💞Lovebirds💞(S1-climax)[രാവണാസുരൻ(Rahul)] 337

അളിയാ ചാത്തൻ വരുന്നുണ്ട്. ആ ഓടി വന്നവൻ എല്ലാവരോടുമായി പറഞ്ഞു

എല്ലാവരും പെട്ടന്ന് റാഗിങ്ങ് ചെയ്യാൻ പിടിച്ചു നിർത്തിയ പിള്ളേരെ പറഞ്ഞയച്ചു.കാന്റീന്റെ ഭാഗത്തേയ്ക്ക് പോയി.

അങ്ങനെ രക്ഷപ്പെട്ടു എന്ന സന്തോഷത്തിൽ ഞാനും എനിക്ക് മുന്നേ പെട്ട കുട്ടിയും ക്ലസ്സിലേക്ക് നടന്നു.അവൾ സനഷിഫ്ന റഹ്മാൻ മലയാളി കുട്ടി തന്നെയാണ് എന്റെ ക്ലാസ്സിൽ തന്നെയാണ്.ഞങ്ങൾ ക്ലസ്സിലേക്ക് പോകും വഴിക്ക് തന്നെ നല്ലൊരു സൗഹൃദം കെട്ടിപ്പടുത്തിരുന്നു.

എന്നാലും സന ആരെ കണ്ടായിരിക്കും ഇവന്മാർ ഒക്കെ ഇങ്ങനെ പേടിച്ചോടിയത്.

അത് എനിക്ക് എങ്ങനെ അറിയാം ഞാനും ഇവിടെ ഇന്നല്ലേ വന്നത്.അവൾ മറുപടി പറഞ്ഞു

അങ്ങനെ ആരായിരിക്കും അയാൾ എന്ന ചിന്തയോടെ ക്ലാസ്സിൽ കേറി.

ആദ്യ പീരിയഡ് മായ മിസ്സ്‌ന്റേത് ആയിരുന്നു പുള്ളിക്കാരി നല്ല കമ്പനിയാണ്.ജസ്റ്റ് എല്ലാവരെയും പരിചയപ്പെട്ടു
ഇന്റർവെല്ലിന് ഞാനും സനയും ക്യാന്റീനിലേക്ക് പോകാൻ ഇറങ്ങിയപ്പോ ക്യാന്റീനിൽ പൊരിഞ്ഞ അടി നടക്കുവാ എന്ന് ക്‌ളാസ്സിലെ പിള്ളേര് പറഞ്ഞു.
ആരാ അടിവയ്ക്കുന്നത് എന്ന് കാണാൻ ഞങ്ങൾ അങ്ങോട്ട്‌ പോയി അപ്പോഴുണ്ട് രാവിലെ ഞങ്ങളെ റാഗ് ചെയ്ത ചേട്ടന്മാരെ മൂന്നുപേർ ചേർന്ന് താഴെയിട്ട് ചവിട്ടി കൂട്ടുന്നു.

കാര്യം അന്വേഷിച്ചപ്പോഴാ അറിയുന്നത് രാവിലെ റാഗിങ്ങ് നടത്തിയതിനുള്ള പനിഷ്മെന്റ് ആണെന്ന്.

ചേച്ചി ഇവരൊക്കെ ആരാ?
അടുത്ത് നിന്ന ഒരു ചേച്ചിയോട് ഞങ്ങൾ ചോദിച്ചു

ഫ്രഷേഴ്‌സ് ആണല്ലേ? ചേച്ചി തിരിച്ചു ചോദിച്ചു

അതേ. ഞാൻ മറുപടി കൊടുത്തു

ഇതാണ് ഈ കോളേജിലെ ത്രിമൂർത്തികൾ.
ദേ അവൻ അർജുൻ,ഇത് സാന്റോ,ദാ അവൻ ജസീം മ്മടെ നാട്ടിൽ ഉള്ളവരാ ഇവർ ഉള്ളത്കൊണ്ടാ ഇതുവരെ കോളേജിൽ അലമ്പ് ഒന്നും നടക്കാത്തത്.
പാവങ്ങളാ പക്ഷെ അലമ്പ് കണ്ടാൽ പഞ്ഞിക്കിടാതെ വിടത്തില്ല.പിന്നെ ഞാൻ മരിയ അവരുടെ ഗാങിൽ ഉള്ളതാ.ആ ചേച്ചി ഞങ്ങളോട് പറഞ്ഞു.

