💮ഗൗരീശങ്കരം 11💮

GauriShankaram Part 11| Author : Sai

[ Previous Part ]

 

കഥയ്ക്കു മുൻപ് ഒരു കുറിപ് എഴുതുന്നത് ആദ്യമായിട്ടാണ്…..

ഈ കഥ വായിക്കുന്നവരോട് ഒരു വാക്ക്…..🙏🙏🙏🙏

വർഷങ്ങൾക് മുൻപ് തോറ്റു പോയി തുടങ്ങി എന്ന് എനിക്ക് തന്നെ തോന്നി തുടങ്ങിയ നാളിൽ സ്വയം ജയിച്ചു എന്ന് തോന്നിപ്പിക്കാൻ എഴുതിയ ഒരു കഥയാണ് ഇത്….

ഇതിലെ പല കഥാപാത്രങ്ങളും ഞാൻ എന്നെ തന്നെ മനസ്സിൽ കണ്ട് എഴുതിയതാണ്… അവരിലൂടെ ജയിച്ചു കയറാൻ….

മനു, അജു, ദേവൻ, നന്ദു എന്നീ നാല് സുഹൃത്തുക്കളുടെയും അവരുടെ പ്രിയപെട്ടവരുടെയും

🌹 കഥ ഇതുവരെ……..🌹

കുറച്ചേറെ കാലത്തിനു ശേഷം മനു തന്റെ നാട്ടിലേക് തിരിച്ചു വരുന്ന ഇടത്തു നിന്നാണ് കഥ ആരംഭിക്കുന്നത്…. തറവാട്ടിലെ ഉത്സവം കൂടാനും ഒപ്പം അവന്റെ എല്ലാമായിരുന്നവളെ കാണാനും….

ട്രെയിൻ യാത്രയിൽ മനു തന്റെ ഭൂതകാലത്തേക് കൂടി യാത്ര പോവുകയാണ്….

കോളേജ് ആദ്യ ദിവസം, റാഗിങ്ങിന്റെ ഇടയിൽ ആണ് മനു അജുവുമായി കൂട്ടു കൂടുന്നത്….. ആ സൗഹൃദം എല്ലാ തലത്തിലേക്കും വളർന്നു…. പൊതുവെ അന്തർമുഖനായിരുന്ന അജു മനുവിന്റെ കൂട്ടുകെട്ടിലൂടെ പുതിയൊരു മനുഷ്യൻ ആവുകയായിരുന്നു… ഈ മാറ്റം ഏറ്റവും കൂടുതൽ സന്തോഷിപ്പിച്ചത് അജുവിന്റെ അനിയത്തിയായ അമ്മുവിനെയാണ്… അമ്മുവിൽ മനുവിനോട് പ്രണയം തോന്നാൻ അതും ഒരു കാരണമായി….

പ്രയണയത്തേക്കാൾ വലുതാണ് സഹോദര സ്നേഹം എന്ന് മനസിലാക്കി കൊടുക്കാൻ മനുവിനു കഴിയുന്നിടത്തു അമ്മുവിന് സഹോദരങ്ങൾ രണ്ടായി….😍

ഓർമകളുടെ ഭാണ്ഡകെട്ടുമായി മനു കോഴിക്കോട് റെയിൽവേ സ്റ്റേഷനിൽ വന്നിറങ്ങി… അന്നും ഒരു ഹർത്താൽ ദിവസമായിരുന്നു…..

അജുവിന്റെ വീട്ടിൽ എത്തി ഒന്ന് ഫ്രഷ് ആയി മനു ക്ഷീണം ഉറങ്ങി തീർത്തു…..

ഉറക്കം ഉണർന്നപ്പോൾ ആർക്കോ വേണ്ടി ഒരു ബ്ലഡ് ഡോണറെ തിരയുന്ന അജുവിനെയാണ് മനു കണ്ടത്…. മനു തന്റെ പഴയ സൗഹൃദങ്ങളിലൂടെ ഡോണറെ ഏർപ്പാടാക്കി കൊടുത്തു…. പിന്നീടാണ് അത് തനിക് പ്രിയപ്പെട്ട താൻ സഹോദരിയെ പോലെ സ്നേഹിച്ച ദേവൂട്ടിക്ക് വേണ്ടി ആണെന്ന് മനസിലായത്… ആക്സിഡന്റിൽ പെട്ട് ആശുപത്രിയിൽ കിടക്കുന്ന ദേവൂട്ടിയെ കാണാൻ ആഗ്രഹം ഉണ്ടെങ്കിലും അവരെ ഫേസ് ചെയ്യാൻ ഉള്ള ബുദ്ധിമുട്ടിൽ മനു അജുവിനെ വിവരങ്ങൾ അന്വേഷിക്കാൻ പറഞ്ഞു വിടുന്നു…

അന്ന് വൈകിട് മനു കുഞ്ഞമ്മാവന്റെ കുടുംബത്തോടൊപ്പം തറവാട്ടിലേക് യാത്ര പുറപ്പെട്ടു…. കാവിലെ ഉത്സവാഘോഷങ്ങൾ മനുവിന്റെ ഓർമ്മകൾ അവന്റെ ശ്രീക്കുട്ടിയിലേക്ക് കൊണ്ടുപോയി… ഇതുപോലൊരു ഉത്സവരാത്രിയിലാണ് ആ കരിമഷി കണ്ണുകൾ അവന്റെ ഹൃദയത്തിൽ ചേക്കേയറിയത്….❤

രണ്ടു ദിവസത്തെ ഉത്സവത്തിന് ശേഷം മനു മുന്നേ തീരുമാനിച്ച പ്രകാരം ശ്രീക്കുട്ടിയെ കാണാനായി ഇറങ്ങി… കുറച്ചു ദൂരം പിന്നിട്ടപ്പോഴേക്കും മനുവിനെ തേടി ദേവൂട്ടിയുടെ കോൾ വന്നു…. അവളെ കാണാൻ ചെല്ലാത്തതിലുള്ള പരിഭവം അവൾ കരഞ്ഞു തീർത്തു.. ഒപ്പം മനുവിന്റെ മനസ്സിലും മഞ്ഞുരുകി…..🙂

ദേവൂട്ടിയുടെ കോൾ മനുവിൽ ദേവന്റെ ഓർമകളെ ഉണർത്തി….