💕ചെമ്പനീർപ്പൂവ് 5 [കുട്ടപ്പൻ]💕 1570

അമ്മ പിന്നെയൊന്നും പറയാതെ അവിടെ നിന്നും പോയി.

“എടാ… അമ്മയിതൊക്കെ എങ്ങനെ കണ്ടു”

അഭി സംശയം പ്രകടിപ്പിച്ചു.

അവിടെ ടേബിളിൽ ഇരുന്ന ചായക്കപ്പ് അവന് നേരെ നീട്ടിക്കൊണ്ട് ഞാൻ പറഞ്ഞു

ചായയും കൊണ്ട് വന്നപ്പോ കാണാത്തത്കൊണ്ട് ബാൽകണിയിൽ  വന്നിട്ടുണ്ടാകും. അവിടെ നിന്നാൽ ഗേറ്റിൽ നടക്കുന്നതൊക്കെ കാണാം.

“ഹ്മ്മ്” അവൻ ഒന്ന് നീട്ടി മൂളി ചായ മൊത്തി കുടിച്ചു.

<<<<<<<<<<<<<<[]>>>>>>>>>>>>>>

Undisclosed location

രണ്ട് കയ്യും ചേദിക്കപ്പെട്ട് ഒരു ശരീരം തലകീഴായി തൂങ്ങിയാടുന്നു. ആ ശരീരത്തിൽനിന്നും ജീവൻ ഇനിയും വിട്ടൊഴിഞ്ഞിട്ടില്ല. അതിന് തെളിവെന്നോണം വളരെ നേർത്ത ഞരക്കങ്ങൾ മാത്രം അയാൾ നടത്തുന്നുണ്ട്. താഴെ ചോര താളംകെട്ടി കിടക്കുന്നു. കറുത്ത വസ്ത്രം ധരിച്ച അഞ്ചുപേർ ആ ശരീരത്തിന് കാവൽ നില്കുന്നു. ആകെ ഒരു ഭീകരാന്തരീക്ഷം.

ക്ർർർർർർ…..

എന്ന അരോചക  ശബ്ദത്തോടെ ആ വലിയ മുറിയുടെ ഇരുമ്പുവാതിൽ തുറക്കപ്പെട്ടു.

കറുത്ത കോട്ടും സ്യൂട്ടും ധരിച്ച ഒരു മധ്യവയസ്കനും ഒരു യുവാവും ആ മുറിയിലേക് പ്രവേശിച്ചു.

അവരെ കണ്ടപ്പോൾ അവിടെ കാവൽ നിന്നവർ തല കുനിച്ച് അവരെ വണങ്ങി.