?കരിനാഗം 15?[ചാണക്യൻ] 394

പ്രവേശനകവാടമായ ആ കരിമ്പാറ കൂട്ടത്തിന് മുന്നിലുള്ള നീര്ചോലയിൽ ആയിരുന്നു അലോക്.

ആ തെളിഞ്ഞ ചോലയിൽ അലോക് ആയാസ രഹിതമായി നീന്തി കുളിക്കുകയായിരുന്നു.

അലോക്കിന്റെ വിക്രിയകൾ കണ്ടു ബ്രഹസപതിയും മാദ്രിയമ്മയും മാതംഗിയും പുഞ്ചിരിയോടെ കരയിൽ നിൽക്കുന്നു.

അവരെ സംബന്ധിച്ചു കരിനാഗ രാജകുമാരനായ അലോക് ഒരു കുഞ്ഞിനെ പോലെയായിരുന്നു.

ആ ഒരു പ്രതീതിയയായിരുന്നു അവരിൽ നിറഞ്ഞു നിന്നത്.

അവർക്ക് സമീപം തന്നെ വാമിഖയും യക്ഷമിയുമുണ്ട്.

വാമിഖ അലോകിനെ പ്രണയ പൂർവമാണ് നോക്കുന്നതെങ്കിൽ യക്ഷമി താൻ ഇവിടെ ഇല്ലെന്നുള്ള രീതിയിൽ ചുറ്റുപാടുമുള്ള പക്ഷികളുടെയും മരങ്ങളുടെയും കണക്ക് എടുക്കുന്നു.

ആ സമയം വൃദ്ധയായ മറ്റൊരു സ്ത്രീ അവിടെ പ്രത്യക്ഷപ്പെട്ടു.

അവർ കരിനാഗജരുടെ സന്ദേശ വാഹകയായിരുന്നു.

ഈരേഴുലകിൽ നിന്നുമുള്ള വാർത്തകൾ ചാരന്മാരിലൂടെ ചോർത്തിയെടുത്ത് അറിയിക്കുന്നവൾ.

ഇവരുടെ പേര് താത്രി എന്നായിരുന്നു.

താത്രി……. എന്തെങ്കിലും വിശേഷപ്പെട്ട ദൂതുമായി ആഗതയായതാണോ?

ബ്രഹസ്പതി അവരോടായി ചോദിച്ചു.

അതേ സർവ സൈന്യാധിപാ……. ഒരു ദുഃഖ വാർത്ത അറിയിക്കുവാനുണ്ട്.

ഉണർത്തിച്ചാലും

ബ്രഹസ്പതി ആവശ്യപ്പെട്ടു.

സർപ്പ രാജകുമാരി രുദ്രരൂപ ഭൂമിയിൽ പ്രവേശിച്ചിരിക്കുന്നു…… ഒപ്പം അനുയോജ്യമായ ഒരു മനുഷ്യ ഉടൽ കണ്ടെത്തി അതിൽ അഭയം കൊണ്ടിരിക്കുകയാണ്.

അതുകേട്ട എല്ലാവരും ഞെട്ടി വിറച്ചു.

അസംഭവ്യം

ബ്രഹസ്പതി അറിയാതെ അലറിപ്പോയി.

സത്യസന്ധമായ ദൂത് തന്നെയാണിത് സൈന്യാധിപാ…….. കരിനാഗ രാജകുമാരന്റെ വരവ് എല്ലായിടത്തും കാട്ടുതീ പോലെ പടർന്നിരിക്കുന്നു……. അതിനാൽ രാജകുമാരനെ വധിക്കുക എന്നത് തന്നെയാണ് സർപ്പ രാജകുമാരിയുടെ ലക്ഷ്യം.

താത്രി പറയുന്നത് കേട്ട് എല്ലാവരും തളർന്നുപോയി.

പ്രത്യേകിച്ചും മാദ്രിയമ്മ.

ദൂത് അറിയിച്ചു കഴിഞ്ഞതും താത്രി വിട ചൊല്ലി.