🔱കരിനാഗം 15🔱[ചാണക്യൻ] 395

പൊടുന്നനെ ഉൾക്കണ്ണിൽ തെളിഞ്ഞു വന്ന രൂപം കണ്ടു മഹി ഞെട്ടി.

അന്ന് രാധമ്മയെ രക്ഷിക്കാൻ പോയപ്പോൾ കണ്ട അതേ നൈറ്റ്‌ വിഷൻ.

പിന്നിലേക്ക് നോക്കാതെ തന്നെ പിന്നിലുള്ള കാഴ്ചകൾ കാണാൻ സാധിക്കുന്നു.

തന്റെ പിന്നിൽ അഞ്ചടി ദൂരത്തായി കൈലി മുണ്ടുടുത്ത ഒരു രൂപം പമ്മി പമ്മി വരുന്നുണ്ട്.

അയാളുടെ കയ്യിൽ വലിയൊരു ഇഷ്ടികയാണ് ഉള്ളത്.

തനിരിക്കുന്ന മറച്ചുവട് ലക്ഷ്യമാക്കിയാണ് അയാൾ വരുന്നത്.

മഹി പയ്യെ തന്റെ മുഷ്ടി ചുരുട്ടി വച്ചു.

ഒരു പ്രത്യാക്രമണത്തിനായി.

പമ്മി പമ്മി വന്ന ഇരുട്ട് സാബു മരച്ചുവടിന് മറുവശത്തെത്തി ഇഷ്ടികയോങ്ങി.

എന്നാൽ അവിടെ മഹി ഉണ്ടായിരുന്നില്ല.

സാബു ജിജ്ഞസയോടെ ചുറ്റും തന്റെ കണ്ണുകൾ കൊണ്ടു വീക്ഷിച്ചുകൊണ്ടിരുന്നു.

ഓരോ മുക്കും മൂലയും പരതി.

എന്നാൽ മഹിയെ കണ്ടു കിട്ടിയില്ല.

പൊടുന്നനെ സാബു നിന്നിരുന്ന മരത്തിന്റെ മുകളിലേ ചില്ലയിൽ പിടിച്ചു തൂങ്ങിയാടി വന്ന മഹി സാബുവിനിട്ട് ആഞ്ഞൊരു ചവിട്ട് കൊടുത്തു.

അപ്രതീക്ഷിതമായി ചവിട്ട് കിട്ടിയ സാബു ദൂരേക്ക് തെറിച്ചു വീണു.

തറയിൽ മൂക്കും കുത്തി വീണ സാബു ഞെട്ടി പിടഞ്ഞെണീറ്റു.

ആദ്യമായിട്ടായിരുന്നു സാബുവിന് ഇങ്ങനൊരു പ്രതികരണം ലഭിക്കുന്നത്.

എഴുന്നേറ്റപാടെ സാബു ചുറ്റും നോക്കി.

ആരെയും കാണുന്നില്ല.

കനത്ത കൂരിരുട്ട് മാത്രം.

പൊടുന്നനെ ഒരു കാട്ടുവള്ളി പറന്നു വന്നു സാബുവിന്റെ ഇരു കാലുകളിലും ചുറ്റി പിണഞ്ഞു.

ഒന്ന് ആലോചിക്കാനിട പോലും നൽകാതെ കാട്ടുവള്ളി മരച്ചില്ലയിൽ കോർത്തുകൊണ്ട് മഹി താഴേക്ക് വലിച്ചു.

തല കീഴായി കെട്ടി തൂക്കപ്പെട്ട സാബുവിന്റെ ആക്രോശം മാത്രമായിരുന്നു ആ കാട്ടീൽ മുഴങ്ങിയിരുന്നത്.

പൊടുന്നനെ മഹി മുന്നിലേക്ക് വന്നു സാബുവിന്റെ മുഖത്തു തുടരെ പഞ്ചുകൾ കൊടുത്തു.

മഹിയുടെ കൂടം പോലുള്ള മുഷ്ടികൊണ്ടുള്ള പ്രഹരമേറ്റ് സാബു തളർന്നു.