💞Lovebirds💞(S1-climax)[രാവണാസുരൻ(Rahul)] 337

പിന്നെ മൊത്തം കരച്ചിലും പിഴിച്ചിലും.അതിൽ കുറ്റം പറയാൻ പറ്റില്ല ഒരു പെൺകുട്ടി ജനിച്ചാൽ പിന്നെ മാതാപിതാക്കൾ അവൾക്ക് വേണ്ടി സ്വരുക്കൂട്ടി തുടങ്ങും സമ്പത്ത് മാത്രം അല്ല സൽപ്പേരും കാരണം നല്ല കുടുമ്പത്തിൽ കെട്ടിച്ചയക്കണമെങ്കിൽ.പെൺകുട്ടിയെയും കുടുംബത്തെയും കുറിച്ചുള്ള നാട്ടുകാരുടെ സർട്ടിഫിക്കേറ്റ് വേണമല്ലോ.അത് മാത്രം ആണോ അവളെ ഇന്നത്തെ സമൂഹത്തിലെ കഴുകന്മാരിൽ നിന്ന് സംരക്ഷിച്ചു നിർത്തണം.അവളെ നല്ലകുടുംബത്തിൽ കെട്ടിച്ചയക്കാൻ സ്ത്രീധനം എന്നപേരിലും നല്ലൊരുതുക അതുകൂടാതെ കല്യാണച്ചിലവ്.അവർക്ക് ആകെ കിട്ടുന്ന പ്രതിഫലം അവളുടെ സ്നേഹം സന്തോഷം അത് കാണാൻ വേണ്ടി മാത്രമാണല്ലോ മാതാപിതാക്കൾ കഷ്ടപ്പെടുന്നത് എന്ന് ചിന്തിച്ചപ്പോൾ അറിയാതെ എന്റെ കണ്ണും നിറഞ്ഞു

ഞാൻ അമ്മയേം അച്ഛനേം നോക്കി എല്ലാ മാതാപിതാക്കളും ഒരുപോലെ ആണല്ലോ.മക്കളുടെ സന്തോഷത്തിനു വേണ്ടി അല്ലേ അവർ ജീവിതത്തിന്റെ പകുതിയിൽ കൂടുതൽ കഷ്ടപ്പെടുന്നത്.
അങ്ങനെ ഞാനും സെന്റി അടിച്ചു.
പിന്നെ വീട്ടിൽ റിസപ്ഷൻ ഫോട്ടോ പിടിത്തം എന്റെ ഫ്രണ്ട് ആയത്കൊണ്ട് അധികം ബുദ്ധിമുട്ട് ഉണ്ടായില്ല.

പിന്നെ റൂമിൽ കേറി ഫ്രഷ് ആയി കട്ടിലിൽ വന്നിരുന്നു.ഫസ്റ്റ് നൈറ്റ്‌ പക്ഷെ ഇതിന് ഞാൻ prepared അല്ല അപ്പൊ അവളും അത്പോലെ ആയിരിക്കും.രാവിലെ മുതലുള്ള കാര്യങ്ങൾ ഒന്ന് ആലോചിച്ചു ഒറ്റദിവസംകൊണ്ട് ജീവിതം പോയപോക്കെ രാവിലെ വരെ സിംഗിൾ ടാ എന്നുപറഞ്ഞു വായിന്നോക്കി 10മണിവരെ കിടന്നുറങ്ങി.അമ്മേടെ തൊഴിയും വാങ്ങി നടന്ന ഞാൻ ഇപ്പൊ ഒരു ഭർത്താവായി.
ഇതൊക്കെ ആലോചിച്ചു സമയം പോയത് അറിഞ്ഞില്ല താഴെ നിന്ന് എന്തൊക്കെയോ കലപില കേൾക്കുന്നുണ്ട്.

