. മദ്യസേവ സ്ഥിരം നടത്തുന്ന ഇടത്തിന്റെ എല്ലാ ലക്ഷണങ്ങളും അവിടുണ്ടായിരുന്നു

“ടാ ജോബി ഈ കൊച്ചിനെ കെട്ടിയിടണ്ടേ . ഇങ്ങനെ കിടത്തിയാല്‍ അതെഴുന്നെറ്റു പോയാലോ “ആജാനബാഹുവായ അയാള്‍ അമ്മുവിനെ നിലത്തു വെറുതെ കിടത്തിയതു കണ്ടു ചോദിച്ചു.

“മണിച്ചേട്ട കുഴപ്പമൊന്നുമില്ല. ചെറിയ കുട്ടിയല്ലേ എവിടെ പോകാനാ.. പിന്നെ ഇത് ഇവിടെ കിടന്നു കരഞ്ഞാലും ആരും കേള്‍ക്കില്ല. അടുത്തൊന്നും വേറെ വീടില്ലാത്തതു കൊണ്ടു പേടിക്കണ്ട. പഴയ പോലീസ് ക്വാട്ടേഴ്സ് കോമ്പൗണ്ടാ ഇത്.” അയാള്‍ സിഗരറ്റ് കത്തിച്ചു കൊണ്ടു പറഞ്ഞു.

“നീ ഇതിനെ എഴുനേല്‍പ്പിച്ചേ. എഴുന്നേറ്റിട്ട് വേണം വീഡിയോ എടുത്ത് ബോസിന് അയക്കാന്‍. “ജോബി മയങ്ങി കിടക്കുന്ന അമ്മുവിനെ നോക്കി പറഞ്ഞു.

“അതൊക്കെ എടുക്കാം.. ആദ്യം നമുക്ക് രണ്ടെണ്ണം അടിച്ചിട്ടു മതി. ഇല്ലേ കൊച്ചിനെ നോവിക്കാന്‍ മനസുവരില്ല”.മണി ചിരയോടെ പറഞ്ഞു.

“ഇപ്പോ വേണോടാ , ബോസ് വിളിച്ചാല്‍ പ്രശ്‌നം ആയാലോ. ഇത് അങ്ങേര്‍ടെ എന്തോ സ്‌പെഷല്‍ കേസാ. ഒരിടത്തും പാളിപോകരുതെന്ന് നിര്‍ദേശം ഉണ്ടാരുന്നു.” ജോബി ആശങ്കയോടെ പറഞ്ഞു..

“എന്തു പ്രശ്‌നം നീ പറഞ്ഞപോലെ ഇതൊരു നരുന്തു കൊച്ചാണ് . മെരുക്കാന്‍ ഒരു പാടുമില്ല വാ നമുക്ക് രണ്ടെണ്ണം അടിക്കാം “.. മണി കുപ്പി എടുത്തുവെച്ചുകൊണ്ട് പറഞ്ഞു

ജോബിയും മണിയും രണ്ടുഗ്ലാസ്സ് അകത്താക്കിയപ്പോഴേക്കും മണി ഈണമിട്ട് പാട്ടു തുടങ്ങി. അവര്‍ പാടിത്തുടങ്ങിയതും മിഴികള്‍ ചിമ്മിത്തുറന്നു കൊണ്ട് അമ്മു ഞെട്ടി എഴുന്നേറ്റു. പിന്നൊരു അലര്‍ച്ച ആയിരുന്നു. അത് കേട്ടതും പെട്ടെന്ന് ഞെട്ടിക്കൊണ്ട് സ്വിച്ചിട്ടപോലെ അവരുടെ പാട്ട് നിന്നു.

“എനിച്ചു അമ്മേ കാനനം അമ്മേ……. അചേ്ഛ…. “അമ്മു എഴുന്നേറ്റു നിന്നു കരച്ചില്‍ തുടര്‍ന്നു