🩸നിബുണൻ 🩸-[The Begining] [അമൻ ജിബ്രാൻ ] 80

വിക്കിയുടെ വണ്ടി പോകുന്ന ശബ്ദം കേട്ടാണ് ശിവ ചെടി നനക്കുന്നതിൽ നിന്നും ശ്രദ്ധമറി അവരിലേക്ക് ചെന്നത്. ബൈക്കിൽ ചിരിച്ചുകൊണ്ട് പോകുന്ന ആദത്തെ കണ്ടതും അവളുടെ ചുണ്ടിൽ പുഞ്ചിരി വിടർന്നു. വെള്ളം നനച്ചു കൊണ്ടിരുന്ന ഹോസ് അവിടെ ഇട്ടിട്ട് ദാവണിയുടെ തുമ്പു മുകളിലേക്ക് ഉയർത്തി പിടിച്ചു സ്റ്റെപ്പുകൾ ഇറങ്ങി ഗോപാൽജിയുടെ റീഡിങ് റൂമിലേക്ക് അവൾ ഓടി. വാതിൽക്കൽ ചെന്ന് നോക്കിയതും ഗ്ലാസിലേക്ക് മദ്യം പകരുന്ന ഗോപാൽജിയെ ആണ് അവൾ കണ്ടത്. ഇത്രയും നേരം സമാധാനപ്രിയയായിരുന്ന ശിവപ്രിയ ഒറ്റയടിക്ക് ഭദ്രകാളിയായി മാറി

“”””അപ്പാ……….””””

“” ഗ്ലാസ്സിലേക്ക് മദ്യം പകരാൻ പോയ ഗോപാൽജി ഞെട്ടി വാതിൽക്കലേക്ക് നോക്കി. അപ്പോൾ തന്നെ ദഹിപ്പിക്കാൻ വേണ്ടി നിൽക്കുന്ന ശിവപ്രിയ ആണ് കണ്ടത്. “”

“”ഈഹി…….”” വളരെ നന്നായി തന്നെ ഗോപാൽജി ചിരിച്ചു കൊടുത്തു. കൊടുങ്കാറ്റിന്റെ വേഗത്തിൽ റൂമിലേക്ക് വന്ന ശിവപ്രിയ മദ്യത്തിന്റെ കുപ്പി എടുത്തതും കൊണ്ടുപോയി വാഷ് ബേസ്സിലേക്ക് ഒഴിച്ചതും ഒരുമിച്ചായിരുന്നു.

“”എന്റെ കുപ്പി…….”” ഗോപാൽജി ശിവപ്രിയയെ വീഴ്ത്താൻ വേണ്ടി കള്ളക്കണ്ണീര് വീഴ്ത്തി ഇടം കണ്ണിട്ട് അവളെ നോക്കി. അവളിലെ ദേഷ്യം കുറഞ്ഞിട്ടില്ല എന്നു മനസ്സിലായ ഗോപാൽജി അവസാനത്തെ അടവെടുത്തു. ശിവപ്രിയയുടെ അരികിലേക്ക് നടന്നു പോയ് അവളെ ചേർത്തുപിടിച്ചുകൊണ്ട് ഗോപാൽജി പറഞ്ഞു

“””” എന്റെ പൊന്നു മോളല്ലേ…. കുറേക്കാലത്തിനുശേഷം കഥ കേട്ടപ്പോൾ അടിച്ചു പോയതാണ്….. ഇനി ചെയ്യത്തില്ല…. “””

ശിവയിലെ വിഷമം മാറിയിരുന്നില്ല.

“”അപ്പാടെ നല്ലതിന് അല്ലെ ഇതൊന്നും കുടിക്കണ്ട എന്ന് പറഞ്ഞെ….. സിനിമ തുടങ്ങുന്നതിനു മുൻപ് എഴുതികാണിക്കുന്നതല്ലെ drinking is Injuries To Health എന്ന്…”” അവൾ ദേഷ്യത്തോടെയും അതിലുപരി സങ്കടത്തോടെയും തുടർന്നു.

ഗോപാൽജി അവളുടെ അടുത്തേക് ചെന്ന് അവളുടെ നെറുകയിൽ തലോടി….

“”സോറി മോളെ…. ഇനി ഞാൻ ശ്രദ്ധിക്കാം…..””

“”മ്മ് “” (ശിവ )

“”ആഹാ… പിണക്കം മാറിയിലെ…..”” ഗോപാൽജി അവളുടെ കവിളിൽ പയ്യെ തട്ടി.

“അതൊക്കെ മാറി…”” ശിവ പുഞ്ചിരിച്ചുകൊണ്ട് തുടർന്നു
“” അല്ലപ്പാ….ആദിടെ കഥ കേട്ടോ…?? “”

“”ഹാ കേട്ടാലോ…. നല്ല കഥയാണ്. നല്ല ടാലെന്റ്റ് ഉള്ള പയ്യൻ ആണ്…””

ഗോപാൽജി പറയുന്നത് കേട്ട ശിവയുടെ മുഖം വിടർന്നു

“”അപ്പോ സിനിമ ആക്കുന്നുണ്ടോ…”” അവൾ ആകാംഷയോടെ ചോദിച്ചു

“”ഇല്ലാ മോളെ…. ആ സ്ക്രിപ്റ്റ് ഒക്കെ കൊള്ളം…… ബട്ട്‌ അത് സിനിമ ആക്കിയാൽ ശെരി ആകില്ല…. ഫ്ലോപ്പ് ആകാൻ ചാൻസ് ഉണ്ട്… പിന്നെ ഒരു ട്രെൻഡ് അനുസരിച് ഹിറ്റ്‌ ആയൽ മതി..”” (ഗോപാൽജി )

“പക്ഷേ അപ്പ….. He Is A Good Writer…. യൂണിവേഴ്സിറ്റി കലോത്സവത്തിൽ ഞങ്ങള്ക് ഫസ്റ്റ് കിട്ടിയ സ്ക്രിപ്റ്റ് എഴുതിയത് ആദി ആണ്.”” (ശിവ )

“”ശരിയായിരിക്കും… ബട്ട്‌ അവൻ മെച്ചപ്പെടാൻ ഉണ്ട്….. സൊ അവൻ പരിശ്രമിച്ചാൽ അടുത്ത സ്ക്രിപ്റ്റ് അവൻ ഗംഭീരമാക്കും…””(ഗോപാൽജി )

“”പിന്നെ…. അപ്പാ നോക്കിക്കോ… അവൻ നല്ല സ്ക്രിപ്റ്റ് ആയി വരും “”” ശിവ വെല്ലുവിളിക്കും പോലെ കെറുവോടെ പറഞ്ഞു

“”എന്താ മോളെ…..അവനെ അത്രക്ക് അങ്ങ് പിടിച്ചെന്ന് തോന്നുന്നലോ “” കല്ലചിരിയോടെ പറഞ്ഞു നിർത്തുമ്പോളും ഗോപാൽജിയുടെ നോട്ടം ശിവയിൽ ആയിരുന്നു….