ചിങ്കാരി 10 [Shana] [CLIMAX] 526

കാലില്‍ വള്ളിമുറുകിയതും വേദനയെടുത്തതു അമ്മു നിലവിളിച്ചു. കുഞ്ഞിന്റെ കരച്ചില്‍ കേട്ടതും അയാള്‍ക്ക് അവരുള്ള സ്ഥലം മനസിലായി. അയാള്‍ വേഗംഅവിടേക്കോടിയെത്തി. അച്ചുവിനെ മുന്നില്‍ കണ്ടതും അയാളുടെ കണ്ണുകള്‍ തിളങ്ങി..

“എവിടെക്ക് ഓടുവാടി നീ…ഇവിടുന്ന് ഞങ്ങളുടെ കണ്ണുവെട്ടിച്ചു കൊച്ചിനെയും കൊണ്ട് രക്ഷപെടാമെന്ന് കരുതിയോ.”

“അതും ഈ ജോബി ഇവിടെ ഉള്ളപ്പോള്‍..
ഫോണില്‍ നിന്നെ വിളിച്ചപ്പോഴൊക്കെ വല്യ ശൗര്യമായിരുന്നല്ലോ നിനക്ക്. ” അമ്മുവിനെ ചേര്‍ത്തുപിടിച്ചിരിക്കുന്ന അവളെ കണ്ട് അവന്റെ മുഖത്ത് പരിഹാസത്തോടെയുള്ള ഒരു ചിരിതെളിഞ്ഞു..

“ഞാന്‍ വരാന്‍ അല്‍പം ലേറ്റ് ആയി.. നീ മുന്നില്‍ വാടാ എന്നൊക്കെ കുറേ വെല്ലുവിളിച്ചതല്ലേ.. എന്ത് ചെയ്യാനാ നിന്നെ വരവേല്‍ക്കാന്‍ ഇവിടെ ആദ്യം എത്തണം എന്നു കരുതിയതാ. മാളില്‍ വെച്ചേ നിന്നെ ഞാന്‍ നോട്ടമിട്ടതാ, നിന്റെ പുറകെ ഞാന്‍ ഉണ്ടായിരുന്നു. പോലീസിന്റെ കണ്ണുവെട്ടിച്ചു എത്താന്‍ ഇച്ചിരി താമസിച്ചെന്നുമാത്രം. എസ്.പിടെ മോളെ തിരക്കി നാടുമൊത്തം പോലീസ് ഇറങ്ങിയേക്കുവല്ലേ..”അവന്‍ രോഷത്തോടെ പറഞ്ഞു.

അച്ചു അവനെ സൂക്ഷിച്ചു നോക്കി. പിന്നെ ചുറ്റിലും രക്ഷപെടാനുള്ള വല്ല മാര്‍ഗവും ഉണ്ടോന്ന് അവള്‍ പരതി. ജോബി മുന്നോട്ടു വരുന്നത് കണ്ടു അമ്മു കരയാൻ തുടങ്ങി..

“അമ്മേ.. ഈ യാല് ദുസ്തനാ.. അമ്മൂന് കാല് ബേദന എതുകണ്.. കാലില് കയര് കെത്തിത് ഇയാല…” അമ്മു കരച്ചില് തുടങ്ങി..

അമ്മു പേടിക്കേണ്ട.. അമ്മയില്ലേ കൂടെ.. അച്ചു അവളെ ആശ്വസിപ്പിക്കാൻ ശ്രമിച്ചു..

അച്ചു അയച്ചുകൊടുത്ത ലൊകേഷന്‍ പോലീസുകാര്‍ക്ക് സെന്റ് ചെയ്തിട്ട് ഒരു നിമിഷം പോലും വൈകിക്കാതെ സിദ്ധുവും തൊട്ടു പിറകിലായി അതുലും ഓടിക്കിതച്ചു അവിടേക്കു വരുന്നുണ്ടായിരുന്നു..

ഇതേസമയം അജി മണിയെയും ഗുരുജിയെയും ഒറ്റയ്ക്ക് നേരിട്ടുകൊണ്ടിരുന്നു.. ഗുരുജി അച്ചുവിന്റെ തൊഴികൊണ്ട് പാതി ശവം പോലെയായിരുന്നു. മണിയുടെ പൊണ്ണത്തടി അവന്റെ വേഗതയെ കുറച്ചു. അതു അജി മുതലാക്കി.മണിയുടെ കൈകൾ പുറകിലേക്ക് വളച്ചു പിടിച്ചു കുനിച്ചു നിർത്തി മുതുക് നോക്കി ഇടിച്ചു..