💕ചെമ്പനീർപ്പൂവ് 5 [കുട്ടപ്പൻ]💕 1570

“നിന്റെ ഈ എടുത്തുചാട്ടം ഒഴിവാക്ക്. നമുക്ക് കളത്തിലിറങ്ങാൻ സമയമായിട്ടില്ല.ഇവിടെ ചെയ്ത് തീർക്കാൻ ഒരുപാടുണ്ട്.”

അയാൾ പറഞ്ഞു.

അവൻ അവിടെ കണ്ട മേശയിൽ ആഞ്ഞടിച്ചു

 

<<<<<<<<<<<<<<<××>>>>>>>>>>>>>>>

 

പിറ്റേന്ന് രാവിലെ കുളിയൊക്കെ കഴിഞ്ഞ് എല്ലാരും കൂടെ വല്യമ്മാമയുടെ ഇല്ലത്തേക് തിരിച്ചു. അമ്മയുടെ തറവാട്ടുവീടിനു തൊട്ടടുത്തുതന്നെയാണ് വല്യമ്മാമയുടെ വീടും. തറവാട്ടിലെ എല്ലാരുടെയും കണ്ണിലുണ്ണിയാണ് ഞാനും അമ്മുവും. അമ്മയ്ക്ക് ഒരു ചേച്ചിയും ഒരു ചേട്ടനുമാണ്. അതായത് എന്റെ വല്യമ്മയും മാമനും.

കുറേ കാലം ഞങ്ങളെ കാണാൻ പറ്റാത്ത സങ്കടം ഒക്കെ അവർ ഞങ്ങളെ സ്നേഹിച്ചു തീർക്കുകയാണ്. രണ്ടാൾക്കും ഓരോ മക്കളാണ്. വല്യമ്മക്ക് പെൺകുട്ടിയും മാമന് ആണും. രണ്ടാൾക്കും അമ്മുവിന്റെ പ്രായമാണ്.  അവർ മൂന്നും നല്ല കൂട്ടാണ്. അമ്മു എന്നോട് പെരുമാറുന്നപോലെ തന്നെയാണ് അവരും. മാളു എന്ന മാളവികയും,  കണ്ണൻ എന്ന വിഷ്ണുവും. ഇതാണ് അവരുടെ പേര്.

 

വല്യമ്മാമയുടെ അവിടുന്ന് ഭക്ഷണം ഒക്കെ കഴിച്ചുകഴിഞ്ഞപ്പോൾ എന്നോടും അമ്മുവിനോടും തറവാട്ടിലേക് പൊയ്ക്കൊള്ളാൻ പറഞ്ഞു. ഞങ്ങൾ അത് അനുസരിച്ചു.

 

………

 

“ഇന്ദുവും ജയനും വരൂ നമുക്ക് അകത്തേക്കു പോകാം”

വല്യമ്മാമ അവരെ കൂട്ടി ജാതകം നോക്കാനായി പോയി.

അജുവിന്റെ ജാതകം വിശദമായി പരിശോദിച്ചു. വല്യമ്മാമയുടെ മുഖത്ത് ഭയവും പുഞ്ചിരിയും ഒക്കെ മാറിമാറി വന്നു.

 

“എന്താ വല്യമ്മാമേ…. എന്തെങ്കിലും കുഴപ്പം ഉണ്ടോ ”

അജുവിന്റെ അമ്മ ചോദിച്ചു.

 

“കുഴപ്പം ഉണ്ട്. കാലൻ തന്നെയാണ് കുഴപ്പം. അവന്റെ മരണം അവന്റെ പിന്നാലെ തന്നെയുണ്ട്. ”

വല്യമ്മാമ പറഞ്ഞു.