?കരിനാഗം 15?[ചാണക്യൻ] 394

ആ സമയം മറ്റൊരു റോസാപൂ അവളുടെ കണ്ണിൽ പെട്ടു.

സമയം കളയാതെ ആ പൂവിനെ പൊട്ടിച്ചെടുത്തുകൊണ്ട് രുദ്രരൂപ നടന്നു നീങ്ങി.

എന്നിട്ട് ആരും കാണാതെ മഹിയുടെ ജീപ്പിന്റെ ഡോർ തുറന്ന് സീറ്റിൽ റോസപ്പൂവിനെ പ്രതിഷ്ടിച്ചു.

ഡോർ പതിയെ അടച്ചു അവൾ തിരികെ ക്ലാസ്സിലേക്ക് മടങ്ങി.

3rd ഇയറിന്റെ ഇംഗ്ലീഷ് literature ക്ലാസ് ഒക്കെ മഹി നന്നായി തന്നെ തുടങ്ങി.

ആദ്യം ഒരു ബുദ്ധിമുട്ട് ഒക്കെ തോന്നിയെങ്കിലും പിന്നീട് ക്ലാസ് ഒക്കെ അവന്റെ വരുതിയിൽ വന്നു.

പുതുതായി വന്ന നക്ഷത്രകണ്ണുകളുള്ള അധ്യാപകനെ തന്നെ നോക്കിയിരിപ്പാണ് മിക്ക പെൺപിള്ളേരും.

ആദ്യത്തെ ക്ലാസ്സ്‌ കഴിഞ്ഞ് സ്റ്റാഫ് റൂമിലെത്തിയ മഹിയെ വരവേറ്റത് നന്ദിനി മിസ് ആയിരുന്നു.

എങ്ങനുണ്ട് മാഷേ ക്ലാസ്സ്‌ ഒക്കെ?

നന്ദിനിയുടെ ചോദ്യം കേട്ട് നല്ലൊരു പുഞ്ചിരിയോടെ മഹി പറഞ്ഞു.

നല്ല ക്ലാസ് ആണ് മിസ്സേ….. നല്ലൊരു സ്റ്റാർട്ടിങ് കിട്ടി

ഓൾ ദി ബെസ്റ്റ്

നന്ദിനിയുടെ വായിൽ നിന്നും വീണത് കേട്ട് മഹി വീണ്ടും പുഞ്ചിരിച്ചു.

താങ്ക്സ്

അതും പറഞ്ഞുകൊണ്ട് മഹി തന്റെ ചെയ്യറിൽ പോയിരുന്നു.

അപ്പോഴും നന്ദിനി മിസ് മഹിയെ കണ്ടു മതി മറന്ന് നിൽക്കുകയായിരുന്നു.

അന്നത്തെ ദിവസം വലിയ ബോറടിയൊന്നുമില്ലാതെ അവസാനിച്ചു.

ക്ലാസ്സ്‌ ഒക്കെ കഴിഞ്ഞ് വൈകുന്നേരം വീട്ടിലേക്ക് പോകാനായി മഹി ഇറങ്ങി.

ജീപ്പിന് സമീപം വന്നു ഡോർ തുറന്നതും മഹിയുടെ കണ്ണുകൾ വിടർന്നു.

വീണ്ടും അതേ റോസപ്പൂവും ചന്ദനഗന്ധവും.

മഹി വേഗം തന്നെ ഡോർ അടച്ചു ചുറ്റും നോക്കി.

ആരെയും കാണാൻ സാധിച്ചില്ല.

നിരാശയോടെ മഹി ജീപ്പിൽ കയറി ഡോർ അടച്ചു.

എന്നിട്ട് ആ റോസാപൂവിൽ ഇളം പുഞ്ചിരിയോടെ പതിയെ തഴുകി.