?കരിനാഗം 4? [ചാണക്യൻ] 225

“നമ്മടെ ദുൽഖർ പറയുന്ന പോലെ ഒരു സ്പാർക് തോന്നട്ടെ രാധമ്മേ ………….എന്റെ രാധമ്മയെ പോലെ ഒരു പെണ്ണിനെ കിട്ടുമോയെന്ന് നോക്കാം”

അതു കേട്ടതും രാധ അവനെ നോക്കി പുഞ്ചിരിച്ചു.

ആ മുല്ലപ്പൂ ദന്തങ്ങൾക്ക് പോലും വല്ലാത്തൊരു തിളക്കമുണ്ടെന്ന് അവനു തോന്നി.

“ഇതാണ് നിന്നെ മലയാള സിനിമ കാണിച്ചാലുള്ള കുഴപ്പം…….പണ്ട് സുരേഷ് ഗോപിടെ സിനിമകൾ കണ്ടിട്ട് കുറച്ചു നാൾ പോലീസിൽ ചേരാനുള്ള കൊതിയായിരുന്നു……….. ഇപ്പൊ അത്‌ മാറിയല്ലേ?”

ഒരു കള്ളചിരിയയോടെ രാധ മകനെ ഓർമിപ്പിച്ചു.

“അതൊക്കെ പിന്നെ മാറി………പക്ഷെ അന്നും ഇന്നും എന്നെ കീഴ്പ്പെടുത്തിയ മൂന്ന് പടങ്ങളെയുള്ളൂ………..അനന്തഭദ്രം, ദേവദൂതൻ പിന്നെ ഗുരു…………ഇതിൽ എന്റെ ബെസ്റ്റ് അനന്തഭദ്രമാണ്…………എന്നെ ഇതുപോലെ സ്വാധീനിച്ച മറ്റൊരു പടമില്ല………. എന്നെങ്കിലും ഒരിക്കൽ അമ്മയുടെ നാടായ കേരളത്തിലേക്ക് പോയാൽ ആ സിനിമയിലുള്ള ശിവമല്ലിക്കാവും ദികംബരന്റെ ഗുഹയും ഒക്കെ എനിക്ക് ഒരിക്കലെങ്കിലും സന്ദർശിക്കണം………..എന്റെ ചിരകാല സ്വപ്നം ”

മഹാദേവ് എന്തോ വലിയ കാര്യം പോലെ പറഞ്ഞു തീർത്തു.

മകന്റെ ആഗ്രഹം ചെറു ചിരിയോടെ കേൾക്കുകയായിരുന്നു രാധ.

പൊടുന്നനെ അവരുടെ ചിരി മാഞ്ഞു.

അതിലുള്ള സാംഗത്യം അപ്പോഴാണ് തിരിച്ചറിഞ്ഞത്.

ആ സിനിമയിലുള്ള കുഞ്ഞൂട്ടൻ നാഗവും നാഗമാണിക്യവും ഒക്കെ ഓർമയിൽ വന്നതും രാധയ്ക്ക് വിറഞ്ഞു കയറി.

സ്വപുത്രന്റെ പാമ്പുകളോടുള്ള പെരുമാറ്റം ആ അമ്മയ്ക്ക് വീണ്ടും ആധി കേറ്റി

കലിപ്പോടെ അവർ മകനെ നോക്കിയപ്പോഴേക്കും മഹി അവിടുന്ന് സ്ഥലം കാലിയാക്കിയിരുന്നു.

പിറ്റേ ദിവസം ആയിരുന്നു ഗ്രാമക്കാർ ഒന്നാകെ കാത്തിരിക്കുന്ന രംഗോലി ഉത്സവത്തിന്റെ ആദ്യ ദിനം.