കല്യാണസൗഗന്ധികം

ഭാഗം നാല്

Author: Sai | Previous Part

കല്യാണസൗഗന്ധികം….

കാർ ശൈവയുടെ വീട്ടിൽ എത്തിയപ്പോഴാണ് വിനു ആലോചനയിൽ നിന്ന് ഉണർന്നത്….

“എടാ ഏട്ടാ… ഇറങ്ങുന്നില്ലേ… അതോ കാറിൽ തന്നെ ഇരിക്കാനാണോ പ്ലാൻ…..”

ഉമ്മറത്തു തന്നെ ശൈവുന്റെ അമ്മ അവരേം കാത്തു നിൽപുണ്ടായിരുന്നു….

“യാത്ര ഒക്കെ സുഖയിരുന്നോ മോനെ….”

“ആ അമ്മേ…..”

“പോയി ഒന്ന് കുളിച് ഫ്രഷ് ആവു…. അപ്പോഴേക്കും ഞാൻ ഭക്ഷണം എടുക്കാം….”

പരിചയപ്പെട്ട അന്ന് മുതലേ ശൈവുന്റെ അച്ഛനും അമ്മയും വിനുവിനെ സ്വന്തം മോനെ പോലെ ആണു കണ്ടത്…. അവനും….

ഭക്ഷണം കഴിക്കുമ്പോഴാണ് അച്ഛൻ കയറി വന്നത്….

“നിങ്ങൾ എങ്ങനെയാ പോകുന്നെ… ബസിനു ബുക്ക്‌ ചെയ്തതിനോ…”

“ബസിൽ പോയാൽ ലേറ്റ് ആവും പപ്പാ…. ഞങ്ങൾ കാർ എടുത്ത് പൊക്കോളാം….”

“അയ്യടാ… മോൾടെ പൂതി മനസ്സിൽ വെച്ച മതി…..”

“പ്ലീസ് പാ…..”

“വേണ്ട വേണ്ട… കഴിഞ്ഞ തവണ രണ്ടു ദിവസതേ ടൂർ നും പറഞ്ഞു ഉഡുപ്പിയിലേക്ക് പോയിട്ട് രണ്ടാഴ്ച കഴിഞ്ഞ വന്നേ…. അതും കർണാടക മൊത്തം ചുറ്റി…. അതോണ്ട് ഇപ്രാവശ്യം അത് വേണ്ട.. ഉച്ചയ്ക്ക് ഫ്ലൈറ്റ് ഉണ്ട്‌… ഞാൻ ബുക്ക്‌ ചെയ്തോളാം….”

ടെസ്റ്റും ഡോക്യുമെന്റ് വെരിഫിക്കേഷനും കഴിഞ്ഞ് ഒരു ദിവസം ബാംഗ്ലൂർ മുഴുവൻ കറങ്ങിയിട്ടാണ് തിരിച്ചു വന്നത്…..

****************************