💞Lovebirds💞(S1-climax)[രാവണാസുരൻ(Rahul)] 337

ഈ ഭാഗം ഇടാൻ താമസിച്ചതിൽ ആദ്യം തന്നെ ക്ഷമ ചോദിക്കുന്നു.മനപൂർവ്വമല്ല ജോലിത്തിരക്ക് കാരണമാണ് ലേറ്റ് ആയത്.
ഇന്ന് രാവിലെ ഇടണം എന്ന് കരുതിയതാണ് പക്ഷെ അവിടെയും സമയം വില്ലനായി.
ഒന്നും മുൻകൂട്ടി മനസ്സിൽ കാണാതെ വായിക്കുക.നിങ്ങളുടെ പ്രതീക്ഷയ്ക്ക് ഉള്ളത് ഉണ്ടോ എന്നറിയില്ല.

ഞങ്ങടെ വണ്ടി കല്യാണവീടിനു മുന്നിൽ നിർത്തി ഞാനും അഞ്ജുവും ബന്ധുക്കളും ഇറങ്ങി.ചെക്കനേയും കൂട്ടരെയും എതിരേൽക്കാൻ അവളുടെ അച്ഛനും അമ്മയും ബന്ധുക്കളും താലവും പൂമാലയും ഒക്കെയായി വന്നു.ഇതെന്താ ഇവര് കാറിൽ നിന്ന് ഇറങ്ങാത്തത് 🤔.ഞാൻ കാറിന് അടുത്തേയ്ക്ക് പോയി.
അപ്പോഴുണ്ട് ദേ അമ്മയും അച്ഛനും ഡോറുതുറന്ന് പുറത്തേയ്ക്കിറങ്ങി.പിന്നിലെ ഡോർ തുറന്നു അവനും കൂടെ ഒരാളും ഇറങ്ങി.ഇതുകണ്ട് എന്റെയും അവളുടെ അച്ഛന്റെയും കൂടെ വന്ന ബന്ധുക്കളുടെയും കണ്ണ് മിഴിഞ്ഞു പോയി 😳

തുടർന്ന് വായിക്കുക…

                      💘LOVEBIRD’S💘
         Author :രാവണാസുരൻ(Rahul)

                         Previous Part

https://imgur.com/gallery/vT8e5jn

ഞങ്ങൾ എല്ലാവരുടെയും കിളി പോയി അവനും വേറൊരുപെൺകുട്ടിയും കാറിൽ നിന്ന് ഇറങ്ങി രണ്ടുപേരും കയ്യിൽ മാലയും ബൊക്കെയും ഒക്കെയായിട്ടാണ് നിൽപ്പ്. ഞാൻ നോക്കിയപ്പോ മഞ്ജിമയുടെ അച്ഛൻ എന്തു പറയണം എന്തു ചെയ്യണം എന്ന് ഒരു പിടിയും ഇല്ലാത്ത അവസ്ഥയിൽ നിക്കുന്നു.

ഇതൊക്കെ കണ്ട് എന്റെ വിധം മാറി.

ടാ നാറി ഒരു പെണ്ണിനെ കല്യാണം ഉറപ്പിച്ചു വച്ചിട്ട് വേറൊരുത്തിയെ കെട്ടിക്കൊണ്ട് വന്നേക്കുന്നോ.എന്ന് ചോദിച്ചു ഞാൻ അവനെ കോളറിന് പിടിച്ചു.

അജു ഏട്ടനെ വിട്ടേ.വിടാനല്ലേടാ പറഞ്ഞത്. എന്തുണ്ടെങ്കിലും സംസാരിക്കാൻ ഇവിടെ ഞാനും നിന്റെ അച്ഛനും ഉണ്ട്.അമ്മ എന്നോട് ദേഷ്യത്തിൽ പറഞ്ഞു

ഞാൻ അവന്റെ മേത്ത് നിന്ന് കയ്യെടുത്തു അമ്മ പറയാൻ കുറച്ചൂടെ താമസിച്ചിരുന്നെങ്കിൽ ചിലപ്പോ ചേട്ടനാണെന്ന് നോക്കാതെ ഞാൻ അവനെ കൈവച്ചേനെ.

നിങ്ങൾ എന്നോട് ക്ഷമിക്കണം എന്റെ മകൻ ഇങ്ങനെ ഒരു കാര്യം ചെയ്യും എന്ന് ഞാൻ കരുതിയില്ല.അവസാന നിമിഷം ആണ് ഞാൻ കാര്യങ്ങൾ അറിയുന്നത്.ഇവളില്ലെങ്കിൽ മോന് ജീവിക്കാൻ പറ്റില്ല എന്ന് പറഞ്ഞപ്പോ ഇത് നടത്തികൊടുക്കാതെ എനിക്ക് വേറെ വഴിയൊന്നും ഇല്ലായിരുന്നു.അച്ഛൻ മഞ്ജിമയുടെ അച്ഛനോട് പറഞ്ഞു

എനിക്ക് ദേഷ്യം കൂടി വന്നു.അവൻ കാരണമാണ് അച്ഛൻ ഇപ്പൊ ഒരാളുടെ മുന്നിൽ തെറ്റുകാരനായി തലകുനിഞ്ഞു നിൽക്കുന്നത്.അച്ഛൻ ഇതിനു മുൻപ് ആരോടും ഇങ്ങനെ സംസാരിക്കുന്നത് ഞാൻ കണ്ടിട്ടില്ല.ഞാൻ അവനെയും അടുത്ത് നിൽക്കുന്നവളെയും തുറിച്ചു നോക്കി.അമ്മയും അച്ഛനും തടയാൻ ഇല്ലായിരുന്നേൽ ഇവനെ ഞാൻ ഇവിടെയിട്ട് തീർത്തേനെ.