?കരിനാഗം 15?[ചാണക്യൻ] 394

പക്ഷെ അപ്പോഴും അവർക്കിടയിൽ മൗനം തന്നെയായിരുന്നു.

അലോക് അവരുടെ അവസ്ഥ കണ്ടു ചോലയിലെ നീരാട്ട് മതിയാക്കി പയ്യെ കേറി വന്നു.

കഴിഞ്ഞ 4 തവണയും നമ്മുടെ രാജകുമാരനെന്ന് നിനച്ചു അവൾ ക്രൂരമായാണ് അവരെ കൊലപ്പെടുത്തിയത്….. ഇത്തവണയും ചരിത്രം ആവർത്തിക്കുമോ?

മാദ്രിയമ്മ ചിലമ്പിച്ച സ്വരത്തിൽ ചോദിച്ചു.

അതിനു മുന്നേ ഈ ബ്രഹസ്പതിയുടെ തല ഈ മണ്ണിൽ കിടന്നുരുളണം

അരയിലെ ഉറയിൽ നിന്നും വാളെടുത്ത് അദ്ദേഹം രോഷത്തോടെ അലറി.

ജ്യേഷ്ഠ…… അവിവേകം അരുത്….. നമ്മൾ ബുദ്ധിശൂന്യത കാണിച്ചാൽ അതവളുടെ വിജയത്തിന് പാത്രമായി തീരും….. അതുകൊണ്ട് ഓരോ ചുവടുകളും വളരെ സൂക്ഷിച് ചെയ്യണം.

എന്താണ് അമ്മ പറഞ്ഞു വരുന്നത്?

യക്ഷമി പതിയെ ചോദിച്ചു.

നമ്മുടെ കുമാരൻ അലോകിനു സർവ സുരക്ഷയും നാം പ്രധാനം ചെയ്യണം….. നമ്മുടെ കണ്ണുകൾ വെട്ടിച്ചു രുദ്രരൂപ ഒരിക്കലും രാജകുമാരനെ കടത്തിക്കൊണ്ട് പോകുകയോ അപകടപെടുത്തുകയോ ചെയ്യരുത്…… ചെയ്യാൻ മുതിരരുത് എന്ന് വേണം പറയാൻ.

അപ്പൊ നമ്മൾ എന്ത് ചെയ്യണം?

ബ്രഹസപതി ചോദിച്ചു.

എത്രയും വേഗം കുമാരൻ ആയുധ വിദ്യ പ്രാപ്തമാക്കണം……. അങ്ങയുടെ ശിക്ഷണത്തിലൂടെ…… ഒപ്പം യക്ഷമിയും ഉണ്ടാവണം…… ആയുധ വിദ്യ അഭ്യസിച്ച രാജകുമാരന്റെ കൂടെ നാഗലോകത്ത് ചെന്നു വീശിഷ്ടമായ ആ ആയുധം വജ്രകേയഹാസം സ്വന്തമാക്കാൻ യക്ഷമി വേണം കുമാരന് തുണയാവൻ

അമ്മേ…… അത്‌……. ഞാൻ

യക്ഷമി അതിനു മുടക്കം പറയുന്നതിന് മുന്നേ മാതംഗി കൈകളുയർത്തി അവളെ തടഞ്ഞു.

അരുത് യക്ഷമി…… മുടക്കം പറയരുത്….. ഇത് നിന്റെ മാതാവിന്റെ ആജ്ഞയാണ്

മാതംഗി അങ്ങനെ ആജ്ഞപിച്ചതും യക്ഷമി തല താഴ്ത്തി അനുസരണയോടെ നിന്നു.

മഹിയാണ് യഥാർത്ഥ രാജകുമാരൻ എന്ന് ഇവരെ എങ്ങനെ പറഞ്ഞു മനസിലാക്കുമെന്ന വിഷമത്തിൽ ആയിരുന്നു അവൾ.

അലോക് ആണ് രാജകുമാരൻ എന്നത് അവൾ ഒരിക്കലും വിശ്വസിച്ചിരുന്നില്ല.

മഹിയാണ് കരിനാഗ രാജകുമാരൻ എന്ന് തെളിയിക്കേണ്ട സമയം അതിക്രമിച്ചുവെന്ന് അവൾ മനസിലാക്കി.

നീരാട്ടിന് ശേഷം കയറി വന്ന അലോകിനെ മാദ്രിയമ്മ ആരതിയുഴിഞ്ഞ് സ്വീകരിച്ചു.

ശേഷം ബ്രഹസ്പതിയുടെ കൂടെ അവരുടെ ശിഷ്യഗണങ്ങളുമൊത്ത് അവർക്ക് വശമുള്ള ആയുധങ്ങളെല്ലാം ഓരോന്നായി ദർശിച്ചു.