അനാമിക 2 [Jeevan] 245

ക്ലാസ്സിലും ഹോസ്റ്റലിലും നിന്നു കിട്ടി കൊണ്ടിരുന്ന ബോറടിയുടെ ക്ഷീണം ആ ഒരുദിവസം കൊണ്ട് ഞങ്ങള്‍ മാറ്റിയിരുന്നു . വിഷ്ണുവിന്‍റെ  വീട് അടുത്തായിരുന്നത്  കൊണ്ട് ശനി അവന്‍ പോയി സണ്‍ഡേ രാവിലെ കാര്‍ എടുത്തു കൊണ്ട് വരും ഞങ്ങള്‍ കോട്ടയം മുഴുവന്‍ കറങ്ങും ഇത് ആയിരുന്നു പരിപാടി . ശ്രീ യുടെ അച്ഛന്‍ ശ്രീ കുമാറിന് ബാംഗ്ലൂരില്‍ ബിസിനസ് ആണ്, അമ്മ ശ്രീ ദേവി അച്ഛനെ ബിസിനസ്സില്‍ സഹായിക്കുന്നു , ആകെ മൊത്തത്തില്‍ ശ്രീ മയം ഉള്ള കുടുംബം . ഞാനും ശ്രീയും  ആണ് ചിലവുകള്‍ നോക്കുന്നത് , വിഷ്ണു സ്ഥലം പരിചയം ഉള്ളത് കൊണ്ട് നാവിഗേറ്റര്‍ ആയും .

ഇടക്ക് അമ്മ കാണാന്‍ വരാന്‍ തുടങ്ങി , അമ്മ വരുമ്പോള്‍ ശ്രീയും , വിഷ്ണുവും ഒപ്പം കൂടും . അമ്മ എന്നോടു ശ്രീയും ആയി സ്നേഹത്തില്‍ ആണോ എന്നു ചോദിക്കുക പോലും ചെയ്തു , പക്ഷേ ഞാന്‍ പറഞ്ഞു അങ്ങനെ ഒന്നും ഇല്ല എന്നു , അവള്‍ ഫ്രെന്‍ഡ്   മാത്രം ആണെന്ന് , അതിലുപരി ഒരു നല്ല സഹോദരി കൂടെ ആണെന്ന് . ചെറുപത്തില്‍ ഒക്കെ ഒറ്റ മകന്‍ ആയിരുന്നത് കൊണ്ട് ഒരുപാട് ഒറ്റപ്പെടല്‍  ഉണ്ടായിട്ടുണ്ട് , പിന്നെ കരാട്ടെ ക്ലാസ് , അതിന്റെ  മത്സരങ്ങള്‍ , ബോക്സിങ് , വായന , എന്‍‌സി‌സി ക്യാമ്പ്, ഫ്രെന്ഡ്സ്ആ ഇതൊക്കെ ആയി ആണ് സമയം ചിലവരിച്ചിരുന്നത് . പക്ഷേ ആദ്യം ആയി ആയിരുന്നു ഒരു പെണ്‍കുട്ടി ഇത്രേം അടുത്ത സുഹുര്‍ത്താകുന്നത്  . ശ്രീ വെറും ഫ്രെന്‍ഡ്  മാത്രം ആയിരുന്നില്ല എനിക്കു , ഒരു അനിയത്തി കൂടെ ആയി മാറി അവള്‍ . ഞങ്ങള്‍ 3 പേരുടെയും ബന്ധം അത്ര മാത്രം ആഴത്തില്‍ ഉള്ളത് ആയ് മാറിയിരുന്നു.

അങ്ങനെ ഒരു ഞായര്‍ വീണ്ടും വന്നു , രാവിലെ എന്‍റെ ഹോസ്റ്റലിനവിടെ  വിഷ്ണു അവന്‍റെ അച്ഛന്‍റെ  വാഗണ് ആര്‍ എടുത്തു വന്നു , ഞങ്ങള്‍ രണ്ടും ഒന്നിച്ചു വണ്ടി വിട്ടു നേരെ ശ്രീയുടെ ഹോസ്റ്റലിന് അടുത്തുള്ള ബസ് സ്റ്റോപ്പിലേക്ക് . ശ്രീ അവിടെ ആണ് കാത്തു നില്ക്കുന്നത്.  പ്രൈവറ്റ് ഹോസ്റ്റലില്‍ ആണ് അവള്‍ നിന്നിരുന്നെ എങ്കിലും ഇന്സ്റ്റിറ്റ്യൂഷനിലെ ചില ലേഡി സ്റ്റാഫ് അവിടെ ആയിരുന്നു താമസം , അവര്‍ കണ്ടാല്‍ പിന്നെ അത് ഒരു പുകില്‍ ആകും . അത് കൊണ്ട് ആണ് ശ്രീ ബസ്റ്റോപ്പില്‍ കാത്തു നില്ക്കുന്നത് . ഞങ്ങള്‍ അവളെ പിക്ക് ചെയ്തു നേരെ നാഗംബടത്തേക് വിട്ടു , റെയില്‍വേ സ്റ്റേഷന്‍ അടുത്തായി ഉള്ള ഒരു ഹോട്ടലില്‍ നിന്നു ഭക്ഷണം കഴിച്ചു , നേരെ ഒരു ആനന്ദ് റ്റിയറ്ററില്‍ കയറി . തട്ടത്തിന്‍ മറയത്തു ആണ് പടം , നേരത്തെ  തന്നെ ഞാനും വിഷ്ണുവും അതിലെ പാട്ട് കേട്ടപ്പോള്‍ തന്നെ പോകാന്‍ പ്ലാന്‍ ഇട്ടതാ , ഒപ്പം ശ്രീയും കൂടി . പടം ഞങ്ങള്‍ക്ക്മൂന്നുപേര്‍ക്കും പടം  ശരിക്കും  ഇഷ്ടം ആയി .

അവിടുന്നു നേരെ കുമരകം വിട്ടു , അവിടെ ഉള്ള ഒരു ഷാപ്പില്‍ കയറി കപ്പയും താറവുകറിയും തട്ടാന്‍ ആയി . അവിടെ അപ്പോള്‍ വേറെ ആരും ഉണ്ടായിരുന്നില്ല , കറി ഒക്കെ ആകുന്നതെ ഉള്ളൂ , ഞങ്ങള്‍ കയറി ഇരുന്നു സംസാരം തുടങ്ങി. അവിടെ ഇരുന്നു കൊണ്ട് ഞാന്‍ പറഞ്ഞു –

“ നിവിന്പോളി കൊള്ളാം , രക്ഷപ്പെടും പക്ഷേ ആ പെണ്ണ് നല്ല ബോര്‍ അഭിനയം , കാണാന്‍ ഉള്ള ചേലേ ഉള്ളൂ “

“ അതേ എനിക്കും അങ്ങനെയാ തോന്നുന്നേ …” ശ്രീ എന്നെ പിന്താങ്ങി …

വിഷ്ണു അപ്പോള്‍ – “ അതെന്താടാ അവള്‍ക്ക് ഒരു കുഴപ്പം , ഇഷ്യ്ക്ക്  നല്ല മൊഞ്ച് ഉണ്ടല്ലോ …”

ഞാന്‍ – “ മൊഞ്ച് മാത്രമേ ഉള്ളൂ …”

ശ്രീ – “ പിന്നെ ഇത്രേം മേക്കപ്പ് പൂശി വരുന്നത് ആണോ മൊഞ്ച് …അതും ഇല്ല …”