💞Lovebirds💞(S1-climax)[രാവണാസുരൻ(Rahul)] 337

ഒരാൾ ചുമ്മാ ബോധം പോയതിനൊക്കെ എന്തിനാ ഐസിയു വിൽ ഒക്കെ കൊണ്ട് പോകുന്നത്.കുറച്ചു നേരം അവിടെ ഇരുന്നപ്പോൾ ഡോക്ടർ പുറത്തേയ്ക്ക് വന്നു.

നിങ്ങളോടൊക്കെ എത്ര പറഞ്ഞാലും മനസ്സിലാകില്ല അല്ലേ.അവനോട് പഴയതൊന്നും പറയരുത് ഓർമ്മിപ്പിക്കരുത് എന്ന് ഞാൻ പറഞ്ഞിരുന്നതല്ലേ.ഡോക്ടർ ദേഷ്യത്തിൽ അമ്മയോടും അച്ഛനോടുമായി ചോദിച്ചു

ഞങ്ങൾ ഒന്നും പറഞ്ഞില്ല ഡോക്ടർ.അമ്മ പറഞ്ഞു

ഇല്ല അവന്റെ പഴയകാലത്തിലേക്ക് ഉള്ള തിരിച്ചുപോക്ക് കാരണമല്ലാതെ ഇങ്ങനെ ഒരു അവസ്ഥ വരാൻ വഴിയില്ല.ഡോക്ടർ അതും പറഞ്ഞു തിരിച്ചു ഐസിയു വിലേക്ക് കയറിപ്പോയി

അമ്മേ അജു ഏട്ടന് എന്താ പ്രശ്നം.ഞാൻ ചോദിച്ചു

മോളെ അവനു രണ്ടുവർഷം മുൻപ് ബാംഗ്ലൂരിൽ നിന്ന് വരുന്ന വഴിക്ക് ഒരു ആക്‌സിഡന്റ് പറ്റി അവൻ ഓടിച്ചിരുന്ന ബൈക്ക് ഒരു ലോറിയിൽ ഇടിച്ചു.എന്റെ കുഞ്ഞിനെ തിരിച്ചു കിട്ടിയത് തന്നെ ഡോക്ടർമാരുടെ പരിശ്രമവും ഞങ്ങടെ പ്രാർത്ഥന കൊണ്ടും മാത്രമാണ്.
അവന്റെ തലയ്ക്ക് നല്ല പരിക്ക് പറ്റിയിരുന്നു ആറു മാസത്തോളം അവൻ അബോധാവസ്ഥയിൽ ആയിരുന്നു.പിന്നെ ഒരുപാടു ട്രീറ്റ്മെന്റ്കൾക്ക് ശേഷം ആണ് അവനെ ഞങ്ങൾക്ക് തിരിച്ചു കിട്ടിയത്.എന്നിട്ടും പഴയത്പോലെ ആക്കിയെടുക്കാൻ ഒരുപാടു ചികിത്സകൾ ചെയ്തു.

പക്ഷെ ചികിത്സകൾ അവസാനിക്കാറായപ്പോഴാ അവന്റെ ഓർമകളിൽ ചിലത് മാഞ്ഞുപോയിരിക്കുന്നു എന്ന സത്യം ഞങ്ങൾക്കും ഡോക്ടർമാർക്കും മനസ്സിലായത്.
അങ്ങനെയാ ഞങ്ങൾ ഇപ്പൊ കണ്ട ന്യൂറോളജി ഡോക്ടർ ജേക്കബ് ഐസക്ന്റെ അടുത്ത് എത്തിയത്.അദ്ദേഹം അജുവിന്റെ ഓർമകൾ തിരിച്ചുകൊണ്ടുവരാൻ ഉള്ള ചികിത്സകൾ ആരംഭിച്ചു പക്ഷെ പഴയകാര്യങ്ങൾ പറയുമ്പോൾ ഒക്കെ അവനു തലവേദന വരും ഒന്നുരണ്ടു വട്ടം മൂക്കിൽ നിന്ന് ചെറുതായി ചോരയും വന്നിരുന്നു.

