💕 രുദ്ര 💕2 [🇭 🇦 🇷 🇱 🇾 ] 424

ഉത്തരമില്ലാത്ത ചോദ്യങ്ങൾ മനസ്സിനെ അലട്ടിയപ്പോൾ ഞെട്ടി കണ്ണുകൾ തുറന്നു.
പിന്നീട് ഉറങ്ങാൻ സാധിച്ചില്ല. എഴുന്നേറ്റു സമയം ഉച്ചയോടടുക്കുന്നു. അടുക്കള ഭാഗത്ത് നിന്ന് നല്ല ചിക്കൻ കറിയുടേം വറുത്ത കോഴിയുടേം ഒക്കെ മണം തട്ടിയപ്പോ വാശിയും വൈരാഗ്യവും കളഞ്ഞ് എന്തേലും കഴിക്കാനായോടി. ആരും കഴിക്കാനായി എത്തിയിട്ടില്ല. ആരേം കാത്തു നിന്ന് ശീലം ഇല്ലാത്തത് കൊണ്ടും ചോറ് ആവാത്തതിനാലും രാവിലെ ഉണ്ടാക്കിയ ഉപ്പുമാവും കറിയും കൂട്ടി പിടിച്ചു. അമ്മയേം അവളേം അവിടെങ്ങും കണ്ടില്ല. ആകെ അടുക്കളയിൽ എന്റെ തങ്കക്കുടം അപ്പച്ചി മാത്രം…..!!

 

“”””ഇന്നലെ എപ്പഴാടാ നിങ്ങള് കെടന്നെ…..??””””

 

വിശപ്പ് കാരണം എടുത്തത് അവിടെ വച്ച് തന്നെ തിന്നു. അതാ ഞാൻ ചെയ്ത തെറ്റ്. അതുകൊണ്ടാണല്ലോ ഇതിപ്പോ കേക്കേണ്ടി വന്നേ…..!!

 

“”””അതക്കെ നിങ്ങളെന്തിനാ തള്ളേ അറിയണേ….??”””””

 

“”””അല്ല, മോൾടെ മുഖത്ത് നല്ലൊറക്ക ക്ഷിണം ഉണ്ട് അതാ ചോദിച്ചേ…..!!”””””

 

“””””ആണാ എന്നാലവളോട് തന്നെപ്പോയി ചോദിക്ക്……”””””

 

എന്തക്കയാ അറിയേണ്ടത് ഈ തള്ളക്ക്…?? നാണവും മാനവും ഇല്ലാത്ത ജാതി. ഇതൊക്കെ വച്ച് നോക്കുമ്പോ എന്റെ അച്ഛൻ എന്ത് മേനിയാ….!!

 

പിന്നീടുള്ള അവർടെ ആക്കിയ ചിരി കാണാനുള്ള കെൽപ്പ് ഇല്ലാത്തത് കൊണ്ടും നിയന്ത്രണം വിട്ട് ഞാനെന്തെലും പറഞ്ഞാലോ എന്ന പേടി കൊണ്ടും അവിടുന്നപ്പോ തന്നെ തടിയൂരി.

 

“”””ടാ മേളിൽ ഉണക്കാൻ ഇട്ടേക്കുന്ന കൊപ്ര ഒന്ന് പോയി നോക്കിയേ തടം പോലും വച്ചിട്ടില്ല കാക്കയെങ്ങാനും കൊത്തി കൊണ്ട് പോയോ ആവോ….??””””

 

“”””അത് നിങ്ങൾക്കങ്ങ് പോയി നോക്കിക്കൂടെ…..??””””