അനാമിക 2 [Jeevan] 245

ശ്രീ ലക്ഷ്മിയെ പറ്റി തന്നെ ആയിരുന്നു എന്‍റെ  ചിന്ത മുഴുവന്‍ . അവളോടു ഒരു അട്രാക്ഷന്‍ തോന്നി എന്നത് സത്യം ആണെങ്കിലും എനിക്കു അത് പ്രണയം ആണെന്ന് തോന്നിയില്ല  . കാരണം എന്‍റെ സങ്കല്പ്പത്തില്‍ ഉള്ള പെണ്‍കുട്ടി എന്‍റെ  അമ്മയെ പോലെ ആയിരിക്കണം എന്നു ആയിരുന്നു . മോഡേണ്‍ അല്ലാത്ത , അരക്കെട്ടിന് താഴെ വരെ കിടക്കുന്ന  , കുളിച്ചിട്ടു വെള്ളം ഇറ്റ് വീഴുന്ന തുളസിക്കതിര്‍ ചൂടിയ കേശഭാരം ഉള്ള , തൊട്ടാവാടി ആയ , എന്നാല്‍ മസ്സില്‍ ഒത്തിരി സ്നേഹം ഉള്ള , ചെറിയ കാര്യത്തിനും വാശി പിടികുന്ന , കുപ്പിവളകളും ജിമിക്കി കമ്മലുകളും ഒക്കെ ഇട്ടു , സ്വന്തം വിശുദ്ധി ഏറ്റവും പവിത്രം ആയി കരുത്തുന്ന ഒരു നാടന്‍ പെണ്‍കുട്ടി  …ഇതായിരുന്നു എന്‍റെ  സ്ത്രീ സങ്കല്‍പം . പക്ഷേ ഇതിന് ചേരുന്ന ഒരു രീതി ആയിരുന്നില്ല  ശ്രീ ലക്ഷ്മിയുടെ എന്നു എനിക്കു തോന്നി . അതിനാല്‍ എന്നില്‍ അവളോടു മോട്ടിട്ടു തുടങ്ങിയ പ്രണയം കൊഴിഞ്ഞു പോയിരുന്നു , എന്നാലും ഒരു അട്രാക്ഷന്‍ മാത്രം നില നിന്നു .

പിറ്റേന്നു രാവിലെ റെഡി ആയി ക്ലാസ്സില്‍ പോയി , ഉച്ചക്ക് കഴിച്ചു കഴിഞ്ഞു ഞാനും വിഷ്ണുവും സംസാരിക്കാന്‍ ആയി പതിവ് സ്ഥലത്ത് വന്നു . അല്പം കഴിഞ്ഞു ശ്രീ ലക്ഷ്മിയും വന്നു . ഇന്നലെ ഉണ്ടായിരുന്ന പരുങ്ങല്‍ ഒന്നും അന്ന് ആര്‍ക്കും  തോന്നിയിരുന്നില്ല . നല്ല ഫ്രീ ആയി തന്നെ സംസാരം തുടര്‍ന്നു  . വിഷ്ണു അവളുടെ ബാച്ചിലെ പെണ്‍കുട്ടികളെ കുറീച് തന്നെ ആയിരുന്നു സംസാരം . അവളും ഞാനും കൂടുതല്‍ വീട്ടുകാരെ കുറിച്ചും സ്ഥലത്തെ ഒക്കെ പറ്റിയും സിറ്റി ലൈഫ്  , ഗ്രാമത്തിലെ ലൈഫ് ഒക്കെ കുറിച്ചും സംസാരിച്ചു . ക്യാംപസ് ഫുള്‍ ആണും പെണ്ണും കൂട്ട് കൂടുന്നത് തടയാന്‍ ചാരന്‍മാര്‍ ഉണ്ടെങ്കിലും ഈ ഭാഗത്തു വരാറില്ല ആരും , അത് ഞങ്ങള്‍ക്ക് ആശ്വാസം ആയിരുന്നു . വൈകിട്ട് ലൈബ്രറി കഴിഞ്ഞും അവള്‍ ഞങ്ങളോടു ഒപ്പം ആയിരുന്നു , എങ്കിലും ലൈബ്രറി യുടെ ഉള്ളിലും ക്യാമ്പസില്‍ മറ്റ് പരിസരങ്ങളിലും ഞങ്ങള്‍ കണ്ടാലും ഒരു ചിരിക്കു പുറമെ ഒന്നും കാണിച്ചിരുന്നില്ല .