അദ്ദേഹം വഴിയാണ് ഞങ്ങൾ മനസ്സിലാക്കിയത് അവന്റെ തലച്ചോറിലെ ഞരമ്പിൽ ആ ആക്‌സിഡന്റ് കാരണം രക്തം കട്ടപിടിച്ചു അതുകാരണം അവനു പഴയ ചില ഓർമ്മകളിലേക്ക് പോകുമ്പോൾ
തലവേദന ഉണ്ടാകും പിന്നെയും സ്‌ട്രെയിൻ ചെയ്താൽ മൂക്കിൽ നിന്ന് ചോര വരും.പക്ഷെ ഇതിപ്പോ എന്താപറ്റിയത് എന്ന് അറിയില്ല.

ഇതൊക്കെ കേട്ടപ്പോൾ ഞാൻ അറിയാതെ തന്നെ കരഞ്ഞു പോയി.ഞാൻ എന്റെ അജുവിന്റെ അവസ്ഥ മനസ്സിലാക്കാതെ അവനെ കുറ്റംപറയുകയും ഒരുപാട് തെറ്റുധരിക്കുകയും ചെയ്തു.

എന്തിനാ മോള് കരയുന്നത്.പേടിക്കണ്ട അവനു ഒന്നും പറ്റില്ല.അമ്മ പറഞ്ഞു

ഞാൻ കാരണമാ… ഞാൻ കാരണമാ എന്റെ അജുവിന്‌ വയ്യാണ്ടായത്. ഞാൻ കരഞ്ഞുകൊണ്ട് പറഞ്ഞു

മോളിതെന്തൊക്കെയാ പറയുന്നത്? മോള് എന്ത് ചെയ്തു അവനു നേരത്തെ ഇങ്ങനെ ഒരു പ്രശ്നം ഉള്ളതാ അച്ഛൻ ചോദിച്ചു.

എനിക്ക് അജുവിനെ നേരത്തെ അറിയാം ഞങ്ങൾ ഒരേ കോളേജിൽ പഠിച്ചതാ.ഞങ്ങൾ തമ്മിൽ ഇഷ്ടത്തിലും ആയിരുന്നു.കോഴ്സ് കഴിഞ്ഞ് എന്റെ കാര്യം വീട്ടിൽ പറഞ്ഞു സമ്മതം വാങ്ങി വരാം എന്ന് പറഞ്ഞു പോയതാ അവൻ.അതിനു ശേഷം രണ്ടു വർഷം കഴിഞ്ഞ് അന്ന് പെണ്ണുകാണാൻ വന്നപ്പോഴാ ഞാൻ കാണുന്നത്.അപ്പൊ ഞാൻ കരുതി വീട്ടിൽ സമ്മതം വാങ്ങിയിട്ട് വന്നതാകും എന്ന്.പക്ഷെ ഏട്ടന് വേണ്ടിയാണ് പെണ്ണുകാണുന്നത് എന്ന് അറിഞ്ഞപ്പോ അവൻ എന്നെ ചതിച്ചതാണെന്ന ഞാൻ കരുതിയത്.

ഞാൻ അന്ന് വീട്ടിൽ വന്നതും ഇത് പറയാൻ വേണ്ടിയാണ് പക്ഷെ നിങ്ങടെ ഒക്കെ സ്നേഹവും കെയറും കണ്ടപ്പോൾ എനിക്ക് പറയാൻ പറ്റിയില്ല.പക്ഷെ അജുവിന്‌ ഇങ്ങനെയൊക്കെ പ്രശ്നം ഉണ്ടെന്ന് ഞാൻ അറിഞ്ഞിരുന്നില്ല അമ്മ.ഞാൻ പഴയ കാര്യങ്ങൾ ഒക്കെ അവനെ ഓർമ്മിപ്പിച്ചിട്ട എന്റെ അജു ആശുപത്രിയിൽ ആയത്.
അത്രയും എങ്ങനെയൊക്കെയോ പറഞ്ഞൊപ്പിച്ചു പൊട്ടികരഞ്ഞുപോയി ഞാൻ.