🔱കരിനാഗം 15🔱[ചാണക്യൻ] 395

എത്രയോ പേർ സാബുവിന്റെ ഉരുക്കു പോലെയുള്ള കൈയിൽ കിടന്ന് പിടഞ്ഞിട്ടുണ്ട്

അതും പ്രായ ഭേദമന്യേ

ആൺ പെൺ വ്യത്യാസമില്ലാതെ

ആ ഇരുട്ട് സാബുവിന്റെ ഇന്നത്തെ ലക്ഷ്യം മഹിയായിരുന്നു.

ഒരിക്കലും പിഴക്കാത്ത നീക്കങ്ങളോടെ മഹിയെ സ്കെച്ച് ഇട്ട് അവൻ രാത്രി തന്നെ പൊക്കി.

അതു തന്നെയാണ് ഇരുട്ട് സാബുവിന്റെ പ്രത്യേകതയും.

ആരെയാണോ കൊല്ലേണ്ടത് അവരെ സ്കെച്ച് ചെയ്തു രാത്രിയിൽ പൊക്കും.

എന്നിട്ട് ഇരുട്ടിന്റെ മറവിൽ എതിരാളിയെ ഒരു എലിയായും സ്വയം ഒരു പൂച്ചയായും കരുതി വട്ടു കളിപ്പിക്കും.

പൂച്ച എലിയെ കിട്ടിയാൽ കൊല്ലാതെ കൊന്ന ശേഷം കളിപ്പിക്കുന്നത് പോലെ സാബുവും ചെയ്യും.

കൊല്ലാതെ കൊന്ന ശേഷം ഡെഡ്ബോഡിയെ കെട്ടി പിടിക്കും, ഉമ്മ വയ്ക്കും, സംസാരിക്കും.

ഇതൊക്കെയാണ് സാബുവിന്റെ രീതികൾ.

ആ സാബുവിന്റെ കയ്യിലാണ് മഹി ഇന്ന് അകപ്പെട്ടിരിക്കുന്നത്.

എന്ത് സംഭവിക്കുമെന്ന് കണ്ടു തന്നെ അറിയാം.

കഴുത്തിൽ കുരുക്ക് വീണ്ടും മുറുകിയതും മഹി പരലോകം കാണുവാൻ തുടങ്ങി.

പതിയെ അവന്റെ നക്ഷത്രക്കണ്ണുകൾ വികസിച്ചു.

കൈകളിൽ അസാമാന്യ ശക്തി കൈവരിച്ചു.

മഹി പിന്നിലേക്ക് കൈയെത്തിച്ചു പിന്നിലുള്ള രൂപത്തിന്റെ ഡ്രെസ്സിൽ പിടുത്തമിട്ട ശേഷം ദൂരേക്ക് വലിച്ചെറിഞ്ഞു.

ആആഹ്‌

സാബു ഒരലർച്ചയോടെ മുന്നിലേക്ക് വീണു.

മഹി കഴുത്തിലെ തോർത്ത്‌ ഊരിയെടുത്തു ചുമച്ചുകൊണ്ടിരുന്നു.

എന്നിട്ട് ആവോളം ശ്വാസം വലിച്ചു.

അപ്പോഴേക്കും മഹി വിയർത്തു കുളിച്ചിരുന്നു.

അവൻ മുന്നോട്ട് നോക്കിയപ്പോൾ അവിടെ ആരെയും കാണുന്നില്ലായിരുന്നു.

പൊടുന്നനെ തലക്ക് പിന്നിൽ കല്ലുകൊണ്ട് പ്രഹരം കിട്ടിയതും മഹി മുന്നിലേക്ക് തെറിച്ചു വീണു.

അത്‌ മാറ്റാരുമായിരുന്നില്ല സാബു തന്നെയായിരുന്നു.

മഹി അവിടെയുള്ള മരത്തിന്റെ പിന്നിലേക്ക് നിരങ്ങി കയറി.

കാരണം അവൻ അത്രത്തോളം തളർന്നിരുന്നു.

തലയ്ക്കു പിന്നിലെ മുറിവിൽ നിന്നും രക്തം ശക്തിയിൽ ഒഴുകുന്നുണ്ട്.

കരിയിലകളിലൂടെ നിരങ്ങി അവൻ ഒരു മരചുവട്ടിൽ ചാരിയിരുന്നു.

തന്റെ അന്ത്യം അടുത്തെന്ന് മഹി തിരിച്ചറിഞ്ഞു.

മഹി പയ്യെ തന്റെ കണ്ണുകൾ പൂട്ടി വച്ചു.