💞Lovebirds💞(S1-climax)[രാവണാസുരൻ(Rahul)] 337

അപ്പൊ ഞാൻ പിന്നെയും ശശിയായി ടെൻഷൻ മാറ്റാൻ ആകപ്പാടെ ഉണ്ടായിരുന്ന മുതലാണ് അതും പോയി.രാവിലെ മുതൽ മൊത്തം ആലോചനയാണ് രാവിലെ തുടങ്ങിയ ആലോചന കഴിഞ്ഞപ്പോ ഞാൻ മണിയറയിൽ എത്തി.
ഇതിപ്പോ ഇനി കാര്യങ്ങൾ എങ്ങനെ തുടങ്ങും എന്ന് ആലോചിക്കേണ്ട സമയം ആയി.ഇനി ഈ ആലോചന കഴിയുമ്പോ അവള് ലേബർ റൂമിൽ ആകാതിരുന്നാൽ മതിയായിരുന്നു.

സമയം ഒച്ചിഴയും പോലെ ഇഴഞ്ഞു നീങ്ങി.
അല്ലേലും ആരെയെങ്കിലും കാത്തിരുന്നാൽ സമയം ഇഴഞ്ഞേ പോകു.

എന്റെ അനിയത്തിയും അവളുടെ കുറച്ചു ഫ്രണ്ട്സും കസിൻസും ചേർന്ന് അവളെ റൂമിൽ ആക്കിയിട്ട് പോയി.അവൾ വാതിൽ ലോക്ക് ചെയ്തു തിരിഞ്ഞു എന്റെ നേർക്ക് വന്നു.

എന്റെ കളരി പരമ്പര ദൈവങ്ങളെ കൺട്രോൾ തരണേ.ഈശ്വരാ ഈ അവസ്ഥയിൽ ദൈവങ്ങൾക്ക് പകരം
ബാലൻ k നായരെയും,നമ്പിയാരെയും,ടിജെ രവിയേയും, ഉമ്മറിനെയും ഒക്കെ ആണല്ലോ ഓർമ്മ വരുന്നത്.ദൈവമേ എന്നെ ഒരു വികാര ജീവി ആക്കല്ലേ മനസ്സറിഞ്ഞു പ്രാർത്ഥിച്ചുപോയി.

ഈ ആലോചന ഒക്കെ കഴിഞ്ഞപ്പോൾ അവൾ ഞാനിരിക്കുന്ന കട്ടിലിന്റെ ഒരു ഓരത്ത് വന്ന് എന്നെയും നോക്കി ഇരിക്കുവാ.സുബാഷ് ഈ ആലോചനയും മനഃസാക്ഷിയും പണി തരുവാണല്ലോ.

ഇനിയിപ്പോ എന്ത് ചോദിച്ചു തുടങ്ങും.
ആ എന്തെങ്കിലും പറയാം.

മഞ്ജിമ ഇങ്ങനെ ഒരു ജീവിതം ആയിരിക്കില്ല അല്ലേ സ്വപ്നം കണ്ടത്?താൻ ആഗ്രഹിച്ച ആളുമായല്ലല്ലോ വിവാഹം കഴിഞ്ഞത്.
എനിക്കും പെട്ടന്ന് ഇതൊക്കെ ഉൾക്കൊള്ളാൻ കഴിയുന്നില്ല അപ്പൊ തന്റെ അവസ്ഥ എനിക്ക് മനസ്സിലാകും.
നമുക്ക് പരസ്പരം മനസ്സിലാക്കി ഒരു ജീവിതം നയിക്കാൻ കഴിയും എന്ന് തോന്നുമ്പോൾ ഭാര്യാഭർത്താക്കന്മാരെ പോലെ കഴിയാം അതുവരെ നമ്മുക്ക് നല്ല സുഹൃത്തുക്കളെപോലെ ആകാം എന്തുപറയുന്നു?
താൻ എന്തെങ്കിലും ഒന്ന് പറയെടോ ഞാൻ തന്നെ പിടിച്ചു വിഴുങ്ങാൻ ഒന്നും പോകുന്നില്ല ഇങ്ങനെ എയർ പിടിച്ചിരിക്കാൻ.

ഇതിപ്പോ കമന്ററി പറയുന്നത്പോലെ ആയല്ലോ(ഞാൻ എന്നോട് തന്നെ പറഞ്ഞു )

അജു നമ്മൾ ആദ്യം കണ്ടത് എവിടെവച്ചാ?
മഞ്ജിമ ചോദിച്ചു

ഹാ ഇവൾടെ തൊള്ളയിൽ നാക്കുണ്ടായിരുന്നു അല്ലേ ഞാൻ കരുതി വീട്ടിൽ നിന്ന് ഇറങ്ങിയപ്പോ അവിടെ മറന്നുവച്ചു കാണുമെന്നു.

ഞാൻ തന്നെ ആദ്യം കണ്ടത് അന്ന് പെണ്ണ് കാണാൻ വന്നപ്പോഴാ. ഞാൻ പറഞ്ഞു

അതിന് മുൻപ് എന്നെ കണ്ടിട്ടില്ല? അവൾ ചോദിച്ചു

ഇല്ല.ഞാൻ പറഞ്ഞു

അജു നിനക്ക് എന്നെ ഓർമ്മയേയില്ലേ? അവൾ ചോദിച്ചു

ഈശ്വരാ ഭാവങ്ങൾ മാറിവരികയാണല്ലോ.
ഇതും ആ കുട്ടിപിശാചിനെപോലെ മാടമ്പള്ളിയിലെ മറ്റേ രോഗി തന്നെയാണോ? എന്തായാലും ഒരു സേഫ്റ്റിക്ക് കുറച്ചു നീങ്ങി ഇരിക്കാം.ഞാൻ ഒന്നും അറിയാത്തതുപോലെ അവളുടെ മുഖത്ത് നോക്കിയിട്ട് കുറച്ചു നീങ്ങിയിരുന്നു.