💕ചെമ്പനീർപ്പൂവ് 5 [കുട്ടപ്പൻ]💕 1570

“ചിന്നുവാ അമ്മേ ഞാൻ പറഞ്ഞിട്ടില്ലേ”

എന്റെ ഇഷ്ടം ഒക്കെ കൂട്ടുകാർ അറിയുന്നതിന് മുന്നേ അമ്മ അറിഞ്ഞതാണ്. അവളോട് ഇഷ്ടം പറഞ്ഞതും ആ ആക്‌സിഡന്റ് നടന്നത് കൊണ്ട് എന്തോ അവളോട് ഇഷ്ടം തുറന്ന് പറഞ്ഞത് മാത്രം അമ്മയോട് പറഞ്ഞിട്ടില്ല.

“അവളെന്തിനാ കരഞ്ഞേ…”

അമ്മ വീണ്ടും ചോദിച്ചു.

ഞാൻ എല്ലാം വിശദമായി അമ്മയോട് പറഞ്ഞു. ആ കൊലപാതകശ്രമം ഒഴിച്ച്. അത് ഒരു ആക്‌സിഡന്റ് ആയി തന്നെ അവതരിപ്പിച്ചു. പിന്നെ അവളുടെ ഇഷ്ടം സഹതാപത്തിൽനിന്ന് ഉണ്ടായതാണെന്നും പറഞ്ഞു.

“അജൂ എന്തൊക്കെയായാലും നീ അത്ര കടുപ്പിച്ചുപറയണ്ടായിരുന്നു. അവളുടെ കണ്ണീരിനു നീ ഒരിക്കലും കാരണം ആകാൻ പാടില്ലായിരുന്നു. എന്തോ അവൾക് നിന്നെ ശെരിക്കും ഇഷ്ടമാണെന്ന എന്റെ മനസുപറയുന്നേ. ”

“ഹ്മ്മ്… പക്ഷെ എനിക്ക് എന്തോ ഇപ്പൊ അതിലൊന്നും ശ്രെദ്ധിക്കാൻ പറ്റണില്ലമ്മേ”

” വല്യമ്മാവൻ വിളിച്ചിരുന്നു. നിന്നെയും കൂട്ടി വല്യമ്മാവന്റെ ഇല്ലത്തേക് പോകാൻ പറഞ്ഞു. എന്തോ അപകടം അമ്മാവനും കണ്ടുവത്രേ. നിന്റെ ജാതകം ഒന്നുകൂടെ നോക്കണം എന്ന് പറഞ്ഞു. ”

അമ്മ അച്ഛന്റെ കൂടെ ഇറങ്ങിവന്നപ്പോ മുത്തശ്ശൻ തനിക്ക് ഇനിയിങ്ങനെ ഒരു മകളില്ല എന്ന് പറഞ്ഞതാണ്. എങ്കിലും വല്യമ്മാവൻ മാത്രം അമ്മയെ കാണാൻ വരും. ആളൊരു ജ്യോതിഷ്യനാണ് . മുത്തശ്ശൻ മരിച്ചപ്പോ അമ്മ കാണാൻ ഒക്കെ പോയി. ബാക്കി ആർക്കും അമ്മയോട് എതിർപ്പ് ഒന്നുമുണ്ടായിരുന്നില്ല. എല്ലാരും അമ്മയെ പഴയപോലെതന്നെ സ്നേഹിക്കുന്നു. എങ്കിലും അമ്മ തറവാട്ടിലേക്ക് പോകാറൊക്കെ വളരെ കുറവാണ്.  എന്തെങ്കിലും വിശേഷം വരുമ്പോഴേ ഞങ്ങളും പോകാറുള്ളു.

“ശെരിയമ്മേ…പോകാം”…