🔱കരിനാഗം 15🔱[ചാണക്യൻ] 395

എന്നിട്ട് തന്റെ വലത് കൈ ഉയർത്തി പിടിച്ചു ചന്ദ്ര കിരണം അതിൽ പതിപ്പിച്ചു.

രുദ്രയുടെ കൈയ്യിലെ ചതവിൽ കിരണം പതിച്ചതും പയ്യെ ആ ചതവിൽ നിന്നും നേർത്ത പുകയുയർന്ന് അവസാനം ആ ചതവ് മാഞ്ഞു പോയി.

പിന്നെ ചെറുവിരലിലെ പൊട്ടിയ അസ്ഥിയും പൂർവ സ്ഥിതി പ്രാപിച്ചു.

രുദ്ര പയ്യെ മുഷ്ടി ചുരുട്ടിയും നിവർത്തിയും കൈകളിലെ ആയാസത അളന്നുകൊണ്ടിരുന്നു.

ശേഷം ചന്ദ്രഭാഗവാനോട് തന്റെ മിഴികളിലൂടെ നന്ദിയർപ്പിച്ചു കൊണ്ടു വീട്ടിലേക്ക് മടങ്ങി.

റൂമിൽ എത്തിയ രുദ്രരൂപ പയ്യെ മയക്കത്തിലേക്ക് വഴുതി വീണു.

——————————————————–

റോസ്മേരിയുടെ സ്കൂട്ടി കംപ്ലയിന്റ് ആയതിനാൽ അവിടുത്തെ ലോക്കൽ ചാനലിന്റെ ഓഫീസിലേക്ക് മഹി ജീപ്പും കൊണ്ടു പോകുകയായിരുന്നു.

രാത്രി ആയതിനാൽ വേഗതയിൽ ആയിരുന്നു അവന്റെ സഞ്ചാരം.

ഹൈവേയിൽ നിന്നും റോസ്മേരി പറഞ്ഞു കൊടുത്ത ഊടു വഴിയിലൂടെ മഹി ജീപ്പ് ഓടിക്കുകയായിരുന്നു.

ആ സമയം മറ്റൊരു ജീപ്പ് അവനെയും മറി കടന്നുകൊണ്ട് മുന്നിലേക്ക് പോയി അവന്റെ ജീപ്പിന് എതിർ വശത്തായി drift ചെയ്തു നിന്നു.

മഹി പൊടുന്നനെ ജീപ്പ് ചവിട്ടി നിർത്തി.

എന്നിട്ട് കലിപ്പോടെ ഡോർ തുറന്ന് പുറത്തേക്കിറങ്ങി.

ഇവനെയൊക്കെ ഇന്ന്

മഹി പിറു പിറുത്തുകൊണ്ട് മുന്നോട്ട് നടന്നു.

നടന്നു ജീപ്പിന്റെ ഡ്രൈവിംഗ് സീറ്റിലേക്ക് എത്തി നോക്കിയതും അവിടെ ആരുമില്ലായിരുന്നു.

എന്നാൽ ജീപ്പ് ഓൺ ആണ്.

മഹി പയ്യെ ജീപ്പിൽ നിന്നും തല പുറത്തേക്കെടുത്തതും അവന്റെ അരക്കെട്ടിൽ ഒരു ചവിട്ട് കിട്ടിയതും ഒരുമിച്ചായിരുന്നു.

ഹമ്മേ………….

മഹി രണ്ടടി ദൂരേക്ക് തെറിച്ചു വീണു.

റോഡിനു മറുവശത്തുള്ള കാട്ടിലേക്കാണ് അവൻ വീണത്.