ആലോചന കഴിഞ്ഞപ്പോഴാ റൂമൊക്കെ ഒന്ന് നോക്കിയത്.ഈശ്വരാ ഇനി റൂം വല്ലതും മാറിക്കേറിയതാണോ.എന്റെ റൂം ഇങ്ങനെയല്ലല്ലോ.ചുറ്റും നോക്കി ദേണ്ടെ ഭിത്തിയിൽ ഞാൻ ചിരിച്ചോണ്ട് കാമറയും പിടിച്ചു നിക്കുന്ന ഫോട്ടം അപ്പൊ ഇത് എന്റെ റൂം തന്നെയാ.എന്നാലും എന്നാ ഒരു മാറ്റമാന്നേ വലിച്ചു വാരി ഇട്ടിരുന്ന തുണികൾ ഒന്നും കാണാനില്ല.അപ്പോഴാ ആ കാര്യം ഓർമ്മ വന്നത് നേരെ ഓടി അലമാരതുറന്ന് അവസാനത്തെ അറയിലെ തുണിയുടെ ഇടയിൽ നോക്കി. അപ്പൊ പിന്നിൽനിന്ന് ശബ്ദം കേട്ടു

മോനെ അജു ഇതാണോ നോക്കുന്നത്.

ഞാൻ തിരിഞ്ഞു നോക്കി ദേണ്ടെ പിശാച് എന്റെ ബക്കാർഡി ലെമനും പിടിച്ചു നിക്കുന്നു.

അജു നീ പെട്ടെടാ പെട്ട് (മറ്റവനാ മനസാക്ഷി)

മോളെ അഞ്ചു ചേട്ടന്റെ കല്യാണം അല്ലേ അപ്പൊ ഫ്രണ്ട്സ് ഒക്കെ വരുമ്പോ കൊടുക്കാൻ വാങ്ങി വച്ചതാ.ഞാൻ പറഞ്ഞു

അപ്പൊ ഇതിന്റെ കാൽഭാഗം നീരാവി ആയിപ്പോയോ അവൾ ചോദിച്ചു

അത്പിന്നെ ടേസ്റ്റ് നോക്കാൻ മ്മടെ ക്യാമറ പിടിക്കാൻ വന്ന അരുൺ കുടിച്ചതാ.ഞാൻ പറഞ്ഞു

പിന്നെ നിന്റെ വായിന്നു രാവിലെ ഇതിന്റെ നാറ്റം എങ്ങനാ കിട്ടിയത്? അവൾ ചോദിച്ചു

അത്പിന്നെ രാവിലെ ദാഹിച്ചിട്ട് ഞാൻ ഒരു നാരങ്ങാവെള്ളം കുടിച്ചായിരിന്നു അതിന്റേതാകും ഞാൻ പറഞ്ഞു.

മോൻ അജു കിടന്നുരുളല്ലേ ഇത് നിന്റെ സ്ഥിരം പണി അല്ലേടാ സത്യം പറ ഇല്ലേൽ ഞാൻ അമ്മയെ വിളിക്കും.അവൾ പറഞ്ഞു

അതുപിന്നെ ലെമൺ എന്നല്ലേ എഴുതിയെക്കുന്നെ അപ്പൊ നാരങ്ങയുടെ ടേസ്റ്റ് ആണോ എന്നറിയാൻ ഞാൻ ഒന്ന് കുടിച്ചു നോക്കിയതാ.നീ ഒന്ന് പോയെ മനുഷ്യൻ ഒന്നാമത് ഇവിടെ ടെൻഷൻ ആയി നിക്കുവാ.ഞാൻ പറഞ്ഞു

അവൾ കുപ്പിയുമായി പുറത്തേയ്ക്ക് പോകാൻ ഒരുങ്ങി.

അല്ല അതുംകൊണ്ട് എവിടെ പോകുവാ? ഞാൻ ചോദിച്ചു

അത് എന്റെ ഫ്രണ്ട് ഇല്ലേ നീതു അവൾക്കും ഇത് നാരങ്ങാ വെള്ളത്തിന്റെ രുചിയാണോ എന്ന് അറിയണമെന്ന് പറഞ്ഞു അവൾക്ക് കൊടുത്തിട്ട് വരാം കേട്ടോടാ കുരങ്ങാ.അതും പറഞ്ഞു കുപ്പിയുമായി അവൾ നാടുവിട്ടു