🔱കരിനാഗം 15🔱[ചാണക്യൻ] 395

എന്നിട്ട് ആവോളം ആ ജീപ്പിന് ഉൾവശത്തുള്ള ചന്ദന ഗന്ധം നുകർന്നു.

ആ ഗന്ധം അവനിൽ അത്രത്തോളം ആഴത്തിൽ പടർന്നിരിക്കുന്നു.

സിരകളെ പോലും ഉദ്ധീപിപ്പിക്കുന്ന തക്ക ലഹരി അതിനുണ്ടായിരുന്നു.

മഹി ആ പൂവ് എടുത്തു ഷർട്ടിന്റെ ബട്ടൺസിൽ കുരുക്കിയ ശേഷം ചുണ്ടിലൊരു മൂളി പാട്ടോടെ ജീപ്പ് മുന്നോട്ട് എടുത്തു.

മഹി പോലും അറിഞ്ഞിരുന്നില്ല ആ ചന്ദന ഗന്ധം അവനിൽ ഉറങ്ങി കിടന്ന പ്രണയമെന്ന വികാരത്തെ പോലും തൊട്ടു തഴുകിയുണർത്തിയെന്ന്.

അതു തന്നെ……. മഹിക്കും ഉള്ളിന്റെയുള്ളിൽ ആരോടെന്ന പോലെ അനുരാഗം പുഷ്പിചിരിക്കുന്നു.

ആ ചന്ദന ഗന്ധമുള്ള പെൺകൊടിയോട്.

മഹിക്ക് തന്റെ ജീവിതത്തിൽ ആദ്യമായി ഒരാളോട് പ്രണയം തോന്നിയിരിക്കുന്നു.

ചരിത്രം വഴി മാറിയിരിക്കുന്നു.

പുതു ചരിത്രം ആരംഭിചിരിക്കുന്നു.

——————————————————–

രാത്രി 11 മണി

രേവതിയുടെ വീട്

വീട്ടിൽ എല്ലാവരും നല്ല ഉറക്കം പിടിച്ചതിനാൽ രുദ്രരൂപ പയ്യെ മുൻ വശത്തെ വാതിൽ തുറന്നു വെളിയിലേക്കിറങ്ങി.

മുറ്റത്ത് നല്ല ഇളം നിലാവ് പൊഴിയുന്നുണ്ട്.

സർപ്പ രാജകുമാരിയെ കണ്ട ആനന്ദത്തിൽ ചന്ദ്രഭഗവാൻ പോലും തൂവെള്ള തോല്പ്പിക്കും വിധം പ്രകാശ കിരണങ്ങൾ പൊഴിച്ചു കൊണ്ടിരുന്നു.

ഒരു നിശ്വാസത്തോടെ രുദ്രരൂപ പതിയെ ആ നിലവിലേക്ക് ഇറങ്ങി.