💞Lovebirds💞(S1-climax)[രാവണാസുരൻ(Rahul)] 337

ആ വർഷം അവസാനിച്ചു ജസീംചേട്ടായി ഗൾഫിൽ ഉപ്പയുടെ ബിസിനസ് നോക്കിനടത്താനായി അങ്ങോട്ട് പോയി മരിയ ചേച്ചിയും സാന്റോ ചേട്ടായിയും മുടിഞ്ഞ പ്രേമത്തിൽ ആയിരുന്നല്ലോ ഒരു ജോലി ഒക്കെ വാങ്ങിയിട്ട് കെട്ട് നടത്തിക്കൊടുക്കാം എന്ന് വീട്ടുകാർ പറഞ്ഞു വച്ചു.സന ജസീം പോയതോടെ വിഷമത്തിൽ ആയെങ്കിലും ഇടയ്ക്കിടെ ഉള്ള ഫോൺവിളികൾ അവരുടെ ബന്ധം പിന്നെയും മുന്നിട്ടു കൊണ്ടുപോയി.

അജു പിന്നെയും MBA ക്ക് അവിടെ തന്നെ ചേർന്നു.ആ വർഷം തന്നെ എന്നെ ഇഷ്ടമാണെന്ന് പറയുകയും ചെയ്തു.
ഇതിനിടയ്ക്ക് സന ഉപ്പയ്ക്ക് വയ്യാണ്ടായിട്ടു പഠിപ്പ് നിർത്തി നാട്ടിലേക്ക് പോയി.
പിന്നെ ഞങ്ങൾ രണ്ടുപേരും മാത്രം ഞങ്ങളുടെ പ്രണയം ഞങ്ങളുടെ സ്വകാര്യം ആയിരുന്നു.അത് ആരെയും അറിയിക്കാതെ ഞങ്ങൾ മുന്നോട്ട് കൊണ്ടുപോയി.അങ്ങനെ 2വർഷങ്ങൾ കടന്നുപോയി MBA കഴിഞ്ഞ് അജു നാട്ടിലേക്ക് ഞങ്ങളുടെ ബന്ധം വീട്ടിൽ അറിയിച്ചു എല്ലാവരെയും കൂട്ടി പെണ്ണ് ചോദിക്കാൻ വരാം എന്ന് പറഞ്ഞ് അന്ന് പിരിഞ്ഞതാണ് പിന്നെ കണ്ടത് പെണ്ണ് കാണാൻ വന്നപ്പോൾ.

ഒരു മാസത്തിൽ അച്ഛന് ചെന്നൈലേക്ക് ട്രാൻസ്ഫർ ആയി.ഞങ്ങൾ അങ്ങോട്ട് പോയി.ഇപ്പൊ ഒരു ആറു മാസം മുൻപാണ് പിന്നെയും നാട്ടിൽ വന്നത്.

ആദ്യ പെണ്ണുകാണൽ തന്നെ അജു വന്നപ്പോൾ എല്ലാം വീട്ടുകാരോട് പറഞ്ഞു അവരെയും കൂട്ടി വന്നതാണെന്ന് ഞാൻ കരുതി പക്ഷെ ചേട്ടന് വേണ്ടി പെണ്ണാലോചിച്ചു വന്നതാണെന്ന് മനസ്സിലാക്കിയപ്പോൾ തകർന്നുപോയി ഞാൻ.

ഇതൊക്കെ വിദൂരതയിലേക്ക് നോക്കി നിന്ന് പറഞ്ഞു കഴിഞ്ഞ് കണ്ണുനീർ തുടച്
തിരിഞ്ഞു നോക്കി അജു ബെഡിൽ കിടന്നുറങ്ങുന്നു.എനിക്ക് എന്തെന്നില്ലാത്ത ദേഷ്യവും വിഷമവും വന്നു.ഇപ്പൊ ഒരു അമ്മിക്കല്ലു കിട്ടിയിരുന്നെങ്കിൽ ഇവന്റെ തലയ്ക്കിട്ട് കൊന്നേനെ.അജുവിന്റെ അടുത്തേക്ക് പോയി നോക്കിയപ്പോൾ മൂക്കിൽ നിന്ന് ചോര ഒക്കെ വന്നിട്ടുണ്ട്.എന്ത് ചെയ്യണമെന്ന് ഒരു എത്തും പിടിയും കിട്ടാത്ത അവസ്ഥ.ഞാൻ അവനെ കുലുക്കി വിളിച്ചു.

അജു അജു എഴുന്നേൽക്ക്.അവനു ഒരു അനക്കവും ഇല്ല മേശപ്പുറത്തിരുന്ന ജഗ്ഗിൽ നിന്ന് കുറച്ചു വെള്ളം എടുത്തു അവന്റെ മുഖത്ത് തളിച്ച് നോക്കി അപ്പോഴും ഒരു അനക്കവും ഇല്ല.അപ്പോഴേക്കും ഞാൻ നന്നായി പേടിച്ചിരുന്നു.നേരെ റൂം തുറന്ന് താഴേക്കു പോയി അമ്മ അവിടെ ബന്ധുക്കളോട് സംസാരിച്ചിരിക്കുവായിരുന്നു.എന്റെ മുഖഭാവങ്ങൾ കണ്ടിട്ടാണെന്ന് തോന്നുന്നു അമ്മയുടെ അടുത്ത് ഞാൻ എത്തും മുൻപ് തന്നെ അമ്മ എഴുന്നേറ്റു.

എന്തുപറ്റി മോളെ.അമ്മ ചോദിച്ചു

ഞാൻ ഓടി വന്നതിന്റെ കിതപ്പിൽ ആദ്യം പറഞ്ഞത് അമ്മയ്ക്ക് മനസ്സിലായില്ല.
അമ്മ…… അമ്മ അജു…… അജുന്റെ ബോധം പോയി മൂക്കിന്ന് ചോര ഒക്കെ വന്നു.ഞാൻ എങ്ങനെയൊക്കെയോ പറഞ്ഞൊപ്പിച്ചു

അപ്പോഴേക്കും അച്ഛനും അവിടെ എത്തിയിരുന്നു.

അവർ ഞാൻ പറഞ്ഞത് കേട്ടപാതി കേൾക്കാത്തപാതി റൂമിലേക്ക് ഓടി.
ഞാനും അവർക്ക് പിന്നാലെ പോയി.അമ്മ അജുവിനെ വിളിച്ചു നോക്കി.അപ്പോഴേക്കും അഞ്ജുവും ഏട്ടനും മറ്റ് ബന്ധുക്കളും അങ്ങോട്ട് വന്നു.അച്ഛനും ഏട്ടനും അജുവിനെയും തൂക്കി കാറിൽ കേറി അഞ്ജുവും അമ്മയും കൂടെ കേറി അഞ്ജു ഇതൊക്കെ കണ്ടു കരഞ്ഞോണ്ടാണിരുപ്പ്.എന്റെ അവസ്ഥയും ഏതാണ്ട് അങ്ങനെയൊക്കെ തന്നെയായിരുന്നു അമ്മ എന്നെയും വിളിച്ചു കാറിൽ കേറ്റി.നേരെ ഹോസ്പിറ്റലിലേക്ക് പോയി അജുവിനെ casualty യിലേക്കും അവിടുന്ന് ഐസിയു വിലേക്കും ഷിഫ്റ്റ്‌ ചെയ്തു എനിക്ക് ഒന്നും മനസ്സിലായില്ല.