ചിങ്കാരി 10 [Shana] [CLIMAX] 526

ഈ സമയം കൊണ്ട് അയാൾ അമ്മുവിനെ എടുത്തു കൊണ്ട് അച്ചുവിന്റെകയ്യിൽ കൊടുത്തു

“അച്ചു നീ വേഗം മോളെയും കൊണ്ട് പുറത്തു പൊയ്ക്കോ ഞാൻ ഇവരെ നോക്കിക്കോളാം ” അയാൾ അവളോട് അലറി. അവൻ ചുറ്റും നോക്കുന്നുണ്ടായിരുന്നു.

“അജി…. നീ ഒറ്റക്ക് ” അവിടെ അജിയെ കണ്ടപ്പോൾ എന്തുകൊണ്ടോ അവൾക്ക് അവനെ അവിടെ തനിച്ചുവിടാൻ മനസ്സുവന്നില്ല

” ടി ഞാൻ പറയുന്നത് കേൾക്കാൻ , കുഞ്ഞിന് ഇപ്പോ തന്നെ വയ്യ നീ പൊയ്ക്കോ ” അവളുടെ അടുത്തേക്കു വന്ന മണിയെ തടഞ്ഞുകൊണ്ട് അവൻ പറഞ്ഞു

മനസ്സില്ല മനസ്സോടെ അമ്മുവിനെ മാറോടണച്ചു അവൾ പുറത്തേക്കിറങ്ങി. പെട്ടന്ന് എന്തോ ഓർത്തിട്ട് ബുർഖയുടെ പോക്കറ്റിലിട്ട ഫോൺ എടുത്തു സിദ്ധുവിനെ വിളിച്ചു ലൊക്കേഷൻ പറഞ്ഞു കൊടുത്തു. അമ്മു ഒന്നുമറിയാതെ അമ്മയുടെ നെഞ്ചോട് പറ്റിച്ചേർന്നു.

അജി മണിയുടെ കൈകൾ പുറകോട്ട് മടക്കി അവന്റെ നടു നോക്കി ചവിട്ടുകൊടുത്തു. മണി വേദനകൊണ്ട് അലറി മണിയുടെ കരച്ചിൽ കേട്ടതും സ്വാമി അജിയുടെ പുറകിൽ വന്നു ഊക്കോടെ ചവുട്ടി. അയാളുടെ രൂപം പ്രായത്തെ വിളിച്ചോടുന്നുവെങ്കിലും ശരീരത്തിന് നല്ലൊരു ചെറുപ്പക്കാരന്റെ പവർ ഉണ്ടെന്ന് അജിക്ക് മനസ്സിലായി…

അച്ചു കുറച്ചു മുന്നിലേക്കു ഓടി. ആരും പിന്തുടരുന്നില്ലെന്ന് ഉറപ്പിച്ച ശേഷം. അമ്മുവിനെ നിലത്തു നിർത്തിയ ശേഷം കയ്യിലേയും കാലിലെയും കെട്ടുകളഴിക്കാൻ തുടങ്ങി.. പെട്ടന്നാണ് ആരോ ഓടിവരുന്നതുപോലെ ശബ്ദം കേട്ടത്.. അച്ചു അമ്മുവിനെയും കൊണ്ട് വള്ളിപ്പടര്‍പ്പുകള്‍ക്കിടയിലേക്ക് ഒളിച്ചിരുന്നു.

പെട്ടന്നുള്ള നീക്കമായിരുന്നതിനാല്‍ അമ്മുവിന്റെ കാല്‍ വള്ളിയില്‍ കുടുങ്ങിയത് അവള്‍ ശ്രദ്ധിച്ചില്ല.