🔱കരിനാഗം 15🔱[ചാണക്യൻ] 395

അവിടുന്ന് ഉരുണ്ടുരുണ്ട് ഒരു മരച്ചുവട്ടിൽ ചെന്നു കിടന്നു.

വീഴ്ച്ചയിൽ ദേഹത്താകമാനം പോറൽ ഏറ്റിട്ടുണ്ട്.

ചിലയിടത്ത് രക്തം ഒഴുക്കുന്നുണ്ട്.

മഹി രോഷത്തോടെ എഴുന്നേറ്റ് നോക്കി.

പക്ഷെ ആരെയും കാണുന്നില്ല.

അവൻ കാതുകൾ കൂർപ്പിച്ചു വച്ചു.

ചീവീടുകളുടെ ശബ്ദവും വന്യ ജീവികളുടെ തീവ്രത കുറഞ്ഞ ഒച്ചയും കേൾക്കാം.

പിന്നെ അടുത്തായി ഒരു ചോല ഒഴുകുന്നതിന്റെ കളകളാരവവും.

മഹി ആലോചിച്ചുകൊണ്ടിരിക്കെ അവന്റെ നടുവിനിട്ടായിരുന്നു അടുത്ത ചവിട്ട് കിട്ടിയത്.

മഹി മുന്നോട്ടേക്ക് മൂക്കും കുത്തി വീണു.

വീഴ്ച്ചയിൽ നല്ല പരിക്ക് പറ്റിയ മഹി പതിയെ എഴുന്നേക്കാൻ ശ്രമിച്ചു.

മൂക്കിൽ നിന്നും ധാര ധാരയായി രക്തം ഒഴുകുന്നുണ്ട്.

ആ സമയം മഹിയുടെ കഴുത്തിൽ തോർത്തുകൊണ്ട് ഒരു പിടി വീണു.

ആ തോർത്തിന്റെ അറ്റം ഉള്ള കൈകൾക്ക് വന്യമായ ബലം ഉണ്ടായിരുന്നു.

കഴുത്തിലെ കുരുക്ക് മുറുകിയതും മഹി അവിടെ കിടന്ന് പിടഞ്ഞു.

നിലത്തു കൈകളിട്ട് അടിച്ചു.

ഒരിറ്റ് ശ്വാസത്തിനായി.

അവന്റെ മൂക്കിലേക്ക് അസഹ്യമായ ദിനേശ് ബീഡിയുടെ മണമെത്തി.

ആ കാട്ടിലെ ഇരുട്ടിൽ ചുണ്ടിൽ കൊളുത്തിയ എരിയുന്ന ബീഡിക്കുറ്റിയുമായി ഒരാൾ ഉണ്ടായിരുന്നു.

അയാളുടെ കയ്യിൽ കിടന്നാണ് മഹി പിടഞ്ഞു കൊണ്ടിരുന്നത്.

പയ്യെ ആ രൂപം മഹിയുടെ കാതോരം തന്റെ ചുണ്ടുകൾ ചേർത്തു വച്ചുകൊണ്ട് പറഞ്ഞു.

ഇരുട്ട് സാബു.

അതു തന്നെ.

ഇരുട്ട് സാബു.

പിശാചിനു മനുഷ്യ മുഖം ഉണ്ടെങ്കിൽ അത്‌ അവനാണ് ഇരുട്ട് സാബു.

കേരളം മൊത്തം കൊടും ക്രിമിനലായി അറിയപ്പെടുന്നവൻ.

കേരള പോലീസിന്റെ മോസ്റ്റ്‌ വേണ്ടെഡ് ക്രിമിനൽ.

ഇതുവരെ ഇരുട്ട് സാബുവിന് എതിരെ അവർ ഒരു ലുക്ക്‌ ഔട്ട്‌ നോട്ടീസ് പുറപ്പെടുവിച്ചിട്ടില്ലായിരുന്നു.

അതിനു കാരണം സാബുവിന്റെ ചിത്രം അവരുടെ പക്കൽ ഉണ്ടായിരുന്നില്ല.

സാബുവിനെ കണ്ടവരാരും അടുത്ത സൂര്യോദയം പിന്നീട് കണ്ടിട്ടുമില്ല എന്നതാണ് യഥാർഥ്യം.

രാഷ്ട്രീയ കൊലകളും അതി സമ്പന്നരായിട്ടുള്ളവർക്ക് വേണ്ടിയുള്ള കൊലകളും ആണ് സാബുവിനെ കൂടുതൽ പ്രശസ്തനാക്കി തീർന്നത്.