ദിവസങ്ങള്‍ കൊഴിഞ്ഞുപ്പൊക്കൊണ്ടിരുന്നപ്പോളേക്കും ശ്രീ ലക്ഷ്മി ഞങ്ങളുടെ രണ്ടു പേരുടെയും കട്ട ചങ്ക് ആയിമാറിയിരുന്നു . അവള്‍ ഇപ്പോ എന്നെ ജഗ്ഗു എന്നും , അവളെ ശ്രീ എന്നും , അവള്‍ വിഷ്ണുവിനെ കോയി എന്നും ആയിരുന്നു വിളിച്ചിരുന്നേ . മെഡികല്‍ എന്‍ട്രന്‍സ്  കിട്ടില്ല എന്നു അവള്‍ക്ക് ഉറപ്പായിരുന്നു , കാരണം അവള്‍ക്ക്  ഡോക്ടര്‍ ആകാന്‍ ഒരു താല്പര്യവും ഇല്ലായിരുന്നു , പിന്നെ വീട്ടുകാരുടെ നിര്‍ബന്ധം കൊണ്ട് ഇറങ്ങിത്തിരിച്ചതാ. മാക്സ് അവളുടെ ഇഷ്ട വിഷയം ആയിരുന്നു അതിനാല്‍ അവള്‍ ഞങ്ങളുടെ സഹായത്തോടെ എന്‍ജിനീയറിങ്‌  എന്‍ട്രന്‍സ് ആ പ്രിപ്പയര്‍ ചെയ്തിരുന്നു .

എന്‍ട്രന്‍സ് എഴുതി ഒരേ  കോളേജില്‍ അഡ്മിഷന്‍ എടുത്തു പഠിക്കുക എന്നത് ആയിരുന്നു പിന്നെ ഞങ്ങളുടെ ലക്ഷ്യം . ആ സമയത്ത് പ്രണയം എന്ന വികാരം എന്റെു ഉള്ളിലും വിഷ്ണുവിന്റെു ഉള്ളിലും അവളോടു ഉണ്ടായിരുന്നില്ല . അവളുടെ പെരുമാറ്റത്തിലും അങ്ങനെ ഒരു സൂചന ഉണ്ടായിരുന്നില്ല . ഞങ്ങള്‍ ബെസ്റ്റ്‌ ഫ്രന്‍ഡ്സ് ആയിമാറിയിരുന്നു .

സാധാരണ ശനി ക്ലാസ് കഴിഞ്ഞു വീട് പിടിക്കുന്ന ഞാന്‍ , വീട്ടിലേക്ക് പോക്ക് നിര്‍ത്തി  പകരം ഞാനും വിഷ്ണും ശ്രീയും കൂടെ എവിടെ എങ്കിലും കറങ്ങാന്‍ പോകുന്നത് പതിവാക്കി . ഇടക്ക് ചെറിയ ഷോപ്പിങ് , അല്ലേല്‍ ഷാപ്പില്‍ പോയി ഫുഡ് അടിക്കുന്നത് ഇതൊക്കെ ആരുന്നു പ്രധാന പരിപാടി , അതേ പോലെ തന്നെ സണ്‍ഡേ ഈവെനിംഗ് സ്ഥിരം ചേര്‍പ്പുങ്കല്‍ പള്ളിയിയോട് ചേര്‍ന്നു ള്ള മീനച്ചലാറിന്‍റെ  കരയില്‍ പോയി ഇരുന്നു സമയം ചിലവിടുമായിരുന്നു .