💮 ഗൗരീശങ്കരം 11 💮 [Sai] 1947

“ഞാൻ പറഞ്ഞത് സത്യമാ… പക്ഷെ മുഴുവൻ സത്യവും പറഞ്ഞിട്ടില്ല…..
എന്റെ അടുത്ത് നിന്നും ശ്രീക്കുട്ടിയെ പിടിച്ചു വലിച്ചു കൊണ്ടുപോയ അവനെ പാതി ബോധത്തിലും ഞാൻ കണ്ടതാ….. ”

“ആ റെസ്റ്ററന്റിൽ വെച് അവൻ ശ്രീക്കുട്ടിയുടെ ദേഹത്ത് ഇടിച്ചതിനു ഞങ്ങള് തമ്മിൽ വാക്കു ആയതാ… അവന്റെ മുഖം എനിക്ക് നല്ല ഓർമ ഉണ്ട്….”

“ആരാ അവൻ?”

“ആരാ ഏതാ എവിടുന്നാ…. ഒന്നും അറീല…. ആ മുഖം മാത്രം അറിയാം…
പക്ഷെ എനിക്ക് ഒന്നും ചെയ്യാൻ പറ്റില്ല…. ഇപ്പൊ ഞാൻ എന്തെങ്കിലും ചെയ്താൽ ആ വീഡിയോസ്…. വേണ്ട…..”

“വേണ്ടടാ…. അവളെ ഇനിയും പിച്ചി ചീന്താൻ നമ്മളായിട് ഇടയാക്കണ്ട…..”

മൂന്ന് ദിവസം കഴിഞ്ഞു മനുവിനെ വീണ്ടു വിളിപ്പിച്ചു…. മനുവും ശ്രീക്കുട്ടിയും പോയ വഴിയേ പോലീസും പോയിരുന്നു… മനു പറഞ്ഞ കാര്യങ്ങളൊക്കെ ശരിയാണെന്നു അവർക്ക് ബോധ്യപ്പെട്ടു…. ആ ഫുഡ് കോർണറിലെ കാര്യം ഒഴികെ….

കഴിഞ്ഞ പത്തു വർഷമായി ആ ഹോട്ടൽ നടത്തി വരുന്നത് ഒരു കന്നടക്കാരനാണ്… അവിടുത്തെ ജോലിക്കാരിൽ ഒരാൾ പോലും മലയാളിയോ മലയാളം അറിയുന്നവരോ ഇല്ല…. പിന്നെ ഈ സംഭവം നടന്നു എന്ന് പറയുന്ന ദിവസത്തിനു രണ്ടു ദിവസം മുൻപ് നടന്ന ഒരു ആക്സിഡന്റിൽ പെട്ടു കട ബാഗികമായി തകർന്നത് കൊണ്ട് ഒരാഴ്ച അവർ കട തുറന്നിട്ടില്ല എന്ന്….😑

മനു അന്നേ ദിവസം റെസ്റ്ററന്റിൽ വെച്ചു എടുത്ത സെൽഫി അവർക്കു കാണിച്ചു കൊടുത്തു…..

പിന്നെയും രണ്ടു പ്രാവശ്യം മനുവിനെ വിളിപ്പിച്ചു…. പക്ഷെ തെളിവുകളുടെ അഭാവത്തിൽ കേസ് ഒരു ഇഞ്ചു പോലും മുന്നോട്ട് പോവാതെ മറ്റനേകം തെളിയിക്കപ്പെടാത്ത കേസുകളുടെ കൂട്ടത്തിൽ ഒന്നായി കിടന്നു…..
*******************************************

അജുവിന് കോഴിക്കോട് കോർപറേഷനിൽ LDC ആയി പോസ്റ്റിങ് ലഭിച്ചു……. അജു ജോലിക്കു പോയി തുടങ്ങിയതോടെ മനു വീണ്ടും ഒറ്റയ്ക്കായി….. വായനയും സിനിമയുമൊക്കെ ആയി ഒന്ന് രണ്ടു ആഴ്ച തള്ളി നീക്കിയെങ്കിലും ഒടുവിൽ അത് മടുത്തപ്പോൾ നേരെ ചെന്നൈക്ക്🚞 വെച്ചു പിടിച്ചു…. അവിടെ സഞ്ജുവിന്റെ കൂടെ കുറച്ചു നാൾ ചിലവഴിക്കാനായിരുന്നു ഉദ്ദേശം…..

സഞ്ജുവിന് ഫൈനൽ ഇയർ പ്രൊജക്റ്റിന്റെ സമയം ആയിരുന്നു…. അതുകൊണ്ട് തന്നെ സഞ്ജു രാവിലെ ബിസി ആണ്… ഉച്ചക് ശേഷമുള്ള സമയം രണ്ടു പേരും ചെന്നൈ മുഴുവൻ കറക്കം ആയിരുന്നു പരിപാടി🏍️…… വൈകിട്ട് ലെച്ചുവും സഞ്ജുവും മനുവും കൂടി പാചകവും സിനിമയും ഒക്കെ ആയി കളർ ആക്കി….

ചെന്നൈ പട്ടണം ഏകദേശം ഒരു ഐഡിയ ആയപ്പോൾ പിന്നീടുള്ള ദിവസങ്ങളിൽ മനു ഒറ്റയ്ക്കു ആയി കറക്കം….🚎

ഒരു ദിവസം രാത്രി ഏറെ വൈകി ആണ് മനു ഫ്ലാറ്റിലേക് വന്നത്…. മനുവിനെയും കാത്തു ലെച്ചുവും സഞ്ജുവും നിൽപുണ്ടായിരുന്നു….

ആടി ആടി നാല് കാലിൽ വന്ന മനുവിനെ കണ്ട് സഞ്ജുവും ലെച്ചുവും അമ്പരന്ന് പോയി…. ഒരക്ഷരം പോലും പറയാതെ സഞ്ജു മനുവിനെ പിടിച്ചു റൂമിൽ കൊണ്ട് പോയി കിടത്തി…..

പിറ്റേ ദിവസം രാവിലെ ചായയുമായി☕️ മനുവിനെ വിളിക്കാൻ ചെന്ന ലെച്ചുവിന് ഒരു കത്തു മാത്രമാണ് കാണാൻ കഴിഞ്ഞത്…

ഒരു യാത്ര പോകുന്നു… എന്നെ തിരക്കി വരണ്ട… മനസ്സ് സ്വസ്ഥമാവുമ്പോൾ ഞാൻ തിരിച്ചു വരും….

തുടരും……
Nb:- സ്പെയിസിങ് ഇടുന്നത് പേജ് കൂട്ടാൻ അല്ല 🙏… പേജ് എണ്ണം നോക്കി ഞാൻ കഥ ഇടാറില്ല…. ഒരു ഡയലോഗ് സീകുൻസ് കഴിയുമ്പോ അല്ലെങ്കിൽ എന്തെങ്കിലും ഒരു വ്യത്യാസം വരുമ്പോൾ ആണ് സ്പേസ് ഇടുന്നത്… ഈ പാർട് മുതൽ അത് ഒഴിവാക്കിയിട്ടുണ്ട്….