ചേച്ചി ഇതിൽ ആരാ ചാത്തൻ? ഞാൻ ചോദിച്ചു

അത് അജുനെ പിള്ളേര് വിളിക്കുന്നതാ.അല്ല നിങ്ങൾക്ക് എങ്ങനെ അറിയാം? മരിയ ചേച്ചി ചോദിച്ചു

അത് ഞങ്ങളെ ഇന്ന് ആ ചേട്ടന്മാർ റാഗ് ചെയ്യാൻ നേരം ഏതോ ഒരു ചാത്തന്റെ പേര് പറയുന്നത് കേട്ടു.സന പറഞ്ഞു

ആ അടിപ്രശ്നം ആയി.മരിയചേച്ചി എന്നെയും സനയെയും റാഗ് ചെയ്തതിൽ നിന്ന് തുടങ്ങിയ പ്രശ്നം ആണെന്ന് പറഞ്ഞു.പ്രിൻസിപ്പൽ ഞങ്ങളെ വിളിച്ചു ചോദിച്ചു ഞങ്ങൾ സപ്പോർട്ട് ചെയ്തതുകൊണ്ട് അജുവിനും ഫ്രണ്ട്സിനും ഒരാഴ്ച്ച സസ്പെൻഷനിൽ ഒതുങ്ങി.
പക്ഷെ അതോടെ ബാക്കി സീനിയർസിന്റെ മുന്നിൽ ഞങ്ങൾ ശത്രുക്കൾ ആയി.പക്ഷെ മരിയചേച്ചി കട്ട സപ്പോർട്ട് ആയിരുന്നു.

അങ്ങനെ മാസങ്ങൾ കടന്നുപോയി
യൂണിവേഴ്സിറ്റി കലോത്സവം വന്നു അജുവിന്റെ ഗാങ് ഒരു ലോവ്സ്റ്റോറി നാടകം ആണ് അവതരിപ്പിക്കാൻ പ്ലാൻ ചെയ്തത് പക്ഷെ നായികയായി അഭിനയിക്കേണ്ട കുട്ടി അന്ന് എന്തോ കാരണം കൊണ്ടു വന്നില്ല അവസാനം മരിയചേച്ചി നായിക റോൾ എന്റെ തലയിൽ വച്ചു.നായകൻ അജു
ഡയലോഗ് നോക്കിയപ്പോഴാ മ്മടെ രമണനും ചന്ദ്രികയും.ചെറിയ ഡാൻസ് പരിപാടികൾ ഒക്കെ അവതരിപ്പിച്ചിട്ടുണ്ടെങ്കിലും ഡയലോഗ് ഉള്ള ഒരു പരിപാടി ആദ്യമായി ആയിരുന്നു.

ഒരുവിധം കുഴപ്പമില്ലാതെ ഡയലോഗ് ഒക്കെ പറഞ്ഞ് അഭിനയിച്ചു.പക്ഷെ അജു അഭിനയിക്കുവായിരുന്നില്ല ജീവിക്കുവായിരുന്നു രമണനായി.
പിന്നെ അന്വേഷിച്ചപ്പോഴാ മനസ്സിലായത് ചാത്തൻ എന്ന പേര് അജുവിന്‌ കിട്ടിയത് കഴിഞ്ഞ വർഷം അഭിനയിച്ച നാടകത്തിലെ റോളിൽ നിന്നായിരുന്നു.പക്ഷെ ആ നാടകത്തോടെ ഞാനും അജുവും കൂടുതൽ അടുത്തു.കാഴ്ചക്കാരായിരുന്ന സനയും ജസീം ചേട്ടനും പുതിയ പ്രണയം ജോടികൾ ആയിമാറി.അങ്ങനെ ഞങ്ങളും അവരുടെ ഗാങിൽ ഉള്ളവരായി.