💕 രുദ്ര 💕2 [🇭 🇦 🇷 🇱 🇾 ] 424

“”””നിന്റെ കണ്ണില് ഞാൻ ചുമ്മ നിക്കുന്നതായി കാണുന്നോ….?? എനിക്കിവിടെയൊരു നൂറ് കൂട്ടം പണിയുണ്ട് ചെക്കാ., നീ ചുമ്മാ നിക്കുവല്ലേ പോയി നോക്കിട്ടും വാ….””””

“””””ഇവരെ കൊണ്ട് ഞാൻ…..,.,,.,””””

മടി പിടിച്ച മനസ്സുമായി മേളിൽ കേറി കൊപ്ര നോക്കി. അവര് നോക്കാനല്ലേ പറഞ്ഞുള്ളൂ, വേറൊന്നും പറഞ്ഞില്ലല്ലോ ഒന്ന് കണ്ണോടിച്ച ശേഷം താഴേക്ക് ഇറങ്ങാൻ ഒരുങ്ങുമ്പഴാണ് ആ കാഴ്ച കറങ്ങി തിരിഞ്ഞെന്റെ കണ്ണിൽ തന്നെ വന്ന് പതിഞ്ഞത്.

തെക്കൻ പുളിയന്മാവിന്റെ ചോട്ടിൽ മുത്തച്ഛന്റെയും മുത്തശ്ശിയുടേം ആൽത്തറയിൽ നിൽക്കുന്ന അവളേം അമ്മയേം…..!!

“””””എന്റെ പൊന്ന് മുത്തച്ഛ, അവളിന്നും വന്നെങ്കിലും എനിക്കങ്ങോട്ട് ഒന്നും പറയാൻ പറ്റിയില്ലന്നേ….!!””””

“”””എടാ മക്കളെ നീ കൂടുതൽ ഒന്നും ആലോചിക്കണ്ടാ, ആരേം പേടിക്കേം വേണ്ട. നിനക്കറിയോ….. നിന്റെ മുത്തശ്ശിടെ വീട്ടിൽ ചെന്ന് അവൾടെ മുഖത്ത് നോക്കിയ ഞാനെന്റെ ഇഷ്ടം തുറന്ന് പറഞ്ഞ തന്നെ. അപ്പൊ എന്റെ കൊച്ചുമോൻ ഇങ്ങനെയായലോ…..??””””