?? സ്വയംവരം 02 ?? 2000

അന്ന് വൈകിട്ട് ഏറ്റവും മാർക്ക് വാങ്ങിയ അഞ്ചു പേരെ ഹെഡ്‌മാഷേ കാണാൻ ചെല്ലാൻ വിളിച്ചു.. ലാസ്‌റ്റ് പിരീഡ് ക്ലാസിൽ കയറാതെ വേഗം പോകാമെന്ന സന്തോഷത്തോടെ ഞാൻ ബാഗും എടുത്തു പോയപ്പോൾ അത് കഴിഞ്ഞു ക്ലാസ്സിൽ കയറാൻ അവൾ ബാഗ് എടുക്കാതെ വന്നു… പക്ഷെ സ്കോളർഷിപ് പരീക്ഷയെ കുറിച്ച് HM ക്ലാസ്സ്‌ എടുത്തു തീർന്നപ്പോളേക്കും നാലര ആയി ബാക്കി പിള്ളേർ എല്ലാം പോയി…

എന്റെ ഭാഗത്തേക്ക്‌ ഒള്ള വഴിയിൽകൂടെ അഞ്ചുപേരിൽ ആ കുരുപ്പ് മാത്രം ഒള്ളു.. അവൾ ബാഗ് എടുക്കാൻ ക്ലാസിൽ കയറുന്ന സമയം കൊണ്ട് ഞാൻ നടന്നു.. സ്കോളര്ഷിപ്പില് അവളെ തോല്പിക്കും എന്ന് മനസ്സിൽ ഉരുവിട്ട് കൊണ്ട്..

നടന്നു നടന്നു മെയിൻ റോഡിൽ നിന്നും ഇടവഴിയിൽ കയറി.. എളുപ്പവഴി ആണ്. ഒരു കിലോമീറ്റർ കൂടി നടന്നാൽ വീടെത്താം.. ഇന്ദുലേഖക്ക് ഈ വഴി പോയാലും എത്താം എങ്കിലും നേരെ പോകുന്നതാണ് എളുപ്പം. അത്കൊണ്ട് ഈ വഴി വരില്ല എന്നൊരു ആശ്വാസം ഉണ്ട്..

പാടത്തിന് നടുവിലൂടെ ഉള്ള വഴിയാണ്.. ഒരു വശത്തു ചെറിയ തോട് ഉണ്ട്. കുറച്ചു കഴിഞ്ഞു വലിയ നില ഇല്ലാത്ത തോടിൽ അത് ചെന്നു ചേരും..

എന്നും ഞാനും ചങ്ക് അശ്വിനും ചെയ്യുന്ന പോലെ ഏറ്റവും ചെറിയ രണ്ടു ചേമ്പില പൊട്ടിച്ചു വെള്ളത്തിൽ ഇട്ടു.. ആദ്യം എത്താൻ ഉള്ളതിൽ ചെറിയ ഇല എനിക്കും വലുത് അവനും.

ആ ഇലകൾക്ക് ഒപ്പം നടക്കുമ്പോൾ ആണ് എന്റെ ശത്രു പതിവ് തെറ്റിച്ചു എന്നെക്കാൾ മാർക്ക് വാങ്ങിയതിന്റെ ഷോ ഓഫിന് ഈ വഴി തന്നെ ഓടി വന്നത്..

ഓടി എന്റെ മുന്നിൽ കയറിയ അവൾ എന്നെ തോൽപ്പിച്ചതിന്റെ അഹങ്കാരം കാട്ടാൻ എന്റെ മുൻപിൽ കയറി എനിക്ക് പുറം തിരിഞ്ഞു ഡാൻസ് കളിച്ചു..

ഒരു നിമിഷത്തെ അശ്രദ്ധ.. ഡാൻസിനിടെ അവളുടെ കാൽ വഴുക്കി നേരെ തോട്ടിലേക്ക്.. വീഴാതിരിക്കാൻ പണ്ടെന്നോ കമ്പിവേലി കെട്ടിയ തൂണിൽ പിടിക്കാൻ അവൾ ഒരു ശ്രമം നടത്തി.. പക്ഷെ ആ തൂണിൽ അപ്പോളും അവശേഷിച്ച ദ്രവിച്ച കമ്പിവേലിയിലൊന്നിൽ കുരുങ്ങിയ അവളുടെ മെറൂൺ യൂണിഫോം പാവാട മാത്രം വെള്ളത്തിൽ വീണില്ല….