??അവൾ രാജകുമാരി – 5 ?? [ ചെകുത്താനെ സ്നേഹിച്ച മാലഖ ] 929

?അവൾ രാജകുമാരി – 6?
[ചെകുത്താനെ സ്നേഹിച്ച മാലാഖ]

Teaser

ഇതേ സമയം ചന്ദ്രമംഗലം എന്ന പ്രദേശത്തിന് സമീപത്തുള്ള മാളിക പോലുള്ള ഒരു വലിയ വീട് …… ആ വീട്ടിലെ ഒരു വലിയ മുറിക്കുള്ളിൽ ഉച്ച ഭക്ഷണം കഴിഞ്ഞ് ചാരു കസേരയിൽ ഇരുന്ന് മയങ്ങുന്ന വൃദ്ധനായ എന്നാൽ പൂർണ്ണ ആരോഗ്യവാനായ ഉറച്ച ശരീരമുള്ള ഒരാൾ . നെഞ്ചിലും നെറ്റിയിലും കൈകളിലും അയാൾ ഭസ്മം പൂശിയിരിക്കുന്നു …. കഴുത്തിൽ ഏലസും അതുപോലെ രുദ്രാക്ഷ മാലയും പൂജിച്ച ചരടുകളും …… നീട്ടി വളർത്തിയ നരച്ച താടിയും മുടിയും . ഒരു ചുവന്ന മുണ്ട് മാത്രമാണ് അയാളുടെ വേഷം ….. അയാളുടെ പേര് ദേവദത്തൻ

ഉറക്കത്തിലായിരുന്ന ദേവദത്തൻ പെട്ടെന്ന് എന്തോ സ്വപ്നം കണ്ടതുപോലെ ഞെട്ടി ഉണർന്നു . അയാളുടെ കണ്ണുകൾ രക്തവർണ്ണമായിരിക്കുന്നു . അയാൾ എന്തോ ചിന്തിച്ചതും ചുവരിൽ ഇരുന്ന പല്ലി ചിലച്ചതും ഒരേ സമയത്തായിരുന്നു . അത് കൂടി കേട്ടപ്പോൾ അയാളുടെ ദേഷ്യം ഇരട്ടിച്ചു , മുഖത്ത് വല്ലാത്ത ഒരു ക്രൂര ഭാവം വന്ന് നിറഞ്ഞു . അയാൾ ചാടി എണീറ്റു കാലുകൊണ്ട് അയാൾ ഇരുന്ന ആ ചാരുകസേര പുറകോട്ട് ചവിട്ട് നീക്കി അത് കുറച്ച് ദൂരം നിരങ്ങി പോയ ശേഷം മറിഞ്ഞ് വീണു . അയാൾ വേഗത്തിൽ ആ മുറിയോട് ചേർന്ന തന്റെ പുജാമുറിക്കുള്ളിലേക്ക് കയറി .

ദേവദത്തൻ പൂജാ മുറിയിൽ കയറിയ ഉടനെ മുൻപിലുള്ള വിഗ്രഹത്തിന് മുന്നിൽ കാലുകൾ മടക്കി നിലത്ത് ഇരുന്ന ശേഷം ഇരുകൈകളും ഇരുകാലുകളുടെ പുറത്ത് വച്ചു . ഒരു ദീർഘ നിശ്വാസത്തിന് ശേഷം കണ്ണുകൾ അടച്ച് അയാൾ ധ്യാനിക്കാൻ തുടങ്ങി . അയാൾ എന്തൊക്കെയോ മന്ത്രങ്ങൾ മൗനമായി ഉച്ഛരിക്കാൻ തുടങ്ങി , ചുണ്ടുകൾ അനങ്ങുന്നതല്ലാതെ ശബ്ദമൊന്നും പുറത്തേയ്ക്ക് വന്നിരുന്നില്ല .

പെട്ടെന്ന് അയാൾ കണ്ണ് തുറന്നു . ആ രക്തവർണ്ണമാർന്ന കണ്ണുകളിൽ ദേഷ്യവും പകയും മാത്രമായിരുന്നു അപ്പോൾ .

” യക്ഷാ…… യക്ഷാ …….. ”

ദേവദത്തൻ അൽപം ദേഷ്യത്തിൽ ഉറക്കെ വിളിച്ചു കൊണ്ട് പൂജാമുറിയ്ക്ക് പുറത്തേക്ക് വേഗത്തിൽ ഇറങ്ങി . ആ വിളികേട്ട് ഒരു യുവാവ് അയാളുടെ മുറിയ്ക്കുളിലേക്ക് കയറി വന്നു . ആ യുവാവ് ആദ്യം തന്നെ ആ മറഞ്ഞ് കിടന്ന ചാരുകസേര ശരിയായ രീതിയിൽ വച്ചു .

” എന്താ ഗുരു ? പറഞ്ഞാലും ”

അയാൾക്കു മുന്നിൽ തലകുനിച്ച് നിന്ന് കൊണ്ട് ആ യുവാവ് ചോദിച്ചു .

” എത്രയും വേഗം നീ കൊട്ടാരത്തിൽ പോയി ചന്ദ്രഹാസനോട് ഇവിടെ എത്താൻ പറയുക . ”

ദേവദത്തൻ അത് പറഞ്ഞതും ആ യുവാവ് ഉടനെ വേഗത്തിൽ മുറിക്ക് പുറത്തേക്ക് പോയി .

” അപ്പൊ എന്റെ കണക്കുകൂട്ടലുകൾ പിഴച്ചില്ല . നീ വന്നു അല്ലേ …… പകരം വീട്ടാൻ ……. ”

ദേവദത്തൻ പല്ലുകൾ ഞെരിച്ച് ദേഷ്യഭാവത്തിൽ സ്വയം പറഞ്ഞ ശേഷം മുന്നിലുള്ള തടികൊണ്ടുള്ള ഒരു മേശയിൽ ശക്തിയായി വലത്തെ കൈ മുറുക്കി ഇടിച്ചു . ആ ഇടിയുടെ ആഘാതത്തിൽ ആ മേശയുടെ ഒരു ഭാഗം അടർന്ന് ദൂരേക്ക് തെറിച്ചു വീണു .

Coming soon