💮 ഗൗരീശങ്കരം 11 💮 [Sai] 1947

മനുവിന്റെയും അജുവിന്റെയും ക്ലാസ്സിലേക്ക് വൈകി വന്ന അഡ്മിഷൻ ആണ് ദേവൻ….. കേരളം മുഴുവൻ വ്യാപിച്ചു കിടക്കുന്ന പി ആർ ഗ്രൂപ്പ് ന്റെ അമരക്കാരൻ…

ദേവന്റെ കഥ തുടങ്ങുന്നത് അതിനും കുറച്ചു വർഷങ്ങൾക്ക് മുൻപാണ്….

പ്ലസ് ടു ഒന്നാം റാങ്കോടെ പാസ് ആയ ദേവൻ ഒരു വർഷം നാട് ചുറ്റാൻ ഇറങ്ങി…. അതിനു പൂർണ പിന്തുണയുമായി ദേവന്റെ അച്ഛൻ പി ആർ എന്ന പറയ്ക്കൽ റാംദാസ്….

ഒരു വർഷത്തെ നാട് ചുറ്റലിനു ശേഷം തിരിച്ചെത്തിയ ദേവൻ ബികോം നു ജി വി കോളേജിൽ അഡ്മിഷൻ എടുത്തത് ചില പദ്ധതികളോടെയാണ്….😎

എതിർ പാർട്ടിക്കാരുടെ സ്വൈര്യ വിഹാര കേന്ദ്രം ആയിരുന്നു ജി വി കോളേജ്… അവരുടെ നേതാവായിരുന്നു രൂപേഷ്…

വ്യക്തിപരമായി രൂപേഷ് നല്ല ഒരു വ്യക്തിയായിരുന്നെങ്കിലും പാർട്ടിക്ക് വേണ്ടി എല്ലാ കൊള്ളരുതായ്മകൾക്കും സപ്പോർട്ട് ചെയ്ത് നിൽകുമായിരുന്നു….

പ്ലസ്ടു കാലത്തിൽ തന്നെ ദേവൻ മികച്ച സഖാവായി പേരെടുത്ത ആളായിരുന്നത് കൊണ്ട് ആദ്യ ദിവസം തൊട്ടേ ദേവൻ സീനിയേർസിന്റെ നോട്ട പുള്ളി ആയിരുന്നു… പക്ഷെ ദേവന്റെ സ്വാധീനവും ശക്തിയും അറിയുന്നതിനാൽ നേരിട്ട് ഒരു ഏറ്റുമുട്ടലിനു ആരും തന്നെ തയ്യാറായില്ല….

ദേവൻ പ്ലസ്ടു പഠിക്കുമ്പോ ജൂനിയർസ് ആയിരുന്ന ആരവും അർജുനും കോളേജിൽ ദേവന്റെ ഒപ്പം ആയിരുന്നു… അവർ മുഖേനയും അല്ലാതെയും ദേവൻ അവരുടെ പക്ഷത്തേക് ആളെ ചേർത്ത് കൊണ്ട് എതിർ പക്ഷത്തുള്ളവർക് എതിരെ പടയൊരുക്കം തുടങ്ങിയിരുന്നു.. ആരും അറിയാതെ…..😎😎

ഹോസ്റ്റലിലും കോളേജിലും പോലീസ് നടത്തിയ പരിശോധനയിൽ കഞ്ചാവ് ഉൾപ്പടെയുള്ള ലഹരി മരുന്നുകൾ പിടിച്ചെടുക്കുകയും ജി കെ എന്ന ഗോവിന്ദ കമ്മത്ത്, രൂപേഷിന്റെ സുഹൃത്തുക്കൾ, കോളേജ് പ്രിൻസിപ്പാലിനെയും അറസ്റ്റ് ചെയ്യുകയും ചെയ്തു…. തൊട്ടു മുന്നത്തെ വർഷം രൂപേഷിനെയും കൂട്ടരേയും ചോദ്യം ചെയ്തതിനും അവർക്കെതിരെ ഇലക്ഷനിൽ മത്സരിക്കാൻ നിന്നതിനും അവർ അപകടത്തിൽപ്പെടുത്തി അരയ്ക്ക് കീഴ്പോട്ട് തളർത്തിയ ദേവന്റെ സുഹൃത്തും സഖാവും ആയ നീനുവിനുള്ള വരവേൽപായിരുന്നു ഈ അറസ്റ്റുകൾ…..

ജയിൽ വാസത്തിനു ശേഷം ഒളിവിൽ ഇരുന്നു കൊണ്ട് ജി കെ യും കൂട്ടരും ദേവനെ ഇല്ലാതാക്കാൻ ഉള്ള പ്ലാനിംഗ് ആരംഭിച്ചു…. രൂപേഷിന്റെ വീടായിരുന്നു അവർ ഒളിവിൽ പോകാൻ ഉപയോഗിച്ചത്….

ദേവൻ നടത്തിയ അന്വേഷണത്തിൽ ജി കെ യും കൂട്ടരും രൂപേഷിന്റെ വീട്ടിൽ ഉണ്ടെന്നു അറിയാൻ കഴിഞ്ഞു… ഒപ്പം, അവർ രൂപേഷിന്റെ അനിയത്തിയോട് വീട്ടിൽ വെച് ചെയ്ത അതിക്രമത്തെ കുറിച്ചും അറിഞ്ഞു….

ദേവൻ ഈ വിവരം രൂപേഷിനെ അറിയിച്ചപ്പോൾ ആദ്യം രൂപേഷിനു വിശ്വസിക്കാൻ കഴിഞ്ഞില്ല…. പിന്നീട് അനിയത്തിയുടെ അടുത്ത് നിന്ന് നേരിട്ട് കാര്യങ്ങൾ അറിഞ്ഞപ്പോൾ തകർന്നു പോയി പാവം….😔😔😔

രൂപേഷിലൂടെ ജി കെ യുടെ പ്ലാൻ അറിഞ്ഞ ദേവൻ രൂപേഷിന്റെയും മറ്റുള്ളവരുടെയും സഹായത്തോടെ അതി നാടകീയമായി അവരുടെ പ്ലാൻ പൊളിക്കുകയും വിനുവിനെയും കൂട്ടരേയും കൊലപ്പെടുത്തുകയും ആ കുറ്റം ജി കെ യുടെ മേൽ കെട്ടി വെച്ച് അകത്താക്കുകയും ചെയ്യുന്നു….👌👌👌👌👌

ആ സംഭവത്തിന് ശേഷം കോളേജിലെ രാഷ്ട്രീയാന്തരീക്ഷം അപ്പാടെ മാറി മറിഞ്ഞു…. അക്കൊല്ലം ഇലക്ഷനിൽ ദേവനും രൂപേഷും നേർക്കു നേർ മത്സരിച്ചു….. പക്ഷെ റിസൾട്ട് വരുന്നതിനു മുൻപേ ദേവന്റെ അച്ഛനും സഹോദരനും ആക്സിഡന്റ് പറ്റി ഹോസ്പിറ്റലിൽ ആണെന്ന വിവരം ദേവനെ തേടി എത്തി….😔😔😔

അച്ഛന്റെ വിയോഗത്തിൽ തകർന്നു പോയ അമ്മയ്ക്കു കുടുംബത്തിലും കമ്പനിയിലും തുണയ്കായി ദേവൻ കോളേജ് പഠനം നിർത്തി…..