🔱കരിനാഗം 15🔱[ചാണക്യൻ] 395

അവളെ കിട്ടാൻ കാത്തിരുന്ന പോലെ ആ ടീച്ചർ രോഷത്തോടെ അലറി.

എന്നിട്ട് ആ ടെസ്റ്റ്‌ പേപ്പർ എടുത്തു രേവതിയുടെ മുഖത്തേക്ക് വലിച്ചെറിഞ്ഞു.

മുഖത്തു തട്ടി അത്‌ താഴേക്ക് വീണതും രുദ്രരൂപ തന്റെ നേർത്ത കണ്ണുകൾ കൊണ്ടു ആ ടീച്ചറെ കത്തുന്ന പോലെ ഒന്നു നോക്കി.

കാരണം നിമിഷ മാത്രയിൽ അവളിൽ അത്രയധികം ക്രോധം കത്തി കയറിയിരുന്നു.

ആ ടീച്ചറിനെ തന്റെ കൈകൊണ്ട് ഞെരിച്ചു കൊന്നു കളയാൻ വരെ അവൾക്ക് തോന്നി.

അമിതമായ രോഷം കാരണം രുദ്രരൂപയുടെ കവിളുകൾ ചുവന്നു.

പല്ലുകളിറുമ്മി.

രേവതിയുടെ ഭാവമാറ്റം കണ്ടു ഒന്നു ഞെട്ടിയെങ്കിലും സംയമനം വീണ്ടെടുത്ത ടീച്ചർ അവളോടായി അലറി.

ഗെറ്റ് ഔട്ട്‌ ഫ്രം മൈ ക്ലാസ് യൂ idiot

അതു പറഞ്ഞതെ അക്കൗണ്ടൻസി ടീച്ചർക്ക് ഓര്മയുള്ളു.

അപ്പോഴേക്കും രുദ്രരൂപ മുന്നിലുള്ള ഡെസ്കിനിട്ട് തന്നാലാവുംവിധമുള്ള ബലം ആവഹിച്ച് മുഷ്ടി ചുരുട്ടി പ്രഹരിച്ചു.

പ്രഹരം കിട്ടിയ മാത്രയിൽ ഡസ്ക് സ്ഫോടന ശബ്ദത്തോടെ ചീളുകളായി പൊട്ടി ചിതറി.

കാറ്റു പോലെ രുദ്രരൂപ പുറത്തേക്ക് പാഞ്ഞു പോയി.

കാരണം തന്റെ ക്രോധം അതിരു വിട്ടാൽ തന്റെ സർപ്പ രൂപം വെളിയിൽ വരുമെന്ന് അവൾക്ക് അറിയാമായിരുന്നു.

ശബ്ദം കേട്ട് ആ ക്ലാസിലെ കുട്ടികൾ ഒന്നടങ്കം നിലവിളിച്ചു.

അപ്പോഴും അക്കൗണ്ടൻസി ടീച്ചർ വിറങ്ങലിച്ചു നിൽക്കുകയായിരുന്നു.

രേവതിയുടെ പെരുമാറ്റം കണ്ടു.

പുറത്തേക്കിറങ്ങിയ രേവതി ആ ബിൽഡിംഗിന്റെ ഇടനാഴിയിലൂടെ ഓടുകയായിരുന്നു എന്ന് വേണം പറയാൻ.

കാരണം അത്രയ്ക്ക് ക്രോധം അവളെ വിരിഞ്ഞു മുറുക്കിയിരുന്നു.

തന്റെ വലത് കൈക്ക് നല്ല വേദനയുള്ള പോലെ രുദ്രയ്ക്ക് തോന്നി.

അവൾ തന്റെ കൈ വിടർത്തി നോക്കി.

ഡെസ്കിൽ പ്രഹരിച്ച കാരണം കയ്യിൽ ചതവ് പറ്റിയിരിക്കുന്നു.

ചെറുവിരലിനു ചെറിയൊരു പൊട്ടലുണ്ട്.

രുദ്രരൂപ ആലോചിക്കുകയായിരുന്നു തനിക്ക് എങ്ങനാണ് ഇത്തരത്തിളുള്ള ചതവും ഒടിവും പറ്റിയതെന്ന്.

കാരണം സർപ്പങ്ങൾക്ക് ഇങ്ങനത്തെ ചെറിയ പ്രഹരം കൊണ്ടു ഒന്നും പോലും സംഭവിക്കില്ല.