അനാമിക 2 [Jeevan] 245

“ ഡാ , അധികം കിണിക്കണ്ട… ഇന്ന് വൈകീട്ട് അവളോടു എന്താ ഉദ്ദേശം എന്നു ചോദിക്കണം …” എന്നും പറഞ്ഞു അവനെ വയറ്റില്‍ ഒരു കൂത്ത് കൊടുത്തു …

“ എങ്കില്‍ ഇന്ന് എല്ലാം സെറ്റ് ആക്കാം …”, ബ്രേക് തീരാറായി ഇപ്പോ ക്ലാസ്സിലെക് വിടാം …വൈകീട്ട് ലൈബ്രറിയുടെ അവിടെ കാണാം …

അവനോടു യാത്ര പറഞ്ഞു ഞാന്‍ ക്ലാസ്സിലെക് നടന്നു , ഇങ്ങനെ ഒരു പെണ്ണിനോട് സംസാരിക്കാന്‍ പോകുന്നത് ആദ്യം ആണ് . അതിന്‍റെ  ഒരു പേടി മനസ്സില്‍ ഉണ്ടായിരുന്നു , അത് കൊണ്ട് പിന്നെ അന്ന് ക്ലാസ്സില്‍ ഒട്ടും ശ്രദ്ധിക്കാന്‍ ആയിരുന്നില്ല . പിന്നെ മനസ്സിന് ഒരു സമാധാനം ഉണ്ടായിരുന്നത് ലോക കോഴി വിഷ്ണു കൂടെ ഉണ്ടല്ലോ എന്നത് ആയിരുന്നു , എല്ലാം അവന്‍ ഡീല്‍ ആക്കും എല്ലാം  .

അങ്ങനെ എങ്ങനെയോക്കയോ വൈകീട്ട് 4.30 മണി ആക്കി . നേരെ ബാഗും എടുത്തു ക്ലാസ്സിന് പുറത്തു ഇറങ്ങി വിഷ്ണുവിനെം വിളിച്ച് ക്യാന്‍റീനില്‍  പോയി ചായ കുടിച്ചു ചൂട് ഉഴുന്ന് വടയും തട്ടി , അവിടെ നിന്നും നേരെ ലൈബ്രറിയിലേക്ക് പോയി . ഞങ്ങള്‍ ചെന്നപ്പോള്‍ അവള്‍ അവിടെ ഉണ്ടായിരുന്നില്ല എങ്കിലും ഒരു അഞ്ചു മിനിട്ട് ആകുന്നതിനു മുന്‍പ് അവളും എത്തി. ഞാനും വിഷ്ണുവും സ്ഥിരം ഇരികുന്നിടത്ത് തന്നെ ആയിരുന്നു ഇരുന്നത്  , അവള്‍ എന്നെ ഫേസ് ചെയ്തു നേരെ മുമ്പില്‍ ആയ ടേബിളില്‍ ഇരുന്നു . അവള്‍ വരുന്നത് കണ്ടുകൊണ്ടു വിഷ്ണു എന്‍റെ തുടയില്‍ മാന്താന്‍ തുടങ്ങി . ഞാന്‍ അവനെ രൂക്ഷമായി നോക്കി അടങ്ങി ഇരിക്കാന്‍ വാര്‍ണിങ് കൊടുത്തു .

അവള്‍ മുന്നിലായി ഏതോ ടെക്സ്റ്റ് തുറന്നു വച്ചിട്ടുണ്ടായിരുന്നു , അതിലേത്‌ മുഖം താത്തിവച്ചിരുന്നു . ഒരു പച്ച ചുരിധാര്‍, അതില്‍ കഴുത്തിന്‍റെ  ഭാഗം അതേ പോലെ ബോര്‍ഡര്‍ ഒക്കെ മനോഹരമായ സ്റ്റോണ്‍ വര്‍ക്സ് ചെയതിട്ടുണ്ട് , അതേ പോലെ ചുരിധാറിന്‍റെ  നെഞ്ചിന്‍റെ  ഭാഗത്ത് ഒരു മനോഹരം ആയ പൂവിന്‍റെ ഡിസൈന്‍ , ഷാള് ആണേല്‍ നെറ്റ് പോലെ ഇളം പച്ച കളര്‍ , രണ്ടു അറ്റത്തും അതിനും സ്റ്റോണ്‍ കൊണ്ടുള്ള എംബ്രോയിഡറി വര്‍ക്ക്  ചെയ്തിട്ടുണ്ട്, അതാണു വേഷം .

കണ്ണു ഒക്കെ എഴുതി , ചെറിയ ഒരു പൊട്ടും ഉണ്ട് . കാതില്‍ മയില്പ്പീ ലി പോലെ ഉള്ള കമ്മല്‍ , അത് ചുരിധാറിന്  മാച്ച് ആണ് .ചുണ്ട് ആണേല്‍ ചോര കിനിഞ്ഞു നില്കുന്നു,  ” ഇവള്‍ക്ക്  ലിപ്സ്റ്റിക് കാശ് ലാഭം…”  എന്നു ഞാന്‍ മനസ്സില്‍ ഓര്‍ത്തു.. കാണാന്‍ ആണേല്‍ മീര നന്ദന്‍റെ   ഛായ ഉണ്ട് പക്ഷേ നിറം അവളെക്കാളും നന്നായി വെളുത്തിട്ടാണ്. കാണാന്‍ നല്ല മുഖ ശ്രീ . പൊക്കം ആണേല്‍ ഒരു 170 സെന്‍റിമീറ്റര്‍  ഉണ്ടാകും , ഉയര്‍ന്ന മാറിടവും ഒതുങ്ങിയ  അരക്കെട്ടും . മുടി ഫാഷനില്‍ മുറിച്ചിട്ടുണ്ട്, എന്നിട്ട് പോണി ടെയില്‍ പോലെ കെട്ടിവച്ചേകുന്നു. ആര്‍ക്കും  ഒറ്റനോട്ടത്തില്‍ തന്നെ പ്രണയം മൊട്ടിടുന്ന ഒരു സുന്ദരിക്കുട്ടി തന്നെ ആണ് ശ്രീ ലക്ഷ്മി . എനിക്കു പ്രണയം എന്നു പറയാന്‍ ആകില്ല  എങ്കിലും എന്തോ ഒരു അട്രാക്ഷന്‍ അവളോടു തോന്നിയിരുന്നു  . ശരിക്കും എവിടെയോ കണ്ട ഒരു ഫീലിങ്, അതായിരുന്നു കൂടുതല്‍ .

ആറ് മണിക്ക് ലൈബ്രറി അടച്ചിട്ടു ഇറങ്ങിയാല്‍ കുട്ടികള്‍ ഒരുപാട് പേര് ഉണ്ടാകും, സംസാരിക്കാനായി  പ്രൈവസി കിട്ടില്ല , മാത്രം അല്ല ചില സ്റ്റാഫ്ഫും അപ്പോള്‍ ആണ്  ഇറങ്ങുന്നത് , പാരയാകാന്‍  അത് മതി. അതുകൊണ്ടു ഞങ്ങള്‍ നേരത്തെ തന്നെ ഇറങ്ങി ( ഞങ്ങള്‍ ഇറങ്ങുമ്പോള്‍  തന്നെ അവളും ഇറങ്ങും എന്നു കുറച്ചു ദിവസം മുന്‍പ് തന്നെ വിഷ്ണു ഒബ്സേര്‍വ്   ചെയ്തിരുന്നു ). ഞങ്ങള്‍ ഇറങ്ങി കോച്ചിങ് സെന്‍റര്‍  ഗെയ്റ്റ് കടന്നു, ഫ്രൊണ്ടില്‍ ഉള്ള റോഡ്സൈഡിലെ ഫൂട്ട്പ്പാത്തിലൂടെ നടന്നു , ഒരു 20 മീറ്റര്‍ , അവിടെ ഉള്ള ഒരു ചായക്കടയുടെ ഉള്ളിലേക്ക് കയറി . അവിടെ ഉള്ള ഗോപാലേട്ടന്‍ ഞങ്ങളുടെ ഒരു ചങ്ക് ആണ് . വിഷ്ണുവിന്‍റെ  പഞ്ചാരയടി കൂടുതലും ഇതിന്‍റെ  ഫ്രെണ്ടിലാ നടക്കുന്നതു . അത് കൊണ്ട് ഗോപാലേട്ടന് ഞങ്ങളെ കണ്ടപ്പോള്‍ തന്നെ  എന്തോ ചുറ്റിക്കളി ആണെന്ന് മനസ്സിലായിരുന്നു, പുള്ളി അത് കൊണ്ട് കൂടുതല്‍ ഞങ്ങളെ ശ്രദ്ധിക്കാതെ അദ്ദേഹത്തിന്റെ ജോലി തുടര്‍ന്നു .