?? സ്വയംവരം 02 ?? 2000

അച്ഛനും കളിയാക്കിയപ്പോൾ ഞാൻ അച്ഛനെ തല്ലി…

“അവളെന്റെ ബെസ്റ്റ് ഫ്രണ്ടാട്ടോ അച്ഛാ….”

വീട്ടിൽ എത്തിയപ്പോൾ നിത്തു എന്നെ കാണിച്ച് കൊതിപ്പിച്ചു ചോക്ളേറ്റ് കഴിച്ചപോളോക്കെ എന്റെ ചോക്ളേറ്റ് കഴിക്കാൻ ത്വര ഉണ്ടായെങ്കിലും എല്ലാം അടക്കി വച്ചു. പിറ്റേന്ന് സ്കൂളിൽ എത്തുന്നത് വരെ..

കിടന്നപ്പോളെല്ലാം ഞാൻ ഘോരഘോരം ചിന്തയിലായിരുന്നു.. അവളെ ഫ്രണ്ട് ആക്കണോ ലവ് ആക്കണോ.. പത്താം ക്ലാസിലെ സുഭാഷും തുളസിയും ലവ് ചെയ്തു അടുത്ത ദിവസം അടിച്ചുപിരിഞ്ഞതും ഒമ്പത് ബിയിലെ സന്ദീപ് എട്ട് എഫിലെ ഗോപികയോട് ലവ് പറഞ്ഞതിന് ടീച്ചർ വീട്ടീന്ന് ആളെ വിളിച്ചതും ഫ്രണ്ട് ആക്കാൻ എന്നെ പ്രേരിപ്പിച്ചു…. അതുകൊണ്ടു ഫ്രെണ്ട്സിനോട് ലവ്വിനെ കുറിച്ച് വീരവാദം പറയാനുള്ള അവസരം വേണ്ടെന്ന് വയ്‌ക്കേണ്ടി വന്നു എനിക്ക്.

പിറ്റേന്ന് സ്‌കൂളിലെത്തി ആരും കാണാതെ അവൾക്ക് ചോക്ളേറ്റ് നല്കിയപ്പോ അവൾ വാങ്ങിയില്ല..

“എന്തിനാ നീ കണ്ണനെ തല്ലിയെ? നല്ല കുട്ട്യോള് തല്ല് കൂടാമ്പാടില്ല.”

‘അതവൻ നമ്മ ലവ് ആണോന്ന് ചോയ്ച്ചു. അതോണ്ടാ..”

പെട്ടെന്ന് ഇന്ദുവിന്റെ മുഖത്ത് ഒരു നാണം ഒക്കെ വിരിഞ്ഞു… അല്ലെങ്കിൽത്തന്നെ ഈ ആഴ്ച അവളുടെ മുഖം അൽപ്പം തുടിച്ചു തിളങ്ങുന്നുണ്ട്..

“അയിന് നീയെന്തിനാ തല്ല് കൂടിയേ??”

“നീയെന്റെ ബെസ്റ്റ് ഫ്രണ്ടല്ലേ.. അപ്പൊ അങ്ങനെ പർയാമ്പാടുണ്ടോ?”

“എന്നാലും തല്ല് കൂടണ്ടാർന്നു. അവനോടു കൂട്ടായിട്ട് വന്നാ മതി ചോക്കലേറ്റ് തരാൻ..”

“അയിന് വഴക്ക് ഇന്നലെയെ തീർന്നു. രാത്രി ചോക്ളേറ്റ് അവനു കൊണ്ടോടുത്തു.. ദേ ഇപ്പൊ വിള്ക്കാംലോ…..”

പുറത്തു കളിച്ചുനടന്ന അവനെ വിളിച്ചു അവൻ വന്നപ്പോൾ ഫൈവ് സ്റ്റാർ പകുതി ഇന്ദു എടുത്തു ബാക്കി എനിക്കും കണ്ണനും ആയി നൽകി.. ഞങ്ങൾ രണ്ട് പേർക്ക് ഇടയിലേക്ക് മൂന്നാമൻ ആയി അവനും ചേരുകയായിരുന്നു അതോടെ..