?കരിനാഗം 15?[ചാണക്യൻ] 394

അയാളുടെ ചുണ്ടുകൾ പൊട്ടി കടവായിൽ നിന്നും ചോര ഉതിർന്നു.

മുൻനിരയിലെ പല്ലുകൾ പൊട്ടിപ്പോയി.

കണ്ണ് കറുപ്പ് നിറത്തിൽ തടിച്ചു വീർത്തു.

കവിളിൽ എങ്ങും പോറലുകളും ചുവന്ന തിണിർപ്പുകളും മാത്രം അവശേഷിച്ചു.

സാബുവിന്റെ ഞെരക്കം മാത്രം കേൾക്കാമായിരുന്നു.

സാബുവിനെ അവിടെ തന്നെ ഉപേക്ഷിച്ചു മഹി കടന്നു കളഞ്ഞു.

തിരികെ ജീപ്പിന് സമീപം എത്തിയതും മഹി ആകെ അവശനായി.

എങ്ങനെയൊക്കെയോ ജീപ്പിൽ കയറി മുന്നോട്ടേക്ക് ഓടിച്ചു.

തളർന്നു പോകാതെ പിടിച്ചു നിന്ന് അവൻ ജീപ്പ് ഓടിച്ചു.

അവസാനം വീട്ടിലെത്തിയതും അവിടെ റോസ്മേരിയുടെ സ്കൂട്ടി കിടപ്പുണ്ടായിരുന്നു.

അവൾ തിരികെ വന്നെന്ന ധാരണയിൽ മഹി ഒച്ചയുണ്ടാക്കാതെ വാതിൽ തുറന്ന് ഉള്ളിലേക്ക് കയറി.

ശേഷം സ്വന്തം റൂമിലേക്ക് പോയി രക്തം പറ്റിയ ബനിയനും ഷോർട്സും ഊരി കളഞ്ഞു ദേഹത്തെ മുറിവിലെ ചോര തുടച്ചു മാറ്റി.

നനഞ്ഞ തുണി കൊണ്ട് ഉണങ്ങിയ ചോരക്കറകൾ തുടച്ചു മാറ്റിയ ശേഷം മഹി പയ്യെ ബെഡിലേക്ക് കിടന്നു.

കിടന്ന കിടപ്പാലെ അവൻ മയങ്ങിപോയിരുന്നു.

ഈ സമയം മഹിയുടെ കട്ടിലിന്റെ തലക്കൽ ഉള്ള ഡെസ്കിൽ നിന്നും ട്രാവൽ ബാഗ് അവന്റെ ശിരസ്സിന് സമീപം വന്നു വീണു.

അതിൽ നിന്നും ചിന്താമണി രത്നം പുറത്തേക്ക് തെറിച്ചു.

കണ്ണഞ്ചിപ്പിക്കുന്ന ശുഭ്ര വെളിച്ചം അവിടെ പരന്നു.

അതോടൊപ്പം ആ പ്രകാശമേറ്റ് മഹിയുടെ ബോഡിയിലെ മുറിവുകളും ചതവുകളും യ്യെ മാഞ്ഞു പോയി.

ഇപ്പൊ അവന്റെ ശരീരത്തിൽ യാതൊരു വിധ മുറിവികളോ ചതവുകളോ ഇല്ലാ.

മഹിയ്ക് നല്ലൊരു മയക്കം പ്രാപ്തമാക്കികൊണ്ട് ആ ചിന്താമണി രത്നം കൂടുതൽ ശോഭയോടെ വെട്ടിത്തിളങ്ങി.

——————————————————–

രാവിലെ വൈകിയാണ് മഹി ഉറക്കമെണീറ്റത്.