💕ചെമ്പനീർപ്പൂവ് 5 [കുട്ടപ്പൻ]💕 1570

അവർ നടന്ന് ആ ശരീരത്തിനടുത്ത് നിന്നു. ആ യുവാവ് കണ്ണ് കൊണ്ട് ഉത്തരവ് കൊടുത്തപ്പോൾ സഹായികളിൽ ഒരാൾ ഒരു കുപ്പി  വെള്ളം ആ കെട്ടിതൂക്കിയ ആളുടെ മുഖത്തേക്ക് ശക്തിയിൽ ഒഴിച്ചു. ബോധത്തിന്റെ ചെറു കണിക ആ ശരീരത്തിൽ ഉണർന്നപ്പോൾ വേദനകൊണ്ടയാൾ അലറി.

(മറ്റൊരു ഭാഷയിൽ ആണ് ഡയലോഗ്. അത് മലയാളീകരിക്കുന്നു )

“എന്റെ കോട്ടയിലെക് എന്റെ അനുവാദം കൂടാതെ കടന്ന് വന്നിട്ട് ജീവനോടെ പോകാം എന്ന് കരുതിയോ”.

ആ മധ്യവയസ്കന്റെ  ഗാഭീര്യമുള്ള ശബ്ദം അവിടെ അലയടിച്ചു.

തന്നെ കൊല്ലരുത് എന്ന് പറയാൻ പോലും അയാൾക്ക് കെൽപില്ല.

യുവാവ് സഹായിക്ക് നേരെ കൈ നീട്ടി അയാൾ ആ നീട്ടിയ കയ്യിലേക് ഒരു സ്വിസ്സ് മേഡ് കത്തി വച്ചുകൊടുത്തു. അവൻ അയാളുടെ കഴുത്തിൽ കത്തിമുട്ടിച്ചു. പിന്നെ ശക്തിയായി ഒന്ന് വരഞ്ഞു.

കുറച്ചുനേരം പിടഞ്ഞ ആ ശരീരം നിശ്ചലമായി.

അച്ഛാ അജയ്. ആ ജയശങ്കറിന്റെ മകൻ ഇപ്രാവശ്യവും രക്ഷപെട്ടു. ഇനി നോക്കിയിരിക്കാൻ പറ്റില്ല.  ഇത് നമ്മുടെ അഭിമാനപ്രശ്നമാണ്.

ആ യുവാവ് മധ്യവയസ്കനോട് പറഞ്ഞു.

നിന്റെ ദേഷ്യം ഒക്കെ എനിക്ക് മനസിലാവും. എനിക്കും ഉണ്ട് അതേ ദേഷ്യം. അവരുടെ മരണം നമ്മളുടെ കൈ കൊണ്ട് തന്നെയാ നടക്കേണ്ടത്. അതുകൊണ്ടാവും അവൻ രക്ഷപ്പെട്ടത്.

അയാൾ മറുപടി പറഞ്ഞു.

“എങ്കിൽ നമുക്ക് എത്രയും പെട്ടന്ന് അവിടെ എത്തണം. അവനെ എനിക്ക് വേണം.”

അവന്റെ മുഖം കോപത്താൽ വലിഞ്ഞുമുറുകി.