?കരിനാഗം 15?[ചാണക്യൻ] 394

എന്നാൽ ഇവിടെ നേരെ മറിച്ചാണ് സംഭവിച്ചത്.

ആലോചനയ്ക്കിടെ രുദ്രയ്ക്ക് അതിനുള്ള ഉത്തരവും കിട്ടിയിരുന്നു.

കാരണം മനുഷ്യ ശരീരം സർപ്പങ്ങളുടെതിന് സമാനമായ ബലമോ ദൃഢതായോ ഇല്ല.

മനുഷ്യ ശരീരത്തിനു ഒരുപാട് പരിമിതികളുണ്ട്.

അതിന്റെ പരിണിത ഫലങ്ങളാണ് ഇവിടെ സംഭജവിച്ചത്

സർപ്പങ്ങൾക്ക് സൂര്യ കിരണങ്ങൾ മാത്രമാണ് ഏക പരിമിതി.

നാഗങ്ങൾക്ക് ചന്ദ്ര കിരണങ്ങളും.

എന്നാൽ ഈ മനുഷ്യ ഉടലിനോ പരിമിതികളാൽ സമ്പന്നവും.

രുദ്ര മുന്നോട്ടു ഓടവേ പൊടുന്നനെ ഒന്ന് തറഞ്ഞു നിന്നു.

കാരണം മറ്റൊന്നുമായിരുന്നില്ല.

മഹിയുടെ ജീപ്പ് കോളജ് കൊമ്പോണ്ടിലേക്ക് പ്രവേശിച്ചതായിരുന്നു.

ജീപ്പിന്റെ ശബ്ദം കേട്ടതും ഒന്നനങ്ങാൻ പോലുമാകാതെ അവൾ അതേ നിൽപ് നിന്നു.

ജീപ്പിൽ നിന്നുമിറങ്ങുന്ന മഹിയെ കണ്ടു രുദ്രയുടെ ക്രോധമെല്ലാം ഞൊടിയിടയിൽ അപ്രത്യക്ഷമായി.

പതിയെ രുദ്രയിൽ പുതിയ അനുരാഗ പൂക്കൾ വിരിയുവാൻ തുടങ്ങി.

സർപ്പലോകത്തിന്റെ രാജകുമാരിയും ഈരേഴുലകിൽ വച്ചു ശക്തിശാലിനിയും സൗന്ദര്യധാമവുമായ രുദ്രരൂപ വെറുമൊരു മാനവന് മുന്നിൽ കീഴടങ്ങി എന്ന് തന്നെ വേണം പറയാൻ.

ജീപ്പ് അവിടെ നിർത്തി പുറത്തിറങ്ങിയ മഹി നേരെ ആ ബിൽഡിംഗിന്റെ വരാന്തയിലൂടെ നടന്നു വരാൻ തുടങ്ങി.

രുദ്രരൂപയ്ക്ക് പൊടുന്നനെ ആ വരവ് കണ്ടു ഉള്ളിൽ ഉത്കണ്ഠയും വിവശതയും വെപ്രാളവും ഒക്കെ വന്നത് ഒരുമിച്ചായിരുന്നു.

മഹി നടന്നു വന്നു അവൾക്ക് സമീപം എത്തിയതും രുദ്ര കണ്ണുകൾ പൂട്ടി ഭിത്തിയിലേക്ക് ചേർന്നു നിന്നു.

മഹി കടന്ന് പോയതും രുദ്രരൂപ ആശ്വാസത്തോടെ കണ്ണുകൾ തുറന്നു.

എങ്കിലും അവൾ നന്നേ അണയ്ക്കുന്നുണ്ടായിരുന്നു.

അവളെ മറി കടന്ന് മുന്നിലേക്ക് രണ്ടടി വച്ച മഹി എന്തോ ഓർത്ത പോലെ തിരിഞ്ഞു നോക്കി.

എന്നാൽ അവിടെ ആരുമുണ്ടായിരുന്നില്ല.

കാറ്റിന്റെ വേഗതയിൽ രുദ്രരൂപ പോയി മറഞ്ഞു.

എന്തോ ആലോചനയോടെ വന്നതിനാൽ അവിടെ ആരോ ഉണ്ടായിരുന്നുവെന്ന് മഹിക്കും തോന്നിയിരുന്നു.

കാരണം രുദ്രയെ മഹി ശ്രദ്ധിച്ചതുമില്ല.

രുദ്ര പോയി കഴിഞ്ഞപ്പോഴാണ് പതിയെ അതേ ചന്ദന ഗന്ധം അവന്റെ നാസികയിലേക്ക് വന്നത്.

മഹി അത്‌ ആവോളം നുകർന്നു.

ശോ….. ആരായിരിക്കും അത്‌? ആർക്കാണ് ഈ ചന്ദന മണം ഉള്ളത്….. ഇപ്പൊ താൻ മറി കടന്നത് ഒരു പെൺകുട്ടിയെ തന്നെയാണ്…. പക്ഷെ എന്തോ ആലോചനയിൽ ആയിരുന്നതിനാൽ മുഖവും ശ്രദ്ധിച്ചില്ല…..

മഹി നിസ്സഹായതയോടെ ചുറ്റും നോക്കി.

വിജനമായിരുന്നു ആ വരാന്ത.

ഒരുപക്ഷെ ഈ പെൺകുട്ടി തന്നെയാവണം തന്റെ ജീപ്പിൽ റോസാപൂ കൊണ്ടു വയ്ക്കുന്നതെന്ന് മഹി ഉറപ്പിച്ചു.

ഒരു ചിരിയോടെ അവളെ കണ്ടു പിടിക്കുമെന്ന ദൃഢ നിശ്ചയത്തോടെ അവൻ സ്റ്റാഫ് റൂം ലക്ഷ്യം വച്ചു നീങ്ങി.

പതിവ് പോലെ ക്രോധത്തിനു ശമനം വന്ന രുദ്രരൂപ കോളജിലെ ഉദ്യാനത്തിനു സമീപം നടക്കുകയായിരുന്നു.