ഞാൻ വീണ്ടും ഒരു കഥയുമായി വന്നിരിക്കുകയാണ്. ഇഷ്ടമാകുമോ എന്ന് അറിയില്ല. ഇഷ്ടായാലും ഇല്ലെങ്കിലും അഭിപ്രായം അറിയിക്കണം. ഇതൊക്കെയാണ് എഴുതാൻ ഉള്ള പ്രചോദനം. ഞാൻ കുറച്ച് നാൾ വായനക്കാരൻ ആകാൻ തീരുമാനിച്ചതായിരുന്നു. പെട്ടന്ന് കിട്ടിയ തീം ആണ്. So എഴുതാം എന്ന് കരുതി. കഴിയുന്നത്രയും വേഗം അടുത്ത പാർട്ട്‌ തരാൻ ശ്രെമിക്കാം. മൂഡ് പോലെ ഇരിക്കും

ബാല്യകാലസഖി

BalyaKaalasakhi | Author : Kuttappan

തിരക്കുള്ള ആ നീണ്ട വരാന്തയിൽകൂടി രാഹുൽ വേഗത്തിൽ നടക്കുകയാണ്. നീല ഷർട്ട്‌ in ചെയ്തിട്ടുണ്ട്. അതിന് പുറത്തുകൂടു ഒരു വെള്ള ഓവർ കോട്ട്. കഴുത്തിൽ ഒരു സ്തേതാസ്കോപ്. വേഗത്തിൽ നടക്കുന്നിതിനിടെ അവൻ ഇടയ്ക്ക് കയ്യിൽ ഉള്ള വാച്ചിലേക്കും നോക്കുന്നുണ്ട്. അവൻ വലത് വശത്ത് കണ്ട റൂമിന്റെ വാതിൽ തുറന്ന് അകത്ത് കയറി. ഡോറിന് മുകളിൽ കറുത്ത ബോർഡിൽ

‘ദേവിക MBBS MD’  എന്ന് സ്വർണ നിറത്തിലുള്ള അക്ഷരങ്ങളാൽ അലേഖനം ചെയ്ത് വച്ചിട്ടുണ്ട്.

അകത്ത് കയറിയ രാഹുൽ കാണുന്നത് മുന്നിലെ ടേബിളിൽ തലചായ്ച്ച് ഉറങ്ങുന്ന ദേവികയെ ആണ്.

“ദേവൂ..”  അവൻ അവളുടെ അടുത്തേക്ക് നടന്നുകൊണ്ട് അവളെ വിളിച്ചു.

അവന്റെ വിളികേട്ട് അവൾ തല ഉയർത്തി അവനെ നോക്കി. പിന്നെ മനോഹരമായി പുഞ്ചിരിച്ചു.

അവൾക്ക് ഇന്നലെ നൈറ്റ്‌ ഡ്യൂട്ടി ആയിരുന്നു. ഇന്ന് അവൾക്ക് ഓഫ്‌ ഡ്യൂട്ടി ആണ്. അതുകൊണ്ട് തന്റെ കൺസൽടിങ് റൂമിൽ വന്ന് ഒന്ന് മയങ്ങിയതാണ് കക്ഷി.

” ദേവൂ.. നിനക്കിന്ന് ഓഫ്‌ അല്ലേ. എടൊ ഒരു ഹെല്പ് ചെയ്യാവോ. ഞാനിന്ന് ഉച്ചക്ക് ശേഷം ലീവ് പറഞ്ഞതാ.ഒരു സൂയിസൈഡ് അറ്റെംപ്റ്റ് കേസ് വന്നു. കയ്യിലെ ഞരമ്പ് മുറിച്ചു.മുറിവൊക്കെ ഞാൻ ഡ്രസ്സ്‌ ചെയ്തിട്ടുണ്ട്. പോലീസുകാർ വന്ന് നോക്കീട്ട് പോയി.കിച്ചൂന്റെ പിറന്നാൾ അല്ലേ. അവളെ പുറത്ത് കൊണ്ടുപോകാന്ന് വാക്കും കൊടുത്തു. പോയില്ലേൽ അവൾ പിണങ്ങും. നീയൊന്ന് നോക്കാവോ. പ്ലീസ